اسئله تحتاج اجابه رجاااء للي عنده الحل

السلام عليكم ورحمة الله وبركاته
عندي اسئله وهي معقده شوي
الكل يعرف ان بعد الولادة :04: ينضاف الى جسم الوحده (كرش) <<من سنه وست شهور
والكل بيقول اشربي كذا او كذا وينزل الدهون
والرياااااضه اهم شي

شو الحل لو جسمي عجبني بعد الولاده ورغبت بس بس بس اتخلص من الكرش
وفي نفس الوقت اريد اكبر خدودي اكثر شوي <<طماعه
قبل الحمل كنت نحيفونه واسمع الف نصيحه في الساعه
وبعد الولاده الكل يقول كذا احلا بس البطن عقدني همه مايشفونه بالملابس الواسعه
بس لو البس لزوجي او حتى كشخه بسيطه تذبحني قهر وابدل بسرعه
اخاف اسوي رياضه وينزل الوزن اللي كسبته
اخاف يصغر صدري مع اني محتاجه اشده شوي
واخاف اترك الرياضه وتبقى الكرشه رافعه علم الانتصار :06:
لو نزل وزني شوي بينشف ويهي وانا ماصدقت برزت ملامحه :D
مشتااااااااااااااااقه البس مثل قبل بس بجسمي اليديد بدون زوائد
شو الحل؟؟؟
انا امشي نص ساعه يوميا في الحديقه مع اختي بس مرات يذبحني الخوف واترك المشي
نلعب نط الحبل ونتسابق ونفكر نسوي كرة طايره في البر بس المشكله الكلام اللي فوق
احس ان عندي فوبيا من اني اتحرك :o
الصحه
نوع دمي a سالب
وماعندي مشاكل صحيه ولله الحمد بس فيني اكزيما بجسمي
من ثلاث سنين ماتروح مجرد انها تخف تخف واذا شكيت انها راحت الاقيها تطلع مرة ثانيه
هي غامقه اول ماتطلع وعلى شكل حروق صغيره وفيها قشور
في السيقان واسفل الظهر اكثر (مسويتلي حزام مالت عليها ) اكثر من الايدين والصدر
القسم اللي تحت البقع اكبر وفي جسمي العلوي صغار
فيهن حكه وتزيد في الشتا
واذا احسهن ماتن وبدن يروحن يتحول لونهن للبني الفاتح وترجع نعومة الجلد مثل الوقتاللي قبل ماتطلع فيه
ودووم احس ارهاق وخفقان بالقلب
واعصب بسرعه
تكون طاقتي صفر ومع ذلك يكون اجباري اسوي اشيا ابذل فيها جهد وينهد حيلي فأعصب
التغذييييييه
اكلي غالبا مايكون في الريوق بطاطس مقلي وجبن وخبز وشاي او بيض مقلي بطماط او مطبوخ وشاي
بعدها اخذ ملعقه من خلطه سويتها هي عبارة عن عسل طبيعي +زنجبيل مطحون+فستق+حبة البركة مطحونه
اخذ عدة ملاعق من هذي الخلطه على مدار اليوم وبعدها كوب حليب مراعي<<ادمنت عليها :32:
احب اكل شرايح الطماط بالملح والفلفل الاسود كوجبه خفيفه
ابدا ابدا ماشرب غازيات ولا آكل حلويات ولا احب التسالي الا ماندر
احيانا ماتغدا الا سندويشات جبن وخيار او جبن وزيتون
على العصر احب اشرب ينسون او بابونج او ليمون بالاعشاب
واكثر شي اشربه هو مشروب ساخن عبارة عن 3ملاعق من بودرة جوز الهند+ملعقه صغيرة خميرة فوريه+ماي
نادرا نادرا مااشرب نسكافيه في هالوقت
بعدها مااكل شي الى وقت العشا
احتمال يكون عشا خفيف واكثر المرات سلطه بالكاجو وخبز مقلي +زيتون+رمان+تتبيلة الليمون وزيت الزيتون.. الخ
يتخلل هالاوقات عصير موز او منجا او افكادو <<عصاير طبيعيه
واحيانا اتعشى على شورما مكسيكي
قبل النوم لازم اشرب شي دافي مثل مشروب جوز الهند واشرب نص قرشة ماي وانام
شو الخطأ وشو الصح ؟
هل فيه نظام شامل رياضه على تغذيه ونتيجته اصحح كل شي حتى الاكزيما
شو احسن وقت للرياضه الصبح او الليل؟
وعندي مقاطع فيديو لرياضة "ستب" او مدري الايروبيك ..هل يفيدني او يضرني لو تمرنت معها؟
افيدووونا جزاكم الله خير
والله ينعم على الكل بالصحه والعافيه ورضا الله والوالدين^_^