كل عام وانتم بخير اخواتي بقرب عيد الاضحى الله يبلغنا اياه وجميع المسلمين
اليوم حبيت انزل موضوع عن ازالة بقع الشمع اكثر من مرة انسال السؤال
جربت على شال كان عندي اشتريته وانكب عليه بقعة شمع حمراء والبقعة من زمان يعني تقريب السنة واكثر
بتحتاجي ل
مكواة الثياب العادية
اوراق المطبخ
اولا هدا الشال وعليه البقع
ازا بتقدري تشيلي قسم منه بحافة الملعقة شيليه ازا كان كثير او السكين
بعدها جيبي الورق وحطيه على البقعة مباشرة ويكونوا 4 اوراق وخلي تحت البقعة قصدي تحت الشال كمان شي ورقتين علشان يمتصوا الشمع من الاسفل
حمي المكواة واكوي على الاوراق بحركات دائرية علشان ما تتوسع البقعة بعدها بتلاحظي البقع بلشت تدوب وتطلع على الورق كل ما شفتيها طلعت روحي على جهة ثانية من الورقة نظيفة وحطيها كمان مرة
كرري العملية حتى تشوفي جميع الشمع طلع على الورق شوفي كيف الشمع ظاهر على الورق وكيف راح عن الشال
هسة غسلته عادي وهيك الشال رجع جديد مرة ثانية ^_^
ان شاء الله اكون قدمت معلومة مفيدة لاخواتي
الطريقة امنة للسجاد وللكنب ما عدا الجلد
عند الغسل يمكن يضل عندك بقعة مثل الزيت قبل الغسل حطي عليها اي مزيل بقع عادي او حطي نشا وخليه بس يمتص البقعة الزيتية على حسب نوع الشمع انا راحت بعد الغسل ونظفته بتايد
النقل كالعادة حلال لاي مكان المهم انها تعم الفائدة وتكون صدقة جارية عني
في حفظ الكريم