ازااى احب نفسى زى بيتى 💜💜💜💜

السلام عليكم اخواتى الغاليات و قسمى الحبيب و منتداى الغاااالى 💓💓💓
كتبت انك المفروض تحبى نفسك زى بيتك
و كتير سالوا ازاى اقدر اوفق بين بيتى و مهامى ووو ولستة لا تنتهى من الطلبات و كمان نفسى
ده واقع هناقشه معاكم بهدوء على شكل سلسلة
كل اسبوع نتناول جزء
فاستحملونى و اتمنى اكون ضيفة خفيفة 😀
من اهم الاسباب الى بتخلى اى واحدة مننا تسيب كل اللى وراها و تهرب بالنوم او باللعب على الفون او بمشاهدة ال TV او او
المهم ان الواحدة تخترع اى شىء للهروب من مهامك
السبب دائما ..تراكم الاعمال او انك بتكلفى نفسك بمهام كتيرة
قايمة مهام مش ممكن تقدرى عليها فبالتالى عقلك الباطن بيعطى اشارة بالرفض و عدم القدرة فيصاب الجسم بالتعب و الاجهاد و الصداع
حل الموضوع ده انك تحددى مهام صغيرة جدا جدا فتافيت
و ده نظام اسمه كايزن ✌✌✌
سر المعجزة اليابانية ... و معناها التحسن الصغير المستمر

مثلا سمعتى عن شطارة فلانة تقررى انك تقلبى بيتك راسا على عقب و تكونى اشطر منها مثلا واحدة بتمسح بيتها كل يوم انا لازم اكون اشطر منها
تنظيف و مسح و كلور صدقونى يوم واحد و مش هتكملى ابدا
حل الموقف ده نقاااط
🌷هناك فروق فردية و كل بيت و له ظروفه
زمان لما قررت اتغير كنت بقول زى انا فاشلة ليه لان كل البنات بتصحى بدرى و انا جوزى بينام متاخر و انا معاه فبتاخر يبقا فاشلة

لا هصحى و اسيبنى منه
و بعدها اكتشفت ان كل بيت و له ظروفه و كل واحدة و قدراتها غير
و كل انسان عنده مواهبه اللى تخليه مميز🌻🌻🌻


السر فى التقسيم 🎉🎉و التنظيم و تحديد مهام صغيرة🎉🎉
بيبى ستيب💃💃
لتنظيم اليوم خطوط بسيطة



🌷🌷🌷
البيت الاكل اول شىء مشكلة كل بيت هناكل ايه بكرة 😥😥😥



الاكل🌺🌺 حددى اكلك قبل بيوم و اوعى تنزلى تشترى اكل لنفس اليوم
ورقة و قلم فى مكان قريب و اكتبى اى شىء ينقصك و انزلى اشتريه بالاسبوع حتى لو ملح لو هتعملى حاجة حلوة
مرة واحدة للشراء


فى يوم يكون عندك بواقى اكل او اكل خفيف خليه بوم الشراء بالليل جهزى اكلاتك
مفروم وجبتين تبلى كفتة و عصجى الباقى
فرختين واحدة سيبيها و التانية قطعيها و تبليها
احتفظى ببواقى الشوربة
اعجنى عجين فطاير و فرزيها بعد التخمير
و كل ما يتبقا شىء اعملى علبة البواقى للبيتزا
و اخر الاسبوع اعملى بيتزا و شيبس و عصير
يوم عجة و كفتة تركى
المهم تكونى محددة وجباتك حتى لو محشى بس بلاش تنزلى كل يوم للشراء


البيت كل شوية فتفووووتة صغيرة ازززاى😱


اكنسى غرفة واحدة و نظميها و رتبيها ترتيب زى الفنادق و لمعى الاسطح و بخريهاو امسحى الاجزاء الظاهرة من الارض
المطبخ 👍👍👍رتبى رف دولاب امسحى متر احد من السيراميك
هينظف مع المداومة و ممكن مش تحطيه فى خطتك اعطيه بس ربع ساعة درفة دولاب جوه و بره جزء سيراميك رشيه على مل تنجزى شوية امسحيه بسهولة قسميه على الشهر و اوعدك هتكونى انظف ست و شطورة
التنظيف العميق للبيت هنحدد لكل غرفة اسبوع و تقسمى الغرفة يوم الشباك و الستارة
يوم السرير و المراتب و تحته يوم الدولاب و هكذا
و باقى البيت امشى عليه سريع و اى شىء يكون بمكانه


😘😘😘صدقينى لو طبقتى نظامى هتنعمى بنظافة لا حصر لها و لا تحتاجى لتنظيف قبل رمضان ولا عيد و لا عزومات




عنايتك 💅💇💆


بسطيها برضه ماسك بسيط زبادى و دقيق
اى حاجة لو هتحسيها مرهقة و هتكسلك انسيها دلكى وشك بزيت:
رطبى ايدك و رجلك و خدى شاور و سرحى شعرك
ملحوظة👌ده نظام بسيط للى مش بتحب تهتم لكن العناية موضوع تانى


دينى🎀🎀


جربى تصحى الصبح و تشغلى الاذكار اون لين و امنى بس ورا الشيخ
بعنى تقولى امين
صلى فر ض ربنا استغفرى ١٠ مرات بعد كل صلاة و اقرى ٤ اسطر قران
و صلى ١٠ على الرسول
بسسسسس


ملحوووظة 📌📌📌
كلامى برررضه للمقصرة دينيا معنى كلامى انها تربط نفسها بحبل الله ووربنا هيقربها منه


لكن موضوع العبادة و الورد التعبدى لله غير برررضه


فتفووووتة من كل حاجة عايزة تعمليها📢📢
ده ببساطة معنى مبدا كايزن 👌👌👌




ذرة الرمل تصنع جبل
و قطر الماء تصنع النهر
🕐🕐🕐🕐🕐
المهم ان كل واحدة تراقب وقتها مش تعيش فى الفراغ
ليييه
لان قايمة مهامك كلها فتفافيت تنتهى فى ربع ساعة
فالربع ساعة دى مهمة ليكى و بكده تكونى ضحكتى على عقلك الباطن و نفذتى مهامك
🎀🎀🎀🎀🎀
يبقا البلانر اى بلانر اهم ما يميزها البسااااطة
و الخصوصية تعنى ان كل واحدة و خططه تختلف عن الاخر


ثقى غاليتى لو طبقتى كلامى هتحبى نفسك زى بيتك


لان بالتدريج هتلاقى بيتك نظيف و مرتب و ده معناه وقت زيادة للعبادة و كمان لنفسك و اهتمامك


جربوا و منتظرة كلامكم لاكمال باقى الكلام. اللى هيخليكى تحبى نفسك زى بيتك و اكثر


احبكم فى الله