السلام عليكم ورحمةالله وبركاته
اكيد سبق ومر اسمي هنا كثير وياما كتبت ودمعي على خدي
بختصر لكم قصتي في سطور
انا أعاني من عقم ثانوي + ضعف شديد في التبويض + ضعف بطانة الرحم
تعالجت في مستوصفات خاصه دفعت مبالغ طائله
ثم تحولت على مستشفى الولاده ولاطفال قسم العقم وتأخر لانجاب
عطوني كلوميد + ابر فستيمون 170 وطلع معي بويضه صغيره
وزادو الجرعه وطلع مقاسه زين بس بطانة الرحم ضعيفه ماتساعد على انغراس البويضه
كررو العمليه لمدة 3 شهور مرات تكون إبر وعددها يوصل 13 ابره
آخ يكثر ماعنيت من وجعها في العضل مقدر اجلس او امشي تشوهت ردوفي صارت بقع بنيه
بعدين صارو يعطونيها في اليد المهم دائماً تطلع النتائج فاشله مافيه حمل
بكيت وتحطمت من كلام زوجي كل ساع يقول ودي بصغير العب معه
ووديه البقاله أشتري اله كل الي نفسه فيه
قلت خلاص معاد ابي احمل ولاعاد تتكلم بهذا الموضوع:06:
وخلاص شلت فكرة الحمل من راسي وزوجي صار يلح علي اني اخذ كورس جديد
قلت خلاص بتتزوج تزوج انا خلاص معاد اتحمل طق أبر وحبوب
اوانك وافق على التقيح الصناعي ويا دار مادخلك شر
رفض وزعل ووصلت حد غير معقول من المشاكل
المهم سكنت عندي جاره مسكينه وفقيره عندها حالة وراثه مأحد يرزق من عايلتهم غير بطفل واحد
بكت عندي وقالت انتي زوجك يوديك وانا زوجي ما عليه مني
قلت لها يابنت الحلال انا وانتي واحد
وقسمت كل علاجاتي الشعبيه بينا وعطيتها وكنا بنفس لوقت علينا الدوره
والله يا بنات دعت دعوة انا الله يرزقنا بشهر ذاك
المهم جارتي تجيها حلات ضيق وطفش من بيتها وكنت أخرجها معي
أمشيها ورفـه عنها بكل شي اقدر عليه
وإذا صدف وجود مكتب تبرعات حطيت فيه بنيه ان الله يغفر لي ذنوي
والله الحمل شلته بحذافيره من راسي حتى بدفع الصدقه>> كرهت كلمة حمل وشكل الحمل
وحمدت ربي اني بخيروعافيه والحمل إذا جاء خير وبركه ولو ماجاء مارح توقف حياتنا
المهم تاخرت علي الدوره بشهر 8 قلت يلاه بس تنزل بروح اطلب من زوجي نسوي تلقيح صناعي
انتظرت ونتظرت ونتظرت قلت لزوجي ابي تحليل منزلي او مستوصف اضمن
طالع في وهو مثل الي يعيب علي
قال لاتصدقين روحك كل مره تتاخر و بعد ما ندفع حق التحليل تنزل قبل النتيجه
بكيت وقلت ربي على كل شيئ قدير
حللت وطلع خطين فرحت وفرح زوجي ورحت سويت اشعه وطلع معي كيس وجنين
الحمد لله والشكر اولا واخيرا
بنات انسو الحمل انسوه فتره اخذو راحه نفسيه
ولاتنسو الإحسان لناس وحبو لغيركم ماتحبوه لأنفسكم
ولاتتسمعو لكل كلمه تقال في حق كل متاخره في الحمل
كذا تتعب نفسياتكم
والحمل مايجي بكيف الواحد
ربي وحده هواليحدد وقته
ملاحظه
انا بعد ما شلت فكرة الحمل من راسي
بديت اهتم بنفسي اكثر من الاشياء الي تبيض وتنحف
ومنها الي هو اصلاُ خطر على الحامل استخدامه
بس عشاني شايله فكرت اني بحمل طبيعي من راسي
استخدمت كل شيئ ممنوع على الحامل او المقبله على حمل
والحمد لله كتب لي الحمل ولا تضرر بشي منها ولله الشكر والمنه
ويارب اولد بسلامه وجنيني بخير وعافيه
دعواتكم لي ودعوتي لكم بالحمل السليم القريب
اختكم المحبه ترانيم الحياة:)
يلزم عليك تسجيل الدخول أولًا لكتابة تعليق.
العنيدة ريمممم
•
ماشاء الله
الحمد لله الذي يعطي بلا حساب
الف مبروك الله يتمم حملك ويرزقك باللي تتمنين
عقبالي وكل البنات المنتظرات فرج الله يارب فرح قلوبنا
الف مبروك الله يتمم حملك ويرزقك باللي تتمنين
عقبالي وكل البنات المنتظرات فرج الله يارب فرح قلوبنا
ما شاء الله تبارك الله
الـــــــــف الـــــــــــف مبروك
الله يتمم لك على خير
ويرزقك بالحمل السليم والثابت
وعقبال كل من يتمنى الحمل يارب
الـــــــــف الـــــــــــف مبروك
الله يتمم لك على خير
ويرزقك بالحمل السليم والثابت
وعقبال كل من يتمنى الحمل يارب
الصفحة الأخيرة