ازياء جميل في الشارجه

هلا دموع الحيرة: بصراحة انا ناوية اروح الشارقة جريب، بس قوليلي الاسعار تتراوح من كم لكم، ووين ازياء جميل في الشارقة اي شارع، وبحصل هناك ملابس اطفال شتوية

ومشكورة :mouse::02:

هلا الغالية الصراحه اسعارهم مختلفه في عندهم من العشرين لين الامية و شي مادري الصراحه ما ركزت في الاسعار بس شفت قمصان نوم من لاسينزا و يبيعونها ب 60درهم
بالنسبه لملابس الاطفال شفتها عندهم بس الصراحه ماخذت لفة عليهم انتي اصلا لو ما عجبج شي للاطفال عندهم في محلات غيره في نفس السيد و مقابله مثلا عندج محل الاطفال و محل اسمه اظن ارض الطفل و بعد عندج سناء
بالنسبه للمكان اذا انتي يايه من دبي طبعا بتكونين في شارع الوحده حتى عاليسار بيكون عندج مفروشات الحذيفة و على يمينج شركات سيارات شيفروليهالمهم تسيرين سيدة وبتلاقين جدامج اشارات و في ويهج بس عاليسار شوي سوق الذهب مال الشارجه المهم انتي خذي الاشارات يمين يعني خلي سوق الذهب وراج و شارع الوحده على يمينج ..سيري سيده و بتحصلين محلات على اليمين و ازياء جميل واحد منها و عللى اليسار(يعني على الشارع الثاني ) هوم سنتر و بعدين سناء........وسلامتج
ادري عورت راسج بس هذا ادق وصف
واي شي ثاني انا حاضرة

السلام عليكم

أختي دموع الحيرة مشكورة عالموضوع الحلو .. والله أنا خاطري اسير دبي والشارجة جريب .. ناويه آخذلي قمصان وتنانير وهالشغلات ..

عشان جيه ابى اسألك محل جميل هذا أحصل عنده قمصان او تنانير حلوات ...

وسلمت

اكيد بتحصلين بس انا ما اخذ منهم

غريبه عندهم ها الشغلات ... انزين ممكن تقوليلي كم سعر الملابس الداخليه اللي بماركة ليفابول لاني انا دايما اخذها بس اخذها على ثمانين واحيانا بسبعين ... وخبريني عن اشكالهم يديده والا العاديه ....


ومشكوره :26: