باتونيا

كلك ذوووق عزيزتي

وهذا من لطفك

مشكورة على اهتمامك يا عسل

:11:

قصه غلا

هلا حبيبتي


بالنسبه للجلتر .. بعطيكي طريقتي

الجـلـتـــر

في مرحلتين:

الاولى تعريف الجلتر:

وفيه خطوتين : 1- تفكيك الجلتر على الايميج ردي

نخزن الجلتر اللي نبيه على الجهاز من الموقع http://www.wtv-zone.com/aylana/bringontheglitter/bringontheglitter-1.html

بانه نكبس على اللي نحبه باليمين ونسوي حفظ باسم

الحين نفتحه بالايميج ردي ونظهر شاشه الانيميشن (window - animation )

يطلع فيها الاطارات اللي تسوي حركه بالجلتر

نكبس على الاطار الاول ونختار من قائمة ملف حفظ باسم ونسميه بنفس الاسم مع رقم 1

بعدين نكبس على الاطار الثاني ونفس الحركه لحد ما يخلصو الاطارات (غالبا من 3 ل 5 اطارات)

وبنكون خلصنا الخطوة الاولى فنسكر الايميج ردي

2- تعريفه كباترن في الفوتوشوب

نفتح برنامج الفوتوشوب ونفتح فيه اول اطار من اللي خزناهم بالايميج ردي (اللي جنبه رقم 1)

نسوي Ctrl+A ومن قائمه Edit نختار Define Pattern

ونسوي OK ونسكر هالاطار ونفتح اللي بعده بنفس الطريقة لحد ما يخلصو الاطارات

هيك بنكون عرفناه كباترن في الفوتوشوب


المرحله الثانيه: تطبيق الجلتر على النص

وفيها خطوتين 1- تطبيق الجلتر على طبقات النص بالفوتوشوب

الحين نسوي ملف جديد بالفوتوشوب ونكتب فيه اللي نبيه ونعدل على الحجم والموقع وكل شي والستروك والشادو وكل شي نبيه يكون موحد

نضاعف طبقة النص مرتين فيصير عندنا 3 طبقات فيها نفس النص بنفس الخصائص (على افتراض انه الجلتر اللي نبي نطبقه مكون من 3 اطارات)

نكبس على الطبقه الاولى بيمين الماوس ونختار Blending Options ونرح على Pattern Overlay ونختار منها اول اطار للجلتر اللي نبيه وOK

نسوي نفس الكلام للطبقتين اللي تحت ونختار الاطار الثاني كباترن للطبقة الثانيه والاطار الثالث كباترن للطبقة الثالثه

ونكون خلصنا هالخطوة ننتقل للايميج ردي عن طريق Ctrl+Shift+m


2- عمل الانيمشن في الايميج ردي


الحين نتاكد انه شاشه الانيميشن ظاهره

نكبس على السهم الازرق اللي اعلى يمين شاشه الانيمشن ونختار Make frames from layers

تظهر عنا كل الليرات اللي سويناها بالفوتوشوب كاطارات حركه بالايميج ردي

نسوي Play من اسفل شاشه الانيميشن ونتاكد انه الحركه تمام

ونختار من قائمة ملف save optomized as ونحفظ هالملف اللي فيه الحركه

ونرجع للفوتوشوب Ctrl+Shift+m ونخزن ملف الفوتوشوب


وبس!!


صدقيني انها وايد سهله بس الشرح طويل شوي

وترا كل الشغله تاخذ دقائق بعد الممارسه خصوصا لما تكون عندك جلترات معرفه وجاهزه


واي سوال انا حاااااااااضره والبنات ما يقصرون


بالتوفيق وبانتظار تجربتك يا عسل

:11:

بما انه محد رد عليج برد مع اني ماجربت هالحركه من قبل بس اتوقع عن طريق المود اللي بصندوق اللايرات ,, واحد منهم يمكن اوفرلي او كولر او اي واحد ثاني
صح والا فيه اجابه ثانيه ؟؟

ترا كان ممكن اطوف السؤال لانه قديم بس انا بستفيد بعد لان اكيد فيه شغلات انا مااعرفها
:27:

هلا والله مراحب
لاتستحين ولا شي اصلا احنا مستانسين ان فيه ناس تسال وبتستفيد ولو محد سال بنشطب وبيطيح موضوعنا بجبدها ,, عالاقل نحلّل التثبيت :42:

بصراحه اول مره تمر علي مثل مشكلتج ,, انا حاليا اعاني من مشكله وهي اني انتقل للايميج ريدي تتغير الالوان وتطلع تلوع الجبد وماكو حل الا الغي الفوتوشوب وارد انزله

بعلمج طريقه الجليتر الاسهل وشوفي يضبط معاج او لا

وبسوي اقتباس من احد ردودي في موضوع الجليتر



طبقيها صح وشوفي النتيجه ويمكن تكون اعدادات الباترن عندج غلط
حياج :27:

قصة غلا

اقري الرد اللي فوق هذا على طول واستوعبيه عدل
وان شاء الله بجدد الدرس القديم لان طريقته صعبه

وتبوله ماقصرت مع اني شارحه تفكيك الجليتر بالصور وواضح الشرح
بس فيه نقطه تبوله ماوضحتيها



لازم نختار الباترن رقم 2 للطبقه الثانيه والباترن رقم 3 للطبقة الثالثه

واي سؤال احنا حاضرين :27: