ملوك33

ملوك33 @mlok33

عضوة جديدة

اسئلة المقابلة في المدارس الخاصه

الطالبات والمعلمات

الله يسعدكم اسئلة المقابلة في المدارس الخاصة عن اش بالضبط
30
170K

يلزم عليك تسجيل الدخول أولًا لكتابة تعليق.

تسجيل دخول

~ ليــال ~
~ ليــال ~
شوفي أختي أسئلة المقابله في المدارس الأهليه غالبا تكون عن الشخصيه وعن تخصصك وعن طرييقة تعاملك مع الطالبات أذكرلك بعض الأسئله
1/ عرفينا عن نفسك 2/ ماهي افضل مرحله تحبين ان تدرسيها 3/ ماهو اكثر شئ يعجبك في شخصيتك
3/ كيف تتعاملين مع الطالبه اذا أسأت ادبها عليك 4/ لو واجهتك مشكله في المدرسه كيف يكون تعاملك معها

وغالبا الأسئله تكون بنفس هذا الأسلوب وأيضا ممكن تسالك لماذا إخترت تخصصك وماهي أفضل طريقه في تدريس تخصصك
صدى الأرواح
صدى الأرواح
السلام عليكم ورحمه الله ..

..................

انا سويت مقابله بروضه مدري ابتدائي... مع اني توخريجه جديده وتربويه ... ومقابلاتي كلها فتره الاختبارات في الترم الي انتهى ...

كان نفس الاسئله اللي كتبتها الاخت فوقي.. واسئله ابتدائي احلهم ..في تخصصي

فشله ماذكر منهم شي..
حليت الي اذكره واعرفه ...

وجاوبت الاسئله الشخضيه .. كم تتوقعين راتب وش تسوين اذا بزر قال كلمه وصخه او خذ اغراض غيره .. تحبن العمل الجماعي .. والاسئله العاديه هذه ...


بعدها دخلت للمديره ..

وسالتني وين ساكنه ودرست قبل ولا لا .. انا عصبيه ولا كيف... عندي سياره توديني وتجيبني...

اسئله عاديه جدا ..


هالمكان ماحبيته ضيق والحمدلله ماحصل نصيب فيها
.........................

ايام الاختبارات رحت قدمت بالمدارس اغلبهم ..

وبعد ماخلصوا اختبارات ...

دقوا علي مدرستين ....

................................

اول مدرسه دخلتها الاداره حبوبين ...على طول دخلوني للمديره ..

قامت تتكلم معي عادي ..

وتسالني اسئله عاديه سكنك متزوجه عندي سياره وش دارسه ... وتقولي ان اهم شي عندها الاخلاق وماتب يالمشاكل


وتبي الي تكون متعاونه وتشتغل ...وتساعد ....


وانها باذن الله ماهي ظالمه احد ومراح تبدي راي الاهل وبتسمع من الاثنين .. ومن هالكلام ..

دقت على مدرسه الماده الي يفترض نمسك مكانها ...


دخلت الفصل وشرحت للمدرسه والمديره ..

المدرسه تتصرف كانها طالبه وتسأل اسئله البنات .. يعن يكيف جات هذه وضحي هذه .. وكذا وابد اانا ارد عليها واشركهم غصب معي ..


وبس خلصت الحمدلله حسيت اني عجبتهم بس انها لسى بتسوي مقابله مع غيري وبتشوف

وقالت لي انا شفت وحده امس بس انت يعجبتنين اكثر وبشوف وحده بكره ..اذا ماعجبتني دقيت عليك ..

والحمدلله اليوم الثاني دقت قالت تعالي وقعي ...

..................


وجاني في نفس الوقت مدرسه ثانيه اقرب لي.. وطلبوني مقابله .. وقالوا لي تسوين اختبار :/ وش اختباره بعد


رحت لهم .. سويت اختبار اسئله من ابتدائي لثانوي بتخصصي وقالت لي..

حلي الي تعرفين ... وكانوا في كثير معي .. وانا اخر وحده ..


حليت الي اعرفه ....وطبعا اخر شي نفس طابع لاسئله وش تسوين لو بنت سوت كذا وكذا عاديه جدا ..


المهم بعدها رحت اشرح الدرس...

معلمتين سوريتين ... بصراحه قمه الوقاحه واقفه ابي اشرح درسي... وهم يتكلمون في ورقه وحده ثانيه

وقلت لهم يالله متى ابدا قالوا اسفين ابدي وابدا اشرح وهو ولا حولي

وقفت اطالعهم:time:


ويعني ماشرح ( في نفسي طبعا ) قالوا اسفين اسفين كملي كملي

قلت طقاق يطقهم واقوم واشرح واسأل نفسي واحاول اشركهم وهم ماش وجطلت فيهم
وصررت اتكلم كان في بنات معي واذكر بقوانين واتكلم لحد ماصاروا هم شوي يتكلمون بالغصب مني وقامو يشاركون


وبعد ماخلص حل مثالي... تتذكر وحده منهم انها تبي تسوي سؤال ذكاء علي ( يعني تسأل كانها طالبه (

طيب اسألي في وقت الفقره مو يوم خلصته توك تذكرين ... المهم تسألني وتقولي افرضي قالت لك كذا وس تسوين


وارد عليهم بكل تفصيل....


وبعدها نفس الحال .. قاموا يحاججوني بشي وانا صح وانا اقول لهم وش فيكم واعيد لهم ميه مره وهم الا يطلعوني غلط

قلت طيب عطوني الاجابه يعيدون نفس جوابي ...:/


يعني انا وش قاعده اقول :/ ماقلتوا جديد وهم هاولالا يعني حنا بنحرص عليكي لازم تقولي هيك ..

وانا الحمدلله مبينه وجهي بشوش مع اني اغلي من داخلي...


وقفوني وقالوا لي اقعدي قاموا يسالوني في اجاباتي بالورق يقولو لي صح جوابك هنا اقول لهم اصلا هذا مو حل هذه محاولات بس

قالو مو قلنا لاتحلين الي ماتعرفين قلت طيب كيف احل وانا ماحاولت .. وقام يسالوني اشياء في تخصصي.. وانا اجاوب والي ماعرفه

اقول بكل صراحه ماعرفه ...


بس طلعت وانا افور قلت والله لو يحبون رجولي ويديني ماجيتهم ...


ودقوا علي بعد اسبوع وعرضهم ماعجبني وحاولو فيني اوافق رفضتهم رفضا باتا...

لاعرضهم عجبني ولا تعاملهم .. وش حادني عليهم .. ووقعت مع المدرسه الاولى ..وبدا معهم من بعد العيد ان شاء الله

....................


هذه تجربتي في المدارس ..

اتمنى ماطولت:)


<< قامت تفضفض:hahaha:
too aspirant
too aspirant
بالنسبة لي اسءلة عادية جدا

اسمك ؟

تخصصك؟

وين ساكنة؟

متى تخرجتي؟

ما عندك مانع تدرسين أي مرحلة ؟

عندك خبرات ؟؟

وش الكتب اللي تقرأينها ؟

وبعدين خلوني احضر درس .. و اجي اشرح

شرحت عند البنات ثاني علمي .. لأني جيتهم بوقت دراسة ..
العفيفة2
العفيفة2
اذا كنتي دين اول شئ يخلونك تقرئين قرآن
اخضر وابيض
اخضر وابيض
:D