باتونيا :

السلام عليكم الله يجزاك خير ردي على الخاص ابشتري من الوالدة وبستفسر عن الشحن والاسعار والادوية اللي يشملها النظام لكن عندي كم سؤال من خلال متابعتي لجميع ردودك في جميع المواضيع لاحظت اختلاف في اجاباتك في كل مره تتكلمين عن الكبو يكون مختلف مرة تزودين شي ومره تنقصين ياليت تعطيني بالضبط محتويات الكبو الخاص بالنفاس واللي راح اعتمده لان فيه وحده بتولد قريب ولا يمديني اطلب منك خصوصا انك للحين مارديتي علي وبكتفي اني اشتري منها ادوية حق وحدة تو الناس على ولادتها وهي فعلا تحتاج الادويه اما الاولى بكريه وتتسهل امورها 1- ممكن محتويات الكبو الخاص بالنفاس بالضبط ؟ وهذه المكونات جمعتها من جميع ردودك المتفرقة ( قشر بصل او قشور الترنج - حزاة - خواجوا - قرن بقرة - رشاد - محلب - حلتيت - فلفل هوا - عود هوا - كمون - مره - مقل ) هل اخلطهم كلهم او احذف بعض المكونات ؟ المقادير تكون متساوية بعد الطحن صح ؟ طبعا ابيه يصلح سواء لبكرية او غير بكرية 2- ممكن مقادير المنقوعه بالتحديد ( محلب - مره - عنزروت - شوي صبره) اول 20 يوم بدون صبره واخر 20 مع صبره لكن بالضبط كم ملعقه ؟ وسط او صغيرة او كبيرة ؟ عشان نقدر نتقبلها وطريقتها اعرفها بس تهمني المقادير 3- بالنسبه حق لهوم اول 20 يوم ( ماش وحلبه ) متساوين هل استخدمهم لحالهم افضل او اضيف عليهم كمون وقرنفل افضل للفائده ؟ واذا نضيف كم مقادير الكمون والقرنفل ؟ هل نفس مقادير الحلبه والماش او كم بالضبط ؟ وكم مقادير جميع المكونات وهي مطحونه ؟ 4- شاي الاعشاب ومن عدة قراءات لعدة ردود لك تختلف طبعا في مكوناتها كتبت كل المكونات في كل الردود وهي ( كمون - دارسين - حبة حلوة - حزاة - قيصوم - فوه ) صح ؟ او اضيف او انقص ؟ وهل تكون المقادير متساوية ؟ 5- ونفس الشي لهوم اخر 20 يوم انتي فعلا ماذكرتيه لكني جمعت اكبر عدد من المكونات في ردودك المختلفة ( ابي المقادير الله لايهينك مو المكونات ) واذا اللهوم اوكي راح اجمع هذه الاعشاب ومابي اعرف مكونات لهومك لانه رزق والله يوسع رزقكم لكني ابي رايك باللي بكتبه الحين (رشاد - حبه سودا - محلب - حبة حلوة ) وهل ممكن اضيف عليهم قرنفل وفلفل اسود ؟ وكم مقداره اذا ممكن ؟ وكم مقادبر جميع المكونات وهي مطحونه ؟ صح او انقص لو ازود شي ؟ والمقادير متساويه او شي اقل وشي اكثر ؟ 6- الفناجيل الخمس اذا استخدمناهم في اخر اسبوع نوقف لهوم اخر 20 يوم ؟ وهل تستخدمه وحده ماعندها مويات ؟ 7- المكروشة هل تستخدمها وحده مافيها هوا ؟ 8- التحاميل كل يوم في اخر 20 يوم او يوم ورا يوم ؟ 9- الكبو كل يوم في اخر 20 يوم او يوم ورا يوم ؟ 10- الغسول اول فترة ( قبل لاتطيح الخيوط ) ملح خشن ومره وبعد ماتطيح الخيوط قشر رمان - ارطا - دباغ كافي ؟ او ازود مره وملح على قشر الرمان والارطا والدباغ ؟ وهل اللي كتبته صح ؟ 11- دوا القهوة ( حبة سودا - رشاد - كمون - محلب - مسمار - شوي صبرة - خوا جوا - مقل - مره - عنزروت ) صح ؟ او ازود او انقص ؟ وكم المقادير بالتحديد ؟ تراني جمعتهم من عدة ردود لك وبكل رد مقادير غير ومالومك من كثر الاسئلة ارتبشتي ودختي :angry: وشلون نحط محلب واصلا مو زين في اول 20 يوم ؟ ادري اسئلتي واجد لكنها شامله وبتفيد كل البنات ولو انهم مايقرون وادري بتقولين انك سبق وجاوبتي وادري انك جاوبتي واستغرب من البنات اللي يدرعمون ويكررون السؤال لكني مثل ماقلتلك قريت ردودك واحترت في بعضها لان بينها اختلاف وهذا سبب سؤالي والا انا افهم واستوعب لكن والله لو عندي وقت كان جبتلك اقتباسات وهي اللي اوقعتني في حيره طبعا سالت عن المقادير لان هذه ادويه لازم تكون لها مقادير وشي اكثر من شي وشي اقل والا بنخرب التركيبة ( ياليت المقادير بعد الطحن ماعدا شاي الاعشاب ) ياليت تجاوبين على كل سؤال بدقة لاني جدا دقيقة بالمقادير خلينا نلحق نجهز للمسكينه وراها ولادة وانا طقيت الصدر وقلت خلي كل شي علي لاني للامانه بعد ماقريت كل الانظمة بالمنتدى اقتنعت بنظامك اكثر مع حرصك وخوفك على العضوات ونصايحك الذهبية لاتفشليني قدامها جعل ربي مايفشلك قدام عباده :) ربي يحفظك كم كل شر ويجزاك الجنة:26: 88

السلام عليكم الله يجزاك خير ردي على الخاص ابشتري من الوالدة وبستفسر عن الشحن والاسعار والادوية...