درسنا المره دي خفيف و بسيط جدا لكن فايدته كبيرة أوي
هنتعلم النهاردة ازاي نعمل رابط صفحتنا علي الفيسبوك مختصر بدون رقم الاي دي
و الفايدة اننا نعمل كده اننا ممكن نقول لاي حد علي صفحتنا و يلاقيها بسهوله بدون ما يدخل يعمل بحث عنها , كأنها بالضبط زي الموقع
مثال انا صفحتي علي الفيسبوك اسمها كده
www.facebook.com/thebeautystyle
الاول قبل ما ااستخدم التطبيق دا كانت صفحتي كده
http://www.facebook.com/pages/thebeautystyle/163354382
طبعا زي ما انتم شايفين الرابط طويل جدا و غير كده صعب و مستحيل حد يفتكره
و الميزة التانيه انك ممكن تكتبيه علي الكارت الشخصي بتاعك او اي بروشور دعائي لمنتاجاتك بالضبط كأنك بتكتبي اسم موقع خاص بكي
و لو لكي موقع و عندك صفحة له دا بيزيد من ترتيب موقعك علي Google و غيره
علشان تعملي الخطوة دي لازم تأكدي حسابك , لو انتي مأكدة حسابك كده تمام و اتبعي الخطوات اللي تحت اما لو حسابك مش مؤكد هتلاقي رساله ظاهرة عندك بتطلب منك تأكدي الحساب عن طريق رقم الجوال و بمجرد ما تدخلي رقم الجوال هيتم ارسال كود التأكيد في رساله علي جوالك
ادخلي علي الرابط التالي
http://www.facebook.com/username/
و اتبعي الخطوات بالصور
هتظهر لكي الصفحة دي بعد ما تدخلي الرابط
ان شاء الله يكون الدرس واضح و اي استفسار او اسئلة ان شاء الله هنرد عليكم
سؤال لكم لو انتي فيه حد هو اللي بيدير صفحتك و الشخص دا ترك الصفحة لاي سبب , هل معني كده انك مش هتعرفي انتي او اي حد تاني يدير الصفحه مادام الشخص اللي عملها تركها؟
دا ان شاء الله هيكون موضوع درسنا القادم و هيكون بردوا درس خفيف و بسيط لكن فايدته كبيرة
و بالتوفيق
جزاك الله الجنه عزيزتي