الافكار حلوة

حبيبتي هذا نص مليون ما اتوقع يشتري عماره بس ممكن تفتحين محل مثلا مغسله ملابس محل ديكورات اناسمعت انه يدخل زين بسيبيله شخص رايق

اختي فيه ببنك الراجحي افكااار حلوه للمشاريع

عندهم مسانده مشاريع ايش يسون خليني اشرح لك

تروحين لهم وتقولين ابي اشتري عماره طيب

يقولون لك طيب هذي عماره انتي اشتري منها 30% واحنا 70% وهم يتكفلون بالصيانه وكل شي يعني انتو مالكم دخل بوجع الراس

كل سنه يدخل عليك منها ارباح وياخذ البنك حقه بدوووووون فوااااااائئئئئدددد

بدون ماتراكضون ورى مؤجرين بالاخيره بعد عشر سنوات او حسب المده اللي يحدده البنك تصير العماره باسمكم يعني ينتقل صك الملكيه باسمكم

عاد وقتها تبغون تبيعوونها او تاجرنها بالكامل

ما ادري ايش اسم الشي هذا بس زوجي شرحه لي امس وان شاء الله ناوين نبداه بس لما نجمع المبلغ

خلي زوجك يروح لبنك الراجحي ويستفسر اكثر ويارب اكون وضحت لك الصوره

الله يوفقكم يااااااااااارب

المشاريع ثلاثة اقسام:
1- مشاريع عقارية 2- مشاريع صناعية 3- مشاريع تجارية

العقاريه امتلاك اراضي وايجارات الشقق يسمونها تجارة الكسالى وهي اللي مستحوذه عند الناس انه ممتاز لأن اغلب الناس يحبون الراحه ميزاتها تدخل عليك ربح ولكنه متوسط وبدون تعب اضافة الى راحت بالك وعدم الجهد البدني

الصناعية افتتاح مصنع لمنتج مرغوب في المجتمع وعادة يكون فتحه خارج السعودية في الصين او الهند وتبدأين باستيراد من مصنعك الى دولتك والبيع بها مثل مايفعلون مصانع الالعاب والثياب والجلابيات والاحذية والكماليات هي اللي عليها الكلام ميزاتها الربح صح انه يتفاوت ليس ثابت ولكنه يجلب لك الثراء الفاحش ولكنه يحتاج الى جهد بدني ووقتي

التجارية معروفة افتتاح محل تجاري ايا كان بعد دراسة الجدوى فيه وفي امكانياته ودراسته وافتتاحه هذا القسم هو النوع الخطير ونسبة الخسارة فيه عالية والربح قليل ولكن بعد توفيق الله والدراسة المتأنية ( واختياااااااااااااااااار الموقع المناسب + النشاط المناسب ) بإذن الله بيفيدك

حبيت بس ابين لك الخطوط العريضة علشان لاتغامرين الا وانتي عندك خلفية

وتبين رأيي استيراد منتجات من الصين وفتح محل والبيع فيه يرجع لك بدل 300 الف مليون وهالشئ مجرب

اتمنى لك التوفيق