ازوج زوجي . ولا اتقبله . اي خيار الاسهل؟

السلام عليكم ورحمة الله وبركاته اتمنى تنصحوني وتراعون ظرفي لا تلوموني ويقلب الموضوع كله لوم انا ابي نصايح لاني فعلا تعبت ومحتاجه نصايحكم
انا يابنات تزوجت زوجي قبل 3 سنوات تقريبا .جلست معاه شهور معدوده وعذبني فيها ضرب واهانات وقذف وحتى لما حملت يقول هذا مو مني ويقولي الفاظ تنقال بس لساقطات الله يسامحه وتركني فتره طويله سنتين بعدين رجعني وقالي انا كنت اسوي فيك كذا ما ابيك تتعلقين فيني وتحبيني لاني تزوجتك وانا ناوي اطلقك
المهم مو هذا موضوعي اللي فات انا مسامحته عليه دنيا واخره والله يسامحه لكن مشكلتي اني سامحته ولا نسيت
يابنات اكره قربه مني انبسط اذا كان برا البيت واحس براحه وهدوء وسكينه وانا جالسه بس انا وولدي وامي وهو مو معانا افرح على انه الحين الحمدلله صار احسن ولا عاد سوا فيني شي مو كويس زي اول
بس نفسيتي لسا تعبانه لي شهور من رجعت له بس مو قادره اتقبله واتهرب عشان ما اعطيه حقه مره عصب لاني كذبت عليه ان فيني الدوره وكشفني اصلي وصارحته باللي بقلبي قلت اذا تبي تتزوج انا ماعندي مشكله ووالله مستعده ادور لك على العروس بالمواصفات اللي تبي طبعا هو ساكت طول ما اتكلم وقلت له ها وش ردك قال قومي صلحي لي قهوه وخليك من البربسه والكلام الفاضي وماعاد فتح الموضوع انا قلت لامي كذا وكذا وهاوشتني انتي مجنونه انتي غبيه بكره يتزوج وينساك انتي وولدك وانتي الحين تنفرين الرجال منك ليه
يابنات اعطوني طريقه تخليني اتقبله وانسى اللي راح او تنصحوني ازوجه عشان يبعد عني . والله ما فرق معاي ولا اغار عليه لو تزوج علي 10 مايهمني انا اللي يهمني بهالرجال شي واحد بس انه يحن على ولدنا ويربيه معاي بس