اسئله زوجي عن اختي

السلام عليكم
انا متزوجه والحمدلله اعيش مع زوجي استقرار عاطفي وفي تفاهم وموده ورحمه بيننا وهو للامانه انسان يخاف الله وصلاته مايتركها بالمسجد كل فرض يصليه بالمسجد ولاله بالعلاقات ولاله بالف والدوران نهائيا
طبعا امي متوفيه وانا سويت عمليه للزايده قبل فترة واختي كانت مرافقه معاي وتهتم بوضعي وصار بينها وبين زوجي احتكاك بخصوص حالتي وكذا ولاحظت زوجي صتير يسألني عن اختي بكثرة زي مثلا كنا نسولف مع بعض مين يشبه لمين وجالس يقولي ان اخوة واخته فلانه نسخه من بعض وان زوجه اخوه قالو لاخوة انها نسخه من امها وهكذا وجلست اسولف له اقوله انااشبه لفلانه اختي الي اكبر مني بينتين ويشبهوني فيها وفجاه نط لاختي الكبيرة يقولي تشبه لمين اختك وقالي لاتزعلين مني الان زي مازعلتي مني ذيك المرة لانه مرة سالني غن جمال واحده من اخواتي السغار مشهورة بجمالها واتوقع انه سمع من اهله هالشي وزبدت له بومها وقلتله ليش تسأل عن اختي هذي مومحرم لها انت ولايحق لك تسأل عنها ابدا وسمت وانطم ذاك اليوم وفاجاني بسؤاله عن اختي الكبيرة اخر مرة وقلتله تسال عنها عشانها بحسبه الوالده اناعارفه نيتك بس اختي تتميز بسمارها قال بس،هي موسمراء بشرتها فاتحه زي بشرتك !؟قهرني جدا ي بنات بلقافته وسؤاله عنها كمان لمن جاني ضيوف حريم سالني من اول واحده جتك قلتله فلانه وفلانه بنات خالاتي قال لااختك الكبيرة جتك اول، شفت الجزمه حقتها حتى علامه الصندل لونه اسود وفيه لون ذهبي ؟!شي يغبن ي بنات كيف مركز زي كذا بااختي الي اعتبرهاامي الي ماجابتني وانااختي واثقه فيها لاتقولون شاف من اختك تصرف اوحركه اوشي لاني اعرف اختي وهي الي مربيتني واعرف زوجي انه انسان يخاف الله ويراعيه بس مدري وش جاه بالاسئله هذي ؟!انا كنت بتمشكل معاه لمن سألني عنها بس،قلت ي بنت كبري عقلك انتي عارفه اختك وعارفه زوجك ؟!لكن مدري وش،الحل معاه اذاجاب طاريهااوسالني سؤال شاطح عنها