الدعاء هوالنجاة :

شكرًا شكرًا لك بس قرن بقر ماله اسم ثاني ؟!!!

شكرًا شكرًا لك بس قرن بقر ماله اسم ثاني ؟!!!

فال الخيرات :

السلام عليكم, جزاك الله خير يا قشر قهوة. تفضلوا نسخة من الأسئلة ,اللي عليك بس ظلليها بالماوس وبعدين اضغطي يمين الماوس واختاري نسخ ,وافتحي الوورد واضغطي الماوس يمين واختاري لصق وكبري الخط إذا ودك.وبعدين احفظيها بالمكان اللي تبين.أو اطبعيها مباشرة وخلاص.(وادعي لي ربي يشفيني مما ابتلاني) بسم الله. اسئلتكم والاجابه عن النفاس والادويه **************************** 1-**شلون ماغسل شعرى وانا نفاس وشلون ماكون واقفه ؟ الترويش للنفاس يختلف.. يعنى لما تجين تتروشين وانتى نفاس لا توقفين تحت الدش لا اجلسى على الكرسى الافرنجى حق الحمام واغسلى جسمك من تحت ,,,, يعنى لاتغسلين شعرك,غسل الشعر وقت الدوره والنفاس مضر للحرمه.. لان الرحم خفيف ويسبب ضعف للمبايض .. وفى دراسات تقول : يسبب امراض شينه ابحثوا عن الموضوع وتشوفون 2-**بعد كم يوم اغسل شعرى وانا نفاس؟ يعنى نفاسك كله لا تغسلينه الامرتين ثلاث بالكثير ... 3-**احس بنفاسى زى الثلجه برحمى ... وش السبب ؟ السبب هواء ... حتى مع حرصك ممكن يدخل .. الهواء يدخل مع الاذن من الرجول اذا مشيتى حافيه 4-**نظام فيافى زين ؟ ماشوف فيه شي غلط .... عندى اعتراض على شاهي الاعشاب ثقيل ممكن اسوى اللهوم واحفظه بالفريزر؟5-** والله انا مافضل يصلح بدرى اول باول افضل .. وبالنهايه الظروف تحكم . انا مثلا اشترى اغراضى من بدرى لان عندى ظغط مرتفع وعاده اتنوم اخر شهور حملى 6-**ممكن اتشطف بالمره الايام الاولى ؟ ممكن بس مو لحالها مع ملح افضل والغسول الجيد(مره + ملح + قشر رمان + ارطا) 7-**ولدت السنه الماضيه ومات مولودى .. وكنت حزينه طول النفاس وطبقت نظام ومانفع معاى تتوقعين الحاله النفسيه لها دور ؟ الله يعوض عليك .. ماحد ينكر دور الحاله النفسيه بالنفاس اذا اجتمع بالنفاس اكل صح وادويه سنعه وراحه نفسيه بتكون النتيجه طيبه بس بعد مع تقديرى لظرفك .. الاهمال مو بصالحك انتى بعد الاربعين ودك تحملين بسرعه عشان تعوضين الى راح منك لازم تحملين وانتى صح ورحامك سليمه لا تهدمين شي على حساب بناء شي اخر 8-**التحاميل النسائيه زينه ..؟ مو شينه ولها فايده بس مو للجميعيعنى الى معها التهاب ماتمشى معها وانا افضل تحاميل شغل يد بالبيت افضل .. حتى من التحاميل الطبيه وتستخدم يوم وراء يوم وهناك طريقه يربطون خيط بالتحميله من تحت وتدخلينه ويبقى الخيط طالع من برى وتنامين .. والصبح تسحبين الخيط وتطلع البلاوي وبالنسبه للتحاميل الطبيه الى من الصيدليه طريقتها: (مره مطحونه +محلب مطحون + ملح فارسي)تعجن بعسل وتكون بحجم النوى حق التمر وتنشر بمكان جاف وتستخدم بس اذا فيه التهاب مانصح فيها, اذا معك حكه وقفى التحاميل واستخدمى طبيه يوم وراء يوم بس شوفى نوع جيد, فيه تحاميل سعرها 16 او 17 ريال كرتون ابيض فيها خطوط خضراءتستخدم يوم وراء يوم هذه جيده للاستعمال 9-**انا طهرت من النفاس لى عشرين يوم ...اكمل النظام او خلاص عادى ؟؟ طبعا تكملين الى نهايه الاربعين حتى لو مامعك دم .. كملى .. كل شي الاكل الممنوع تتركينه والنظام خليه قائم والغسول كل شي ... كل شي وهذه من الاخطاء اللى تصير اذا طهرت قالت خلاص قضيت وشو لهوم العشرين يوم الاولى؟ 10-** (ماش + حلب)تطحن بعلبه وتكون نفس المقادر يعنى مقادير متساويه ويسف الصبح سف ويشرب عليه حليب حاراو ممكن تحطينه بعد مع العجينه وتسوين خبزه واللهوم على جوع افضل ... يعنى لاتاكلين قبله شي **كيف التمره والرشاد ؟ ومتى تستخدم اول الايام او اخرها ؟ التمره اهم ركن من اركان نفاسك تمرمعبوط بدون فصم ويفضل التمر الجيد .. . تحطين شوى بقدر وتحطين معه (رشاد حب بدون طحن+ فلفل اسود + حبه سوداء + سمن برى)فيه بنات تحط زيت زيتون ماتبى السمنه السمن افضل .. تحمى التمر على النار تسخين خفيف وتاكلين منها طول الاربعين صبح ولليل وكل وقت مفيده,وممكن تسوين كمية وتكورينها وتحفظينها بكيس بلاستيك (حق اللحم)برا الثلاجة. وتشربين عليها قهوه بدون هيل مع دواء القهوه.

السلام عليكم, جزاك الله خير يا قشر قهوة. تفضلوا نسخة من الأسئلة ,اللي عليك بس ظلليها بالماوس...

فال الخيرات :

11-**بنفاسى ماينزل معى دم بس افراز بنى .. ومعى صوت .. واحس برود جنسى وزوجى ضايق منى ؟ ياختى الحاله عندك حاله عدم نزول الدم بنفاس ممكن يصير مع العمليه القيصري مو عدم نزوله, لا, يكون قليل وبحالتك ماينزل معك دم وشي بنى + صوت دليل خراب اكيد عطى نفسك مده علاجيه ثلاث شهور ثلاث دورات وراء بعض واهتمى بكل التفاصيل الصغيره من اكل وشرب ولهوم ادويه وممنوع وكبو بالنسبه لحالتك عليك بالكرشه باول دوره تجيك كرشه الذبيحه وبحط موضوع مستقل عن الطريقه للكرشه 12-**انا مو حامل ... بس اقدر استخدم اللهوم بالدوره ؟ طبعا واكيد والمفروض تتعاملى مع دورتك الصغيره بنظام تعاملك بالنفاس الكبير 13-**انا حامل ومعى صوت .... وش اسوى ؟ ماأنصحك تسوين شي كونك حامل, ربك يعين بس لاتفتحين رجولك قدام مكيف خاصه وقت العلاقه .. وفهمك كفايه هذه نتيجه الاهمال ... جايك نفاس الله الله بنفسك 14-**وش فايده الغسول ومكوناته؟ يشد المنطقه ويطهرها ويساعد بالتئام الجروح, الملح الخشن وليس ملح الطعام ساسا, الغسول من اول يوم, الماء والملح واضيفى معهم مره وارطا بعدين. الغسول افضل تكون مكوناته مطحونه حتى يركد معك بالمويه ويصفى وتغسلين فيه ,... بعلبه عندك بالحمام وتحطين شوى منه بسطل كبير وتحطين عليه مويه حاره او دافئيه اللى تقدرين تتحملين الحراره واغرفى بطاسه حقت الحمام واغسلى المنطقه وانتى جالسه مبوبزه الغسول مدته دقائق.والدباغ شي اخر(كركم وقشر رمان) يختلف عن الارطاء وكلهم ممتازين. الغسول انا اسوي كميه حقت يومين واحطها بالحمام واستخدمها, وكل يومين اسوى غسول اول الايام (ملح خشن ومره) غسول, وبعد اسبوعين غسول كامل (ارطا وقشر رمان) يطبخ. الصبره ( المباركه) تستخدم بنطاق ضيق لانه مايكثر منها على راس الملعقه مع الغسول روعه. بالنسبه لى الغسول واحد ارطا وملح وقشر رمان ومباركه ومره كل الايام بس انا اغلب ولاداتى قيصري وممكن تبدين بالغسول الكامل من البدايه , حتى لو طبيعى واليوم شفت عضوه هنا تقول ديتول اخضر الحذر ثم الحذر من الديتول غسول. 15-**انا قيصرى استخدم الغسول ؟ووش الفرق بين الطبيعي والقيصري؟ نعم تستخدمينه نظام القيصرى نفس نظام الطبيعي ماعدا القيصرى ماتشرب حليب اول يومين ثلاثه من النفاس يسبب امساك والشى خطر على الجرح فقط اول الايام بعدها تشربينه ساخن عادى وحطى معه فلفل اسود .. او حلبه مطحونه. وحليه بعسل, القيصري ... ماتربط بطنها مثل الطبيعي, والباقى نفس النظام اكل وشرب وممنوع وكبو والاعتناء بالجرح عن طريق الاهتمام, وابتعدى عن الشمم لانه اخطر شي تتعرض له القيصريات.القيصري نعم ماينزل معها دم , قليل مقارنه بالطبيعى, بس اخت النفاس بتكون عليك قويه, اهتمى فيها ... مثل اهتمامك بالنفاس واكثر. الامساك اذا كنتى قيصري .. يعطونك حبوب بالمستشفى عادة. 16-**كيف طريقة المنقوعه ؟ المنقوعه: تجيبين علبه مويه صحه صغيره وتحطين فيها (ملعقه اكل مره+ ملعقه اكل عنزروت+ المحلب ملعقه صغيره اقل من الملعقه الاكل يعنى المحلب نصف المره والعنزروت +الصبره وهذي تبى دقه كبيره بالاستخدام لان الاكثار منها خطر وممكن بدونها والصبره تحطين راس ربع الملعقه الصغيره أو اقل). وتحطين مويه وترجين العلبه وتخلينها تركد وتشربين منهاتستخدم عادى اى وقت طول الاربعين, حطيها بالثلاجه وكل فتره جدديها, المنقوعه مهضم ممتاز وملين وتنظف الامعاء. 17-**وش احط مع الاكل وانا نفاس؟ مرقوق مرقه لحمه اى اكل تحطين معه(حبه سوداء + ماش + حلب يكون حب غير مطحون) 18-**وش هى الاشياء اللى تخرب ؟ الصك و اللك و الشبه و العفص 19-**وش الحل مع الافرازات والمويات ؟ الاهتمام بكل شي بالدوره والنفاس من اكل وشرب وكبو وغسول وابتعاد عن الممنوع مرتين باليوم يكفى واللهوم 20-**ذكرت الرزنه .. شلون استخدمها ؟ الرزنه اطحنى عندك بعلبه صغيره واذا شربتى شاهى عادى حطى بالكاسه شوي واشربى الشاهي تنظف البطن وجيده جدا بالنفاس

11-**بنفاسى ماينزل معى دم بس افراز بنى .. ومعى صوت .. واحس برود جنسى وزوجى ضايق منى ؟ ياختى...

فال الخيرات :

21-**الرزنة كم يوم تؤخذ في النفاس ؟ استخدم على حسب شربى للشاي طول النفاس المهم يخلص النفاس مخلصه العلبة 22-**استخدم كبو وانا بنت ماتزوجت ؟ ممكن تستخدميه عادي هو علاج للشمم للهواء واغلب البنات معهم هواء للاسف 23-**كيف طريقة الكبو؟ المكونات: الكميه انتى تقدرينها بس تكون متقاربه. (قشر بصل او قشور الترنج - حزاة - خواجوا - قرن بقرة - رشاد بدون طحن - محلب - حلتيت - فلفل هوا - عود هوا - كمون - مره – مقل) وحده معها خواء من الدرجه الاولى خراب متقدم تحتاج كبو بمقادير كامله اكيد غير وحده مافيها شي بس تستخدم كبو حرص واهتمام تكتفى بالاساسيات منه قشر البصل هو العادى الى بالبيت ماغيره, يفتت باليد والكمون للكبو مطحون والمره مطحون, تجمعينهم بعلبه عندك بالحمام وتستخدم كبو على فحم وتسوينه اخر الايام من دوره ونفاس, الدوره اخر يومين او ثلاثه على حسب مده دورتك والنفاس العشرين يوم الاخيره ويكون اخر اليوم بالليل يوم وراء يوم اخر النفاس بس اغلب الحريم تبدا فيه قبل من الشمم والهواء . تغلفين صحن عندك بلاستيك قديم بقصدير وتحطين فحمه على النار وتحطينها بالصحن وتحطين عليها من مكونات الكبو الى جمعتيه و تبولى قبل تحطين الصحن بالكرسى الافرنجى بالحمام تنزلين الصحن تحت بالكرسي وسكرى مرواح الشفط وشيلى ملابسك الداخليه واجلسى على الكرسى عادى, اجلسى دقائق لحد مفعول الكبو ماينتهى والبسى فوطه وملابسك وسروال طويل. 24-**وش الممنوع تستخدمه البنت الى ماتزوجت بالنظام ؟ التحاميل ممنوع تستخدمها البنت اللي ماتزوجت والباقى عادى 25-**اقدر اسوى الكرش وانا مافينى صوت ؟ نعم تقدرين وانصح فيها 26-**وش اكبر مشكله ممكن تواجه الوحده بالنفاس ؟ اكبرمشكله بالنفاس الهواء خواء الرحام وسببه الجوع والاهمال واعراضه صوت من تحت يشبه صوت .. ط وهومحرج ومزعج وويصيب البنات والمتزوجات والمشكله الثانيه: المويات والافرزات وعلاجها الاهتمام والكبو 27-**وش اعراض الشمم ؟ الدوخه الغثيان الاستفراغ نبض ودف مكان الجرح الطبيعى من تحت والقيصري من العمليه, بسبب شم عطر اثر على الجرح, والكبوو علاج فعال للحاله, والكبو له فائده بخروج الهواء من الرحم وكثير حريم بعد الولاده فيها هواء يبدا من غرفه الولاده نفسها البارده والرجول مفتوحه ويتاثر الرحم.الشمم .. يجى الطبيعى والقيصري , تحاربينه بالحلتيته الرطبه اذا جاءك زوار خليها قريبه منك تشمينها شم, وكبو الشمم ممتاز اذا حسيتى باعراض شمم ونبض مكان العمليه تحسين الجرح ينبض بالم ووجع على طول كبو الشمم, تكبى. .. 28-**الحلبة الافضل تكون حب و الا مطحونه ؟....لاني قريت ان طحنها يقلل من فائدتها...يعني ينفع اشريها حب و اطحنها و اخذها مع كوب حليب؟ الحلبه للطبخ مع المرقوق والمرقه والاكل نعم حب تطبخ مع الاكل, مع الحليب افضل طريقه بقدر صغير حليب طازج المراعى مثلا وحلب حب وفلفل اسود شوى واللى فيها بواسير لاتحط فلفل تيجى البواسير مع الولاده احيانا, يطبخ الحليب ويصب بكوب ويركد ويشرب ساخن. الحلب يقل الفائده بالطحن اذا طول, يعنى لا تطحنينه وتخلينه استخدميه على طول .. اذا ودك مطحون. 29-**الرشاد !.احترت فيه من كثر ما اسمع ناس تمدح و ناس تسب ..يا ليت اعرف رايك و ايش فائدته للنفاس بالظبط ؟ و هل كثرته مضره فعلا و تسبب ضرر للرحم؟ الرشاد باول النفاس يؤخذ مع التمره ... يخلط مع مقادير التمره ....فقط ويؤخذ باخر الايام مع السفوف. (الرشاد يحط مع التمره ويكون حب + السمن + الفلفل الاسود + حبه سوداء).. ويكثر الرشاد بالتمره ... وتاكلين من التمر طول الربعين باى وقت ويضاف بعد للمرقه والاكل حب يطبخ معها. - 30-**دواء القهوة!!..وش تسوي اللي ممنوعه من القهوة و الشاهي.. يعني تستغني عن دواء القهوة ؟...و الا ينفع تنقعه بماء دافي و تشربه ؟ ممنوعه من القهوه ممكن تسوين قشر قهوه او قهوه شعيراذا يناسب معك او تسوين شاى الاعشاب( كمون + دارسين بس بدون سكر) وتحطين دواء القهوه وتشربين .. افضل من المويه.

21-**الرزنة كم يوم تؤخذ في النفاس ؟ استخدم على حسب شربى للشاي طول النفاس المهم يخلص النفاس مخلصه...

فال الخيرات :

31-**أيها أفضل الكرسي العربي أو الافرنجي؟ الكرسى الافرنجى افضل وقت النفاس والدوره اولا طريقه الجلوس مايجيك هواء تجلسين وتضمين رجولك مو تقعدين مبوبزه و افضل للخياطه واسهل بالقومه ,, وانتى نفاس والافرنجى انجح باستخدم الكبو وافضل. 32-**ماهو الماش؟ومتى يستخدم؟ الماش هى حبوب خضراء وروحى للعطار كبير ومعروف .. بيعرفها اذا انتى تجهزين للنفاس تحتاجين كميه اولا: لهوم العشرين يوم الاولى(ماش + حلب) جهزى علبه تكفيك عشرين يوم واعملى حساب اخت النفاس عقب الاربعين وتستخدمين الماش, بعد مع الاكل ... المرقه والطبخ .. حب اللهوم يصلح تستخدمينه ايام الدوره, الدوره اخت صغرى للنفاس كبير 33-**عادي شرب الماء وقت الدورة والنفاس؟ اشربى بس تكون مو بارده, طبعا كثره المويه اكيد مو زينه, انا بالنسبه لى اشرب بالنفاس اذا عطشت المنقوعه ازود عليها شوى مويه معقوله البروده واشرب 34-**احط لي كاس حليب واحط عليه ملعقه لهوم(ماش - فلفل ابيض-زنجبيل)واشربه على الريق وش رايك؟ جيد .. بس ليه ماتضيفين حلب للهوم هذا افضل خاصه اول الايام. 35-**بعض علامات الخلل من لون الدم وشكله. اى وحده ينزل معها دم غير صافى ... يعنى قطع جامده زى قطع الجلي او زى اللحم المفروم , الشى دليل خلل دليل ان دورتك السابقه فاشله. الدم يكون صافى يربط البطن؟ 36-**متى الطبيعى بعد الولاده من الاسبوع الاول, وتربط بالشماغ افضل وتدهن البطن بجوزه الطيب او زيت زيتون وتربط, القيصري هنا المشكله ... ماتربط. 37-**أنا بنت ومع ذلك معي هواء وش تنصحيني؟ وليه الاهمال؟ كل هذا وانتى بنت اجل لو تزوجتى شلون؟ كل اللى معك اهمال دوره واذا استمريتى بتزيد مشكلتك بعد الزواج, اذا الحين هواء, اجل مع زوجك شلون انا اسفه المفروض ماقولك الكلام وانتى بنت بس لازم تفهمين. عطى نفسك 3 دورات علاج , 3 شهور ابدي من الدوره الجايه, بس تكون عندك عزيمه مو تخربطين وتقولين مليت ابتعدى عن الممنوع بالاكل(ايس كريم- مشروبات غازيه- عصائر- بطيخ- شمام- برتقال- ليمون- وغيرها من اكلات ممنوعه) لا تمشين حافيه, لا تتروشين وانتى واقفه تحت الدش وتخلين المويه تضرب راسك, تروشى من تحت لتحت, لا تحطين رجولك قدام المكيف, الاكل خليه شوى سنع (مرقوق مع حبه سوداء وماش وحلب وفلفل اسود- ابسط شي اسلقى لك دجاجه مع بصل وثوم بدون خضار على مويه بيضاء وحطى معها حبه سوداء- حلب- وماش) اشربى حليب ساخن مع فلفل اسود. حطى بالفوطه الصحيه حقتك مره منقعه او مسحه حلتيت والبسى الفوطه. واياك تستخدمين تحاميل وانتى بنت احذري سوى لك كبو اخر ايام دورتك اذا دورتك خمسه ايام اخر يومين واذا اكثر من خمسه اخر ثلاث ايام. اعبطى شوى تمره مع رشاد وفلفل اسود وحبه سوداء, وزيت زيتون وكلى منها وخلى الحلى عنك. حطى بفنجالك دواء قهوه اذا امك تعرف خليها تصلح لك علبه وحطيها بالثلاجه كل دوره تستخدميه. اخلطى لك سفوف وسفى منه بايام دورتك, سوى لك شاى اعشاب بترمس واشربى منها دائم. ليه تخلين غيرك افضل منك وانتى بيدك تكونين افضل 38-**وش أفضل شي تاخذه الوالد أول ما تولد(بالمستشفى)؟ بعد الولادة بالمستشفى يازين القهوه اذا جتك مع تمره برشاد وحبه سوداء مع دواء قهوه وافضل شي شاى الاعشاب ... حق النفاس 39-**ما هوعلاج مغص الأطفال؟ مغص الاطفال: ينسون وحلبه بشوى سكر نبات. 40-**ماهي مدة صلاحية الأدوية؟ الادويه مافيه مشكله تنحفظ بالثلاجه, انا مثلا اجهز ادويه نفاس وازود الكميه عشان اخت النفاس, والدورات الى بعدها, وبالدورات اجهز حق ثلاث شهور واحفظ بالثلاجه. الادويه تصلح للاستخدام مده ست شهور قدام وممكن تحطين السفوف الاول والثانى بثلاجه تحت تبريد عادى, الكبو وشاهى الاعشاب بالمطبخ عادى.

31-**أيها أفضل الكرسي العربي أو الافرنجي؟ الكرسى الافرنجى افضل وقت النفاس والدوره اولا طريقه...