الله يعينج اختي..

بس شوفي تقدرين تقولين للهيئة انه في شخص يتحرش فيج و هم بيشوفون شغلهم.. طبعا انتي انكري اي شي انج تعرفينه او غيره صدقيني من كلام الريال بس تهديد في تهديد و لا يقدر يسير عند ابوج يبى يسحب الي عندج من فلوس و يرتكب الرذيلة ابتعدي عنه غيري رقم تيلفونج و خبري الهيئة.. و ما اعتقد بتصلون في اهلج لانج ما شاء الله كبيرة..

من تحليلي: الريال يستخدم اسلوب التهديد يعرف طبع الحرمه عاطفي و بتخاف... خلي قلبج أسد و خبري الهيئة أو اقطعي علاقتج..
توبي الى الله توبة نصوحة و اطلبي الستر.. الله يستر عليج ان شاء الله و انتبهي الرجال ذئاب تختفي تحت رداء حمل وديع.. (للذين يتحدثون بالهاتف)

هذا النوع من الرجال يتشجعوا على الحريم
ويخافوا كثيييير من الرجال
في وحدة صديقتي صار لها نفس الشئ هي ايضا كانت نيتها الزواج
لكن هي مسكينة تزوجته في السر ولكن كان زواج بدون دخلة
لانها مسكينة متدينة وكانت ما تريد تتكلم مع اي رجل غريب عنها
وهو استغل الفرصة وقال لها طيب ايش رأيك نتزوج بالأوراق
وبعدين اتقدم لأهلك رسمي وهي ببراءة وافقت وطبعا صورتها عنده
وبعدين بدأ يطلب منها فلوس ويخلي نفسه مسكين
وهي تعطيه وتعطيه لانه زوجها وتريد تساعده
وتطلب منه ورقة الزواج وهو يقول مش ضروري
الاوراق عندي وانا احافظ عليها وفي الاخير وعندما كثرت طلباته
قالت له ماعندي فلوس بدأ الوحش يظهر على حقيقته وقال لها اذا ما اعطيتيني الفلوس
بنشر صورتك في الانترنيت وافضحك
ومافي دليل اننا متزوجين وبعدين المسكينة اكتشفت انه ماتزوجها وكان زواج باطل
لكن دعت الله عز وجل دعاء المظلوم وصارت قوية وما خافت منه وقالت له سوي اللي تسويه
تكلمت مع صديقتها وعلى طول صديقتها ارسلت اثنين من اهلها وكلموه وأدبوه واعطوه كلام من اللي يستحقه والرجل لو تشوفوه كيييف خاف حتى انه اتصل في البنت المسكينة واعتذر منها وهو يرتجف ورجع صورها واوراقها
لو المسكينة قصت لكم في البداية كيف كان كلامه عسل وحب وغرام ماكنتم بتصدقوا انه ذئب
اسأل الله رب العرش العظيم ان يفرج عنك كربتك ويسهل لك اموره .

انا قطعة علاقتي بيه كليا ومن يوم كتبت المشكلة تبت

والموضوع صار بيد اهلي الحين

ادعولي انه الموضوع ينتهي على خير

ويمسكوا الحقير هذا

ادعولي بالستر

من كل قلبي ..

الله يستر عليكِ أختي قريباً و يستر على جميع المؤمنين و المؤمنات و يبعد عننا و عنكِ
أولاد الحرام ...

و حسبي الله على كل ظالم و مفتري ما يخاف الله و لا يحترم أعراض الناس و لا يقدر براءة قلوبهم ....


الله يوفقك لكل خير يا رب


سلام

حسبي الله على كل ظالم و مفتري ما يخاف الله و لا يحترم أعراض الناس و لا يقدر براءة قلوبهم