ازف لكم بشرى تغير اختي والفضل لله ثم انتم

اولا اشكر كل بنت ساعدتني في نصيحه او كلمه حلوه
دخلت وقلت اني بنت قريه وساعدوني لان اللي ابي اتزوجه عايش برياض واخذت كل كلمه وطبيقتها والان متزوجه لي شهرين زواجي كان في شهر 7 دعوه لكل من دخلت ونصحتني
الموضوع الثاني كتبت قصة اختي وكيف تغرت لون بشرتها من بيضا الى حنطيه وقلتولي خليها تقرا وتدهن في الزيتون والحمداالله تحسنت وكنتم معي زي الاخوات وطلبتم مني اطمنكم عليها لو بعد سنه والان ابشركم احسن
عشان كذا بقول لك بنت نصيحه ابتعدو عن خلطات التبييض ضررها اكبر من نفعها واذا ع بياض بياض مو قت
الشي الثاني اختي جربت هذا القناع اقسم بالله ان بشرتها مع القراءه اتحسنت وهو علبه زبادي 3 ملاعق نشا 3 شوفان مطحون تخلط وتوضع بعلبه وتستخدم ساعه كل يوم يجنن ومع الاستماريه يعطيك بياض
هذا القناع حبيت اهديه لكم لان كلمه حلو قليله عليه وبقوه
فيه استفسار صغير عندي امي بتستاجر شقه في الرياض لان اختي بتدرس الكليه لان قريتنا مافيها كليه طبعا ولا المحافظه خفت اوجه السؤال لزوجي يقول شكلها تبيني اساعدهم وانا توني متزوجه وعدت امي اسال لها ولان اوجه السؤال لكم كم الايجار في الرياض شقق وياليت تذكرون لي اسم الحي بصراحه حالتنا الماديه عاديه جدا يعني ماتقدر الا من 15 في السنه
السؤال الثاني امي بتسكن هي واختي لحالهم هل هذا فيه خطر عليهم قلت لها بسكن معك انا وزوجي قالت لا ومستحيل
انا ادبر اموري تكفون طمنوني