ازاى نربى عيالنا زى القطط والعصافير

بسم الله الرجمن الرحيم
التربية ديه مسئولية كبيرة جدا ...بس لل يعرف خطورتها .
وبما اننا عندنا نسبة اُمية عالية – فكتير من بناتنا الأميات بيربوا عيالهم زى ما اتربوا – يعنى اكل وشرب ولبس ان امكن وسيبيه يلعب فى الشارع عشان يتربى ............نظرية برضه.
اما نسبة الفتيات ال نالت قسط من التعليم الحكومى .........فيدوبك لو تكتب حروف اسمها صح يبقى كتر خير الدنيا ، وهايربوا عيالهم بالمتوارث برضه عشان الغالبية مش بتحب تقرأ ....بس عيالهم هايكونوا احسن حالا من ناحية الالتزام بالذهاب للمدارس واخذ الشهادة ال هاتتركن فى الأخر.......... وتستمر الدائرة...............الخ.
انا اسفة انى اقول - انه يوجد اباء وامهات وتركيزى هنا على الأمهات .... ما عندهمش ال يقدروا يدوه لعيالهم من علم وتربية صحيحة ، لا هما اتربوا صح ولا اتعلموا ازاى يربوا عيالهم بطريقة سليمة تفيدهم وتفيد مجتمعم .
وكمان الاعلام عندنا فى الباى باى ..وزى ما بيقولوا - لامنه ولا كفاية شره .
لو امهات كتير اتبعوا منهج ربنا فى تربيتهم لعيالهم وفى حياتهم عموما ...كانت مشاكل كتير اتحلت
او ما كانش فى مشاكل من الأساس .
المعاملات الحياتية بين جميع البشر هى عبارة عن سلوكيات وأخلاقيات سواء حسنة أو سيئة وال بيحكم الموضوع – التربية الدينية الصحيحة لأبنائنا – بمعنى تعليمهم الحرام والحلال ، الصح والخطأ ، الضمير اليقظ ، ال للأسف كتير من الناس فقدوه فى حياتنا ديه .
يعنى النميمة والغيبة والسرقة والغش والتدليس والرشوة واالكذب والاعتداء على اعراض الغير والبلطجة والبخل والخيانة وايذاء الغير والقتل والغيرة وشرب الخمر والسجاير والمخدرات بأنواعها والحسد وغيره من صفات الشر المنتشرة بيننا جميعا ولكن بنسب مختلفة تبدأ من 1% الى 100% كلها ترجع لأصل واحد وهو التربية
يجب ان يدرك الأباء عموما والأمهات خصوصا ان اولادنا يشبهوا عجينة الصلصال ، فنحن نشكلها كيفما نريد وخصوصا فى فترة الطفولة المبكرة قبل سن المراهقة الذى هو سن العناد والمخالفة .
كذلك اطفالنا مثل الأسفنجة يمتصون كل شىء حولهم من سلوكيات ومواقف وردود افعال من الأب والأم والمحيطين ويقلدونها ، لذا لاحظوا تماما ايها الأباء ان ابنكم او بنتكم يقلدوكم فى كل شىء من
صراخ وكذب والفاظ خارجة ......الخ ، وخصوصا الأمهات لأن فترة وجودهم معهم اكثر .

ودلوقتى هانقول مع بعض شوية حاجات ممكن تفيدنا.......................
يعنى خليىكى دايما قدوة لأولادك فى كل شىء عايزة توصليه لهم - الأطفال أذكياء جدا وبيقلدوا الكبار اكتر ما بيسمعوا كلامهم .
استغلى كل موقف بيحصل ادامك من عيالك او بينك وبينهم فى لفت نظرهم لخُلق حسن والتأكيد عليه ، وبكده هانزرع قيم جميلة جدا خلال سنين عمرهم وعملى مش رغى وخلاص يعنى من خلال مواقف اتعرضولها او شافوها فى مسلسل أو قرأوا عنها فى كتاب او حد من زمايلهم عملها.
استغلال الأعياد والمناسبات المختلفة لسرد قصة من التاريخ السابق او الواقع الحالى كى تزرع قيمة معينة فيهم .
تشجيعهم على القراءة واحضار الكتب التى تفيدهم فى تنمية الأخلاقيات والسلوك الحسن لديهم .
تعويدهم على قراءة القرأن الكريم وسرد لهم القصص القرأنى والقصص النبوى وتحليل العبر والعظات التى يمكن الاستفادة منها .
لو عجبك الموضوع وعايز تكمله وتشوف موضوعات اكتر شرفنا بدخولك مدونتنا يصمة خير وشاركنا برايك على مدونة بصمة خير
وكمان لو بتحب الفيديوهات ممكن تشوف حلقة الموضوع على هذا الرابط ازاى نربى عيالنا زى القطط والعصافير على قناتنا على اليوتيوب قناة بصمة خير
وماتنسوش اللايك والشير عشان تعم الفائدة
نحياتى
بصمة خير