هو ماهو مليلردير على قولك بس عنده شي وشويات يعني نقيييييييييييييييب هه تقدرين تقولين مرتاح شوي من هالناحيه

نصيحه ادخلي موقع بوكينغ واحجزوا عن طريقه أوفر لكم كثير وعندكم خيارات الفنادق كثيره

رفعععععع

حبيبتي خلي زوجك يروح للجوازات ويطلع لك وله جواز
وبعدها يروح لمكتب سفر وسياحه ويحدد له الميزانيه
وهم راح يجهزون ويرتبون لكم كل شي من الى !!!
وبس ترتاحون من الحووسه والحجوزات

واذا حابه اساعدك بشي راسليني على الخاص وابشري بسعدك :26: 

اول شيء معليش اخت نجيريه .. لاتخدعك المظاهر ولاتجلسين على الوحده ..

هي قالت على قدها بتكذبينهم وتصدقين شيء ماهو بواضح
اوكي نقيب بس ترى .. الناس عندها ديون عندها اهل تعطيهم عندهم التزامات كبيره ممكن ايجار بيت مصاريف

مايعلمها الاالله .. الله يصلحك بس ..
خذي المضمون وادعي لهم بلرزق والله يرزقنا وإيآك ..




بالنسبه للدلوعهـ .إدخلي على العرب المسافرون ببتتعلمون اول شيء متى سفرتكم ..؟؟

لوكانت في شهر 1بتكون غاليه راس السنه يعني الشهر الجاي اما صفر وربيع اول وثاني فبتكون رووعه وانتبهي تروحين لها بالصيف
حر ورطوبه فظيعه

انا ان شااءالله رايحه لها 4يناير بعد اسبوعين دعواتك الله يسعدك .
خذي الخطوات اللي عليك

* تعملون جواز ..
* تحجزون التذاكر بيوم الذهاب والعوده افضضل لك ( 7ليـال ) 8ايام يعني اليوم 8عودتكم للسعوديه
*تحجزين فندق ويفضل يكون قريب من المجمع والبقالات والمترو مثل ( كاسلز +روز قاردن ) انا حجزت فيهم هذول اسعارهم كويسه ومعقوله غرفه لو بتحجزينها من النت بتكلفك 300ريال
عاد المكاتب السياحيه ماندري عنهم ...

* خلصتي من حجز الفندق . ابدأي خذي نوته وسجلي كل اللي تبينه . ورتبي جدولك على اساسه وانصحك توفرين وتستخدمين
المترو والباصات وتاكسي ولاتعتمدين على التاكسي .. مره ..
ان شااءالله حنا بنحاول مانعتمد عالتاكسي لانووووووووووو غالي جداً.

خلصتي كل حاجه .. يبدأ تجهيز شنط السفر ..
موعد السفره
*تروحون للمطار قبل الرحله ب3ساعات .. تروحون للكاونتر الخطوط اللي حجزتوها مثل حجزكم عالسعوديه تروحوا لها
وان غلطتم هم بيدلوكم الطريق ..
يعطيكم البوردنق ... عباره عن بطاقة صعود الطائره وبياخذ غفشكم
تقدرين تاخذين معك شنطه ماتزيد عن7كيلو معك بلطياره بس ممنوع السوائل والعطور والاشياء الحاده

بعد ماتاخذي بطاقة صعود الطائره بتلقين فيها مكان البوابه ورقمها للطياره

* ثم تروحين للجوازات يطابقونك ويختمون على الجواز ومن ثم تدخلين صالة الانتظار للرحله وتركبين الطياره


وصلتوا دبي إنزلوا مع العااااااااااااااااااالم وين مايروحون روحوا معهم >>هذي حركتنا حنا :)

تمشون للجوازات وتختمون جوازكم ومن ثم تروحون للعفش في لوحات معلقه مكتوب فيها رقم رحلتكم ونوع الخطوط
خذي شنطكم من السير
واسالي اي سيكورتي وين الخروج للتكاسي وبيعلمونكم

الكثير يمدح بموظفين مطار دبي . يقولون من اروع مايمكن

عموما التذكره لاترمينهاااا بتحتاجينهااااا بلعوده

واول ماتوصلون الفندق تعطونه ورقة حجزكم وبيسلمكم الغرفه

لو تبين جدول رحلتنا قولي لي ...........

موفقه

ب