يا قلبي .. الله يكون بعونك .. قطعتي قلبي .. عجزت أروح أناااااام ..

يالله يا كريم تفرج كربتها ووتوسع ضيقتها .. وتدحر عدوها ..

ياخيتي الشيطان موجود مع وجود البشر على وجه الأرض .. والشكوى لله على اللي صار ..

لكن صدقيني أذا كان أنسان حقير وتافه بهالشكل .. ما راح يستر عليك .. وكونك تبلغين أخوك

أنتي ... هذا بحد ذاته عند أخوك على حرصك على سمعتك وشرفك ... لكن مثل ما قلتي

الدنيء يضل دنيء .. وهو ممكن يوصل لأخوك المعلومة أو لأبوك ويزيد عليها من عنده ...

وعموما ... أخوك أو أبوك مهما سويتي راح يغفرون لك .. لكن أذا فضحك عند الخلق ماراح

يرحمونك ...

طيب بسألك أختي ..أنتي تدرين من نفس المنطقة أو لا ..؟؟ يعني هو في مدينتك أو لا ..؟؟

ياعزيزتي دوم الانسان يلجأ إلى الله وصدقيني لا هالشيطان ولا اللي اكبر منه
راح يكون اكبر من الله انتي بس ادعي الله ولو تعرفين كتاب كنز الدعاء حاولي تقتنيه وتدعي منه

ودوم استغفري وقولي لا اله الا انت سبحانك اني كنت من الظالمين

ولا اله الا الله الحليم الكريم لا اله الا الله العلي العظيم لا اله الا الله رب السموات السبع ورب العرش العظيم

واللهم اني اعوذ بك من شر فلان بن فلان

وخلي ثقتك بالله كبيره وتوبتك نصوح والله يرد كيده بنحره ويشغله بنفسه
اذا ما اشغله بطاعته

ويستر عليك وعلينا جميع وعلى المسلمين

ويفرج همك آسفه ماقدرت اساعدك بس الله خير حافظ

والله يكون بالعون

حبيبتي بعد اتكالك على الله
كلمي احد الشيوخ او الداعيه امال نصير اذا تعرفيها حاولي تجيبي رقمها
يمكن تكون وسيط خير بينك وبينه يعني عطيهم رقمه وهم يتفاهمون معه
هم اخبر بهالأمور اقصد الشيوخ مثل المنجد او العريفي او كلهم خير وبركه
اسأل الله العظيم رب العرش العظيم ان يرفع عنك

والشكوى لله

الله يلعنه وينتقم منه ويجيب اجله
رجل حقير وخسيس
قلبي عورني عليك بس الحمدلله انك ماغلطتي وقابلتيه
كل الحلول اللي عندي مره وصعبه بس فيه شي اهون من شي
اول شي حبيبتي هدي اعصابك واكثري التعوذبالله من الشيطان
وانتبهي تضعفين وتعطينه فلوس لانه بيرجع يستغلك ويستنزفك الين في الاخير يساومك على شرفك وتصير المشكله مصيبه كبيره
الحل الصعب والمر انك تلجأين لاخوك بطريقه هاديه وتقولين له التفاصيل وابن ادم ضعيف وخطاء والحمدلله ماوصل فيك انك تقابلينه ادري بتصير مشكله كبيره بس لازم تضغطين على نفسك وتتحملين العواقب وخلي التصرف على اخوك اذا كان سنه سن نضوج
صدقيني هذا الحل الوحيد برغم صعوبته ولاانك تواصلين مع هالحقير حتى يقضي على سمعتك وشرفك واعصابك او اذا عندك اخوات متزوجات كلميهم يكلمون ازواجهم بطريقه سريه ويأدبون هالحقير

لاتضعفين وتلبين طلباته لانك راح تبكين دم بدل الدموع
وانشالله انه مجرد تهديد لانه مهما كان مجنون اذا شافك خايفه بيزيد عليك انتي قفلي جوالك ولاتردين عليه ابدا ولاحتى بالمسجات والافضل اقفليه ولاعاد تفتحينه عشان ماتقرين مسجاته وتعيشين برعب ولاتخرجين من بيتك وخليك قويه ومتماسكه وباسرع وقت اجلسي مع اخوك بهدوء وترجيه يتفهم قضيتك وقولي له السالفه ومهما كان انتي كان هدفك شريف وكنتي ناويه زواج مولعب
الله ينتقم من كل رجل خسيس يستغل بنات الناس وضعفهم
الله يصرف عنك شره ويستر عليك ويرد كيده في نحره

يأأختي شيكي على الخاص