اسئله تتعلق بمدارس رياض الاطفال..

طعس المحبه
عضوة جديدة


خخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخ

وعليكم السلام ورحمة الله وبركاته

أولاً أنا راح أجاوب على الأسئلة على أساس الأشياء اللي كنت أدور عليها وأنا ألف على المدارس عشان أدخل عيالي .

بسم الله نبدأ



طبعاً الأطفال كثيرين الحركة وكل ماكبرت الغرف الخاصة فيهم كل ماصار أفضل وأأمن لهم .




هذي حسب المدرسة إذا كانت تابعة للرئاسة ( ما هي مدراس أجنبية يعني ) فلازم الفصل يكون مكون عدة ( أركان ) ، الأركان عبارة

ركن المنزل : يكون فيه مثلاً ثلاجة ، بوتاغاز ، طاولة كوي ، مكنسة ، سرير نوم ، معلبات وفواكه بلاستيكية
<< طبعاً كلها من محلات الألعاب مو صدقية ( توجد محلات مخصوص لبيع ألعاب الروضات )

ركن المكتبة : واضح طبعاً من اسمه يكون عبارة عن مكتبة صغيرة ومنخضة بحيث الطفل يقدر ياخذ الكتاب ويرجعه بدون مساعدة والكتب اللي فيه كتب مناسبة لأعمارهم طبعاً وإذا الروضة فيها لغات أخرى فلابد من توفير كتب بهذه اللغات أيضاً .

ركن الاكتشاف : يكون فيه كل أسبوع أو أسبوعين شيء جديد ( عصفور في قفص ، حوض سمك ، حشرة ممكن موضوعة ببرطمان مرخق غطاءه عشان يتنفس ، مرات يحطون نبتة .. الخ )
الفكرة من هذا الركن تحط لهم شيء ما يشوفونه دائماً تتكلم لهم المعلمة عن بعض خصائص هذا الكائن ويقومون الأطفال بالتناوب كل يوم واحد فيهم دوره يطعم الحيوان أو يسقي الزرعة .

ركن الفني : واضح من اسمه بس لاحظ إن الألوان والصمغ تكون خاصة بالأطفال ( قابلة للغسل و non toxic كمان المقصات تكون مقصات الورق الآمنة والفرش تكون غليظة لأن يدهم ما تقدر تمسك الأشياء الرفيعة بمهارة .

وممكن تكثر الأركان أو تقل حسب الميزانية الموضوعة بس أظن هذي الأركان الأساسية اللي الرئاسة راح تلزمكم فيها .

يكون فيه بالفصل طبعاً دولاب للألعاب ( مدري يسمونه ركن الألعاب ولا لأ ) ونفس الشيء يكون منخفض عشان الطفل ياخذ اللعبة ويرجعها بنفسه ( ضروري الطفل يتعلم يرفع أغراضه بنفسه )

ويكون فيه دواليب فيه عدة أدراج ( دواليب خشب والأدراج عبارة عن سبتات عميقة من البلاستيك الملون ) كل درج توضع عليه صورة الطفل واسمه عشان يحط شنطته .
بعض المدارس مايحطون أدراج لكل طفل لكن يعلقون على الجدار علاقات بحيث يعلق عليها شنطته او جاكيته وفوق كل علاقة تلصق الصورة مع الإسم بس الأدراج فكرتها أنجح لأن الصفل ممكن يكون جايب معاه أشياء ما تتعلق .

ويكون فيه دولاب أدرج لكن مرتفع جداً عن مستوى الأطفال ( أدراج المعلمة ) يكون فيها الأشياء الخطرة عليهم مثل : مقصات ، مراسم ، غراء عادي ، أو لعبة حصل عليها مشكلة تحل المعلمة الموقف برفعها عنهم في الدرج . كمان شنطة المعلمة تحطها فوق عالي عنهم هي مع العباية .

بعض الروضات تحط بنفس الفصل مغسلة صغيرة ومنخفضة حتى يغسل الأطفال يدينهم بعد التلوين .

يوجد في كل فصل لوحة إعلانات تنسق كل بداية وحدة بأعمال من صنع الأطفال وتنسيق المعلمة تعبر عن موضوع الوحدة .

بس مدري إيش كمان بس عموماً هذي الأساسيات وكل روضة تبدع على كيفها .



في الروضات ( الأفضل = الراقية ) يوجد بابان واحد لداخل المدرسة وآخر للفناء الخارجي
بس كثير روضات باب واحد فقط .

أيضاً الأبواب في الروضات ( الأفضل ) يكون كبيرة وممكن يكون فيه مثل الشباك الذي نرى الأطفال من الخارج دون أن ينتبهوا لنا ( مفيد للأمهات ) وبعض الروضات يكون الزجاج هذا محطوط بعرض جدار ( بس طبعاً ياخذ مساحة )



للمعلمة ما أدري بس للأمهات مثل ما وضحت لك أول .



اللي أعرفه بالروضة ما يكون فيه إلا سرير واحد لعبة في ركن المنزل لكن بالحضانات ( الأطفال أقل من ثلاث سنوات يحطون أظن على عددهم بس ما عندي أي فكرة عن الحضانات )



طبعاً هم ما يقومون الصباح ويروحون الروضة إلا عشان اللعب وفيه ساحتين عادة ( في الروضات الأفضل ) ساحة خارجية عشان يكتسبون فيتامين د من أشعة الشمس وساحة داخلية عشان أيام الحر الشديد أوالبرد الشديد .
في الساحتين يكون فيه ألعاب حركية ( مراجيح ، زحليقات ، تسلق ، دراجات ، كورة ... الخ )
وغالباً يكون فيه مكان مخصص للعب بالرمل ( كل ما صار أكبر كل ما صار أفضل بعض الروضات يسوونه بحيث يكون بمساحة تصل إلى ( 5 × 7 ) وبعض الروضات يشترون الضغير مرة اللي عند محلات الألعاب الذي يتسع لطفل واحد فقط .
بعض الروضات توفر مسبح للأطفال ( يكون طبعاً غير عميق ومعدات السلامة تكون متوفرة في المدرسة ولا يعتمد على الأهالي لأن بعض الأهالي ينسون لكن لو حصلت مشكلة للطفل رحتوا فيها ، ويجب أن تتوفر أيضاً بعض ملابس السباحة الإحتياطية حتى لا يبكي الطفل إذا نسى لبسه )



دورات المياه هذي سالفة لحالها :
بعض الروضات توفر دورة مياه داخل كل فصل .
بعض الروضات توفر دورات مياه خارج الفصول ولكن تصميم المخطط بحيث يكون كل فصلين مشتركين بدورة مياه .
بعض الروضات تخلي كل ثلاث فصول مشتركة بدورة مياه واحدة .. وهكذا

دورات المياه نفسها بعض الروضات تجعلها قسمين ، قسم للأولاد وقسم للبنات ، وبعض الروضات ما يكون فيه هذا التقسيم .

أغلب الروضات تخصص موضع للجلوس خارج كل دورة مياه ( للدادا ) حتى تساعد الأطفال الصغار على اللبس والإغتسال .

داخل دورة المياه يكون طبعاً متوفر عدد مناسب من المغاسل وعدد مناسب أيضاً من كراسي الحمام ( الأطفال مايعرفون ينتظرون بمثل هذي الأمور ) وتكون كلها طبعاً منخفضة وعلى قدهم .

أبواب دورات المياه تكون غير قابلة للقفل من الداخل ( عشان ما يقفل الطفل على نفسه ويتورط ما يعرف يطلع )

أفضل الروضات هي الروضات التي تشرك كل فصلين بدورة مياه مقسمة إلى قسمين قسم أولاد وقسم بنات مع توفير مكان لجلوس الداد حتى تستقبلهم وتساعدهم .
( مشكلة الحمامات داخل الفصول إن المعلمة راح تترك ما في يدها لتساعد الطفل في الداخل .



ما عندي فكرة بس أشوف بكل باص معلمة أوثنتين ( حسب الروضة ) فأكيد هي تنظمهم ويخرجون طابور للباص وتتأكد إنهم نزلوا في المنزل الصحيح .



مثل إدارة أي مدرسة ( غرفة المديرة ، غرف الوكيلات ، غرفة الكاتبة ، غرفة للتصوير ، ممكن غرفة اجتماعات إذا الروضة مساحتها كافية وطبعاً مطبخ ودورات مياه لهم )



لابد من توفير مكان لوقت الراحة للمعلمات بس مو شرط غرفة غرفة لأن أغراضها كلها معاه في الفصل .



من الأفضل وجود معلمتين في كل فصل مهما قل عدد الأطفال لأن معلمة واحدة لن تستطيع متابعة كل الأطفال كل الوقت ، كما أنه عند تغيب إحدى المعلمتين فتبقى لديهم المعلمة الأخرى تعرفهم ويعرفونها .

لكن الحاصل إن أغلب الروضات لا يضعون معلمة أخرى إلا إذا زاد عدد الأطفال عن 20 طفل
على الرغم من أن منظمة اليونيسيف قايلة إن وجود معلمة واحدة على أكثر من 10 أطفال غير مجدي



بعض الروضات يستغلون الفترة المسائية لإقامة دورات نسائية أو للفتيات
لكن أعتقد ممنوع أي نشاط يدخل فيه رجال .



إيه توجد غرف لمشاهدة الفيديو ( لبرامج تعليمية مفيدة مخصصة للأطفال ) وفي الفصول يوجد مسجل للإستماع إلى الأناشيد أحياناً
وبعض المدارس تسوي غرفة للموسيقى بس أنصحك لا تسويها تروح تكسب ذنب كم طفل يتعلم على الإستمتاع بالمعازف والأغاني ويكبر الطفل ويستمر تسجيل السيئات الجارية عليك .



المدارس أنواع أفضلها اللي تكون مبنى داخلي فيه كل شيء مع جزء الساحة الخارجية اللي ما يطلعون فيه الأطفال وقت طويل ( نصف ساعة إلى ساعة )
لكن بعض المدارس تلجأ للحل الأرخص وهو إن الساحة تكون مظللة بس أبداً ما في مدرسة تكون مفتوحة كلها ، على الأقل ما مرت علي روضة بهذا الشكل .

عموماً أكيد لو راجعت الرئاسة بيكون عندهم نشرة عن الشروط الواجب توافرها في الروضات وفي كل فصل وهكذا
وأنصحك تسوي بحث في النت عن منظمة اليونيسيف وفي المواقع الأجنبية عن رياض الأطفال بترقي مواضيع وصور تفيدك كثير .



آخر شيء بالنسبة لأسمك أظن تقدر تخليه عضو بدل عضوة بمساعدة المشرفات لأن بعض الرجال أشوف عندهم كلمة عضو

بسم الله الرحمن الرحيم


اشكرك يا خالة " ام سعود " كل الشكر على المعلومات القيمه

والجهد المبذول في الرد


وقد استفدت من معلوماتك في التصميم لان مناقشة مشروعي يوم الخميس القادم


وانشالله اسوي زين في التقديم واستفيد من معلوماتك في صد هجوم الدكاتره



وتقبلو تحياتي العطره



سلاااااااااام