اسأل الله ان يفرج همها اللي ترد علي قريبتي بنتها عدوانيه

شوفي عزيزتي
كانت بنتي مشاكسه وتضرب الاطفال وماتجلس الله يصلحها وتخرب وجيتها بكل الطرق
ومن العصبيه كنت اضربها واصرخ ابغها
تخاف وتهدا كنت انحرج اروح بيت اهلي معاها من كثر ماتحوس
وحسيت بنتي. تزيد يوم عن يوم معناتها الى اعمله لبنتي كان خطا ومو جالس يفيدها الا يخربها زياده
وفكرت بعقل وحكمه واخذت موعد لبنتي عند اخصائيه نفسيه اطفال في نوعين في اخصائيه للامراض النفسيه وفي للسلوك
ورحت لها
اول شي قالت لي بنتك اذا تضرب لانك تضربيها وعلمتيها الضرب
واذا تصارخ لانك تصارخي عليها وعلمتيها الصراخ
معناتها لا الضرب ولا الصراخ يجيب نفع مع الطفله
بالعكس يعلمهم هالشي
واسئلتني عدة اسئله وقالت لي تصرفاتك معاها خطا
مثلا مو لازم كل يوم اطلعهم او اشتري لهم العاب او اقل شي وجبات
بالعكس اخلي الطلعه والعاب والوجبات مكافأه لهم نهاية الاسبوع اذا عملو شي زين
واحط لوحه كبيره لها ولخوها واكتب كل واحد مكان واجيب استكرات واي واحد يعمل شي زين
احط له ستيكر والى يعمل شي خطا احط له فيس زعلان
مثلا فرشوا اسنانهم احطهم لهم استيكر فرشه او رتبوا غرفتهم
واذا اعملوا شي خطا انزل لمستواه يعني اوقف على ركبي واتكلم معاه بهدواء
واقول خطا نعمل كيذا البنت الشاطره ماتسوي كيذا وارسم له فيس زعلان باللوحه واروح واخليه
والله فاد كثير في بنتي
صحيح في البدايه بتتعب الام نفسيا لانها ماسكه نفسها بس بعدين بتهداء الام
ويتعدل سلوك الطفله
وبالنسبه للمكافأه نهاية اليوم ضميه بس يكفي لان كثر الدلع يخرب الطفل
واذا كان كذا طفل مشاكس بالعائله تحاول الام تفرقهم عن بعض
مثلا تخلي الكبير بعد المدرسه العصر يروح نادي
والصغير تشغله بالبيت ومايجي نهاية اليوم الا هم دايخين وينامون
وتبعد عنهم الايباد والايبود وهالاشياء لان تزيد السلوك السيئ عن الاطفال
وبالنهايه نصيحتي لها تودي بنتها لاخصائي نفسي وبتستفيد وتنتبه ماتعطي بنتها اي ادويه
تعالجها بالسلوك فقط

ااب ماعندي خلفيه للاسف

ايوووه الكبت اللي بداخلهااا اطلعة بشكل معاكس يعني بصوره عدوانية

بسبب الكبت وسكت الباب
لان الاطفال عندهم طاقة بشكل كبيره
وحده من جماعتنا كذا ولدهااا

خليهاا توقف الضرب وتخليه اخر الحلول تستخدم معاهاا اسلوب التحفيز وتقول لهاا اليوم لوجيتيني موادبه وشاطره وقالت المعلمة بنتك موادبه اجيب لك جائزة وتروح وتشتري له الجائزة بنفس اليوم وتقول كل مره اذا جيتي كذا راح اعطيك جائزة

وتشوف يخف العدوان وتحسن سلوكهاا وخليهااا دائما تمدحهااا وتثني عليهااا ..

ولدي كان يضرب ومؤذي للغايه
لكن رحت لاخصائيه نفسيه وقالت لي لو ضربك لا تضربيه ولو يبكي لا تطلين فيه
هذا لانه فاهم ان البكا والضرب والدموع طريقه لتنفيذ طلباته
وبالفعل
يبكي ويصيح انشغل باي شي لين يسكت من لوحده
لو جلس هادي اطلعه يتمشي واشتري له العاب وادلع له وامسح على شعره
المهم عززي عنده سلوك الهدوء واسحبي منه سلوك العدائي
لازم يشعر بالتجاهل من عندك عند قيامه بالضرب او الشتم او الالصياح
مع المده بيتعلم