ازواج بالتقسيط المريح.............

:26::26::26::26:

السلام عليكن اخواتي...
قد يكون العنوان غريبا ولكن مش اغرب من حال هالشباب المسكين وهالبنات الباحثات عن الحلال...

ظاهره غريبه جدا ...بحاجه لعلاج...
اخواتي والله ما ضل محل اثاث ولا ادوات كهربائيه ولا بنك الاعامل برنامج تقسيط لتسهيل الزواج...
طيب وماله اهم بيحلو ازمه...
ولكن متى تبدا الازمه عندما يكون الشاب مسكين نفسه يتجوز ويصون نفسه والبنت عايزه تخلص من العزوبيه وزن ماما والجيران متى نفرح فيكي يا حبيبتي؟؟؟؟كانها عالكبسه يعني..
وهو يالله تقسيط تقسيط...اعمل ايه...
وبعد شهر العسل تبدا المشاكل ...
راتب عقد الحال موزع ..
ايجار بيت..
قسط تلاجه...
قسط غرفه نوم..
واقساط اخرى كتيره..
وتبدا المعركه ...
هي عايزه حاجات ,,,وهو الحال على قده...
هي يا ريتني ما تجوزت...وهو كاره نفسه..
مش عايزه اطول عليكم بس اخرتها ايه ..
احنا ليه دايما عايزين كل حاجه بسرعه وباسهل الطرق من غير ما ننظر للمستقبل شويه...
انا ما بقلش ما نتجوزش ...بس برضه ما نبداش حياتنا بديون واقساط ...يعني على قد لحافك مد رجليك....
نصبر شوي نخطب سنه ...نجيب اثاث على قد الحال لحد ربنا ما يفرجها...
ما نثقلش على الزوج وعلى اهالينا لانهم مساكين هم اللي حيدبسوا في الاخر...
وصدق اللي قال هم البنات للمات....
منتظره ردودكم وللموضوع بقيه ...متنوع باذن الله