ازا زوجك كان يخبي عنك او خطيب يخبي عنك ايش تسوي معاه

كيفك ياحلووووووووين؟؟

:(

ازا كان في وحدة منكم زوجها يدس منها او يخبي منها مواضيع تعتبر مرررررره عايديه و ماهي مشكلة لو انه قالك هيا ايش بيكون تصرفك معاه
او مثلا خطيبك يعني زي حالتي انا ايش بيكون تصرفك؟؟
:(
احكيكم علي موقف صار معايا دحين احنا في وقت الخطوبة الي هي الملكة
انا خطيبي عنده اخ واحد بس و يبغوا يزوجوا اخوهم هدا بس ماكانوا لاقين بنت الحلال و ماجاه نصيب اخوه زوجي
الين ماربنا اراد و كانت امي الله يحفظها تعرف و حده تقرب لي اهل زوجي و حماتي كانت موصيه الحرمه دي تدور لهم علي بنت عشان يخطبوها لولدهم الي هو اخو زوجي
فالوالدة قالت لي الحرمه دي علي بنت علي اساس يخطبوها لولدهم و حماتي ماتعرف انو امي ليها يد في الموضوع و حتي الحرمه الي تقربلهم ما قلت لها ان امي لها يد في الموضوع و انو امي
هي الي لقت لهم العروسة
في خطيبي جاه عشان يزورنا و اشوفه لانو صار لي كم اسبوع ماشفت بسبب ظروف شغلة
ولانو احنا ساكنين في مدينة غير المدينة الي هم ساكنين فيها
و العروسة الي بيخطبوها ساكنة معانا في نفس المدينة
حماتي جات مع ولدها الي هو خطيبي عشان تشوف العروسة الي قالت لها قريبتها عليها
و يوم جاه خطيبي لبيتنا ماقلنا انو امه جات معاه و قال انو هو جاه لوحده
مع انو هو و حماتي و حماي اخوه جوه معاه عشان يخطبوا لاخوه

و جا عندنا وقت المغرب وقال انو راح يطلع قبل صلاة العشاء لانو عنده اشغال و في اصحابه بيستنوا
مع انو ما يعرف احد غيرنا في هنا ماعندهم احد ساكن في نفس المدينة

و انا ماحبيت احطه في موقف محرج و انا اصلا عارفه انهم جاين يخطبوا و انو راح يطلع من بيتنا ويروح مع اهله عشان يخطبوا لي اخوه

و يوم خرج من بيتنا قال انه ماراح يطول كلها ساعة او ساعتين مو اكتر من كده

و اتأخر اربع ساعات و انا اتصل علية مايرد علي و ارسل له مسج و كمان مايرد علي

الين مااخر شي رد علي وقالي انو هو توه الي يسمع الجوال يدق
انا عصبت مرررررره بس مشيت قلت مشي حالك

المهم انا عارفه اني تقلت عليكم بكلامي بس والله مقهوره مررره ليش يكذب علي

و المهم اكتر موقف زعلني انه اخوه اتصل عليه قبل مايطلع من بيتنا و لمن دق جواله هو حاط نغمة معينه لاخوه
انا اول ماسمعت صوت الجوال قلت هدا اخوه و الا يرد و اسمع صوت امه وهي تكلمه
و يخلص من المكالمة والا يقولي هدول الشباب بينادوني لازم اطلع دحين عشان مااتاخر
:eek: اخخخخخخخخ ايش اقول

المهم صار يومين و الا ام العروسة تتصل لامي و تقولها انهم جوه و خطبوا بنتها و الحمدلله عجبت حماتي
و سوا شوفه وشاف ولدها البنت و كل هدا صار في اليوم الي جاه عندنا خطيبي و كان بيقول انو خارج مع اصحابه عندهم شغل و هو راح مع اهلوا بيت العروسة

المهم ام العروسة اتصلت تقول لامي كده لانو اصلا احنا نعرف ام العروسة و هي تقرب لنا من بعيد

المهم الين اليوم لا هو ولا حماتي ماقالوا انهم خطبوا لي ولدهم

دحين انا ماعلي منهم يخطبوا ولا مايخطبوا
كل الي عور لي قلبي من الموضوع التافه هدا انو كان بيكذب علي

و هو دايمن يقول انه هو صريح و يقولي علي كل شي
و اذا مرره انا كنت ناوين انا واهلي نسافر مثلا و هوا ماعرف الا قبلها بيوم او يومين مثلا
يحسسني انو هو زعلان لانو كيف انا ماقلتله من بدري انو احنا مسارفين مثلا و اكيد انا كنت عارفه من زمان انو احنا حنسافر مو عرفت في نفس اليوم او قبلها بيومين

! ! ! ! ! ! ! ! ! ! ! ! ! ! !

دحين بلييز مررره ماني عارفه ايش اسوي معاه
ابغي احسسه انو انا كنت عارفه انو هو كذب علي و لف و دار معايا و اخترع قصص و حكايات و طلع له اصحاب و هوا اصلا ماعنده لا اصحاب ولا اقارب و لا حتي اشغال في المدينة الي احنا ساكنين فيها

بس بنفس الوقت ابغاه يعرف انو انا ماهمني يعني يخطبوا لي اخوهم او مايخطبوله

و لو عرفت يعني راح اقول لي اهل العروسة الي راح يخطبوها لا توافقوا ؟ مثلا؟؟

بس ابغاه يعرف انو كذب علي و انا كنت عارفه انو كذاب و ابغاه يعرف انو انا اصلا كنت عارفه من قبل مايجوا انهم لمن راح يجوا ماراح يجي هو لوحده و جيته دي عشان يخطبوا مو بس عشان جاي يشوفني ؟؟؟

:(

من جد مررررررره ماني عارفه ايش اسوي قولولي ازا الموضوع يستاهل ازعل عليه ولا لا
؟

و اسفه مره ادري طولت كلام