و مرحبا ي اللي ناوين ع الحمل قريب
"الله يرزقكم و يرزق كل مشتهية الذرية الصالحة يارب)💗
-ما احلل اي ذكَر هِنا يكمل قِراءة الموضوع.."لوجود صور"
-ما احلل نقل الصور ل موضوع يقرأه الذكور..
كل وحدة تخبرنا (ايش الستايل او الزِيّ اللي تحبه ع وحدة حامل)🙈💘
بالنسبة لي اشوف اللطافة في اللبس مع الوانها و ستايلها مهم جداً ..
مو عشان احد و إنما لنفسها❣️🍃
فيه بعض البنات اول ما يطلع لها خطّين الله يصلحها تروح تلبس انواع ملابس الحمل الفضفاضةة ابو ربطة 😅💔
ثم تطلع بهذا الشكل الغلط😟👇🏻
عندك الحمل ٩ شهور ، تمر على ثلاث مراحل
لكل مرحلة لبسها المناسب ، ابداً لا تسابقين في تنسيقاتك ✋🏻❌
كلها ٩ شهور استغلي ستايلك فيها ب شكل لطيف💗✨
-اول ثلاثة شهور البسي لبس جميل💘 لكن مو شرط تبع حمل❌ لان لسى كروشتك صغنونة او ب الاصح ما عندك علامة حمل شكليّا ☺️البسي المناسب لغير الحامل ينفع..
✨✨✨
-ثاني ثلاثة شهور البسي الملابس اللي تناسب الطرفين (يعني تناسب الحوامل و غير الحوامل) ، جداً لطيفة 💓🍃
✨✨✨
-اخر ثلاث شهور (لبس مخصص للحوامل) سواءاً ماسك او فضفاض. ، بيكون شكلك لطيف و مقبول جداً..🧡✨
✨✨✨
و حلو التنويع💓 مرة ماسك مرة فضفاض مرة مرة فستان ناعم مرة جلابية مرة بنطلون و بلوزة مرة تنورة ..☺️🧡
بالمختصر: لا تقعدين دايم ب ثوب حمل من اول حملك ل اخر حملك بحجة انك حامل!!❌✋🏻 استغلي لطافة هيئتك هالفترة و دلليها ☺️🍃
بالنسبة للبناطيل :
البسي اللي تحبين ولكن
لما تكبر بطنك لا تشحطين نفسك ب البناطيل العادية من باب الكشخة ❌🤕
لان انتِ كذا خربتي مظهرك و منظر تدويرة بطنك للاسف✋🏻..
و غير عن كذا بتضايقين البيبي وش ذنبه ينفغص ب ظهرك عشان تكشخين ب بنطلون مو لك! ..🤕💔
-تقدرين تستبدلين البناطيل العادية ب بناطيل خاصة للحمل.. " راحة لك و للبيبي ، و لطيفة نظرياً"🍃💘
و الحلو فيها لها مستويات في توسيع المطاط او تضييقه ، حسب حجم بطنك☺️❣️
✨✨✨
و نفس الشيء للملابس الداخلية السفلية (الكلوتات و الفخاديّة) ، استبدليها بالخاصة للحمل🧡✨
✨✨✨
-العباية🙏🏻 ابعدي عن الضيقات ، مو شرط الدولة كلها تعرف الشهر اللي انتِ فيه من خلال ضِـيق عبايتك🤕بعضهم الله يصلحهم لو تلبس عبايتها و هي حامل عرفت ان راس الجـنين نزل للحوض من كثر ماهي موضّحة بطنها😅
فيه عبايات للحوامل جميلة جداً ، و في عبايات للغير حوامل لكن فضفاضة ب شكل انيق و تناسب الحمل كمان💗🍃
فترة الحمل فترة بسيطة استغلي ذوقك في هالفترة ..🙏🏻
الله ييسر لكل حامل و يبارك لكل والدة و يرزق كل مشتهية يارب العالمين..🕊🌸
