اسألكم بالله العلي العظيم جاوبوني ‏‏(احس بنجن‏) وش اللي لقاة فيها وما لقاة فيني

بسم الله الرحمن الرحيم

انا راح ادخل بالموضوع عالطول انا يابنات متزوجة من تسع سنين
ونصف زوجي انسان محترم خجول يخاف ‏
الله ‏
بكل ‏
خطوة ‏
يخطيها
يحبني بجنون ومايحلف الابغلاتي على قولتنا ‏
المهم من فترة بسيطة حسيت زوجي تغير بعاملتة لي صار مايحب
يسولف معي ولا يحب حتى يسمع صوتي وكل سالفة اقولها تنقلب
ضدي ويطلع فيها مقاصيد وانا والله اسولف على نياتي والله يعطي
كل شخص على نيتة صبرت وتحملت معاملتة القاسية لي احاولت اسألة
وكان بكل مرة يصدني ويطلعني انا الشكاية صبرت وكنت كل مرة
انام ودمعتي على خدي انام واصحى على امل يرجع مثل اول
اتغير بكل شئ حتى بسمتة اللي كان يبتسمها بوجهي كل ماشافني
اختفت وتلاشت مع بناتي وولدي تلقونة يضحك ويسولف ولاجت
عندي وضحكت وسولفت معه قال تعبان كأن الزمن وقف عندي
اااه ماصعب هالشعور لمن تحس الوحدة بالجفا من حبيبها حتى
في الفراش والله يابنات يجلس ثلاث اسابيع مايلمسني ومو طبعة
المهم انا نقلت بيت جديد وماعندي نت بالبيت بذاك اليوم حلمت حلم
له فترة يتردد علي وكان كل احلامي عن زوجي وبكل مرة كنت اتعوذ
من الشيطان واقول يمكن بسبب الجفا الي بيننا بذاك اليوم وكان
يوم جمعة حلمت حلم على الساعة ثمان الصبح صحيت وقلبي
مقبوض اخذت جوال زوجي لان عندة نت بجوالة وقلت ابشوف حلمي
ويم فتحت الجوال ويوم شفت المحفوظات شفت رسايل كثيرة مرسوله
من بريدة فتحت رسالة منها وشفت شئ وقف قلبي يوم شفتة
لقيتة يراسل وحدة وكانت رسايلة فاضحة عن الفراش ويوصف كيف
راح يسوي فيها لوشافها ويترجها يبنات ترسل صورتها ومرسل لها رقم
اول مرة اشوفة مو رقمة وضحك وسوالف وإهداءات وااااه ياقلبي
على اللي شفتة بذاك اللحظة ماتتخيلون وش صار فيني حسيت جسمي
خدر وتفكيري صار مشلول وسكين مزروع بقلبي طعني فية وبدون
حساب رمى كل مشاعري وراة دخلت علية الغرفة وهو نايم جلست ‏
اناظر فية واسأل نفسي ألف سؤال وسؤال وقول وش ناقصني
وش قصرت عليك فية وين الله اللي تخاف منة وين خجلك وين صلاتك
وين وين وين والف شئ سألت نفسي اياة على الساعة عشرة
صحى من النوم وانا جالسة على سجادتي مالقيت غير الله ااشكية
همي هو وحدة اللي داري باللي بقلبي من وجع صحى وجلس يناظر
بي وسألني وكان اول مرة من شهر يسألني عن حالي وقال وراى
وجهك اصفر مثل الليمون سكت وقلت مافيني شئ بلعت الغصة وماسألتة
ولا عن شئ من اللي شفتة وماغيرت معاملتي له اضحك بوجهه ‏
وان
ما ضحك بيتة نظيف كالعادة اكلة وملابسة جاهزة مثل مايبي
ان طلع دعيت لة كنت اتقرب أكثر واهتم به اكثر وكان بداخلي ‏
جرح مايداوية اكبر طبيب كنت اطلع واروح لهلي وخواتي والابتسامة
على وجهي وانا داخلي اخفي جروح ومحدن درى ولا حس غير ان ‏
كلا يسأل وراى وجهك ااصفر وذبلانة بيك شئ وكان جوابي واحد
كلا سأل وحس ان بي شئ الا اقرب اناس لي ماحس بي كان ‏
فرحان بحبة الجديد ورماني انا وعيالي وراى ظهرة جاء بيوم من الايام
وكنت عند اهلي صابني هبوط بالضغط وطحت على اهلي وودوني
المستشفى سوولي تخطيط للقلب وتحاليل وطلعت سليمة وماشافو
الجرح العميق اللي بقلبي صحيت وشفتة زوجي العاشق على راسي
سلامات وش فيك وش متعبكرديت علية بداخل قلبي وقلت الله لايسامحك
طلعت ورحت بيتي وعداء اليوم عادي وكل مامر يوم اشوف الرجال يقسى اكثر واكثر
لان وصلت مرحلة واجهتة وخبرتة بكل اللي شفتة طيبعا انكر قلت
مالك حيلة تنكر الجوال جوالك ومحدن يستخدمة غيرك والاسلوب اللي
قريتة اسلوبك واجهتة بكلامة الجنسي اللي كان يحكية معها سكت
ونزل عيونة بالارض وقال هي اللي كانت تراسلني ومدري وشو
قلت لة لية ماصديتها بالعكس كنت مبسوط وحكيت معها حكي ‏
حتى انا زوجتك ماقد حكيتة معي تأسف ووعد انة مايراسلها وحلف لي ‏
بالله وبغلاتي عندة سامحتة وقلت ابعدها زلة وانتهت والله غفور رحيم
استغفر ربك عدت السالفة ومضى عليها شهر واسبوعين بالضبط

وارجع اكتشفت انة رجع يراسلها ونفس الاسلوب وقلت بيني وبين نفسي
عافك الخاطر اذا غدر بك شخص فالذنب ذنبة وأذا غدر بيك ثاني ‏
فالذنب ذنبك وعرفت ان الذنب ذنبي يوم بسذاجتي وطيبت قلبي
سامحتة هو مايدري اني كشفتة ومدري وش اسوي
لو واجهتة بينكر وبطلع انا الشكاكة ‏

بس بخاطري سؤال وش لقى فيها ومالقاة فيني

انا يبنات انسانة جميلة انيقة شاطرة ببيتي وش ناقصة لا الكلمة الحلوة
ولا الدعوة تفارق فمي وش اسوي ‏

احس تايهة ضايعة اتخبط بطريق الوجع والجروح بالحالي

ابكي واقول لية وش ناقصني رحت تدورة برى

انصحوني وجهوني وين اروح وش اسوي اعذروني كلامي مو مرتب
ودموعي على خدي

انتظركم لاتتركوني وحدي