اسئله لكل وحده والده طبيعي انتظركم اتجاوبون عليها الله يجزاكم خير

انا بكريه وودي اعرف اجابات عن كل اسئلتك
اضم صوتي لك ممكن تجاوبنا يابنات يا مجربات

1-كيف تكون علامات الولاده والطلق لان دوام زوجي بعيد حول ساعه وزياده ولاحولي احد؟
حبيبتي بدايتها الم زي الم الدوره يعني وجع بظهر وماغص باسفل البطن ورجولك بعد تحسين بوجع فيها ولام تكون منتظمه كل ربع ساعه بعدين كل عشر دقايق وبعدين تقرب الين تكون مستمره انتي خوذي حذرك اول ماتحسين بانه فيكي اعراض مشابهه لاعراض الدوره روحي خوذي لك حبة بنادول عادي واجلسي نص ساعه شوفي اذا الام راحت تطمني هذي طلوق طلوق كاذبه خخخخخخخ حتى الطلوق يعرفن ينصبن
واذا الام استمر ماوقف وكل ماله يزود على طول اتصلي في زوجك وروحي طيران للمستشفى خليهم يكشفون عليك علشان تتاكدين
2-هل ممكن الوحده تولد اول يوم من التاسع والا ممكن نصفه واخره ؟ ايه ممكن الوحده تولد باي وقت بتاسع يعني من يبدأ خليكي مجهزه اغراضك حقت المستشفى لان بأي وقت تكون الولاده
3-هل يؤثر تاخر الولاده الى اخر التاسع على العمليه؟
الله مادري اسألي الدكتوره علشان تتطمنين
4-وقت الولاده كيف الالم والدكتوره قالت لي عن ابره الظهر لتخفيف الالم وانا ماعرفها؟
ابرة الظهر انتي حره تبين تستخدمينها أو لا بكيفك بس انا مايدها لان الام الولاده تذهب الذنوب ويقولون الوحده اذا ولدت تنمحي كل ذنوبها يعني فايدتها عظيمه وفي حريم كثير اعرفهم استخدموها مايمدحونها صح انها تخفف الام وقت المخاض بس بعد الاربعين يتشكون من وجع اظهورهم
5-بعد الولاده واذا طلعت من الاربعين متى يكون الجماع؟
بنسبه لي كان بيوم طلعتي الاربعين
6هل ترجع المنطقه مثل قبل لو تنفسّت صح او لابد يكون فيه فرق ؟ لاني جربت العمليه فقط؟
ايه حبيبتي ترجع المنطقه نفس اول ويمكن احسن بعد اذا اهتميتي في نفسك بالاربعين

حبيبتي الطلق يختلف البنت بالجنوب وبارد يوح ويجي اما الولد سريع وحارومن تحت وهو كانه مغص بطن ابرة الظهر سويتها بالحرس ممتازه بس مره وحده سووها لي مع اني اكثر من ولاده عندهم النفاس اذا الخياطه زينه واهتميتي بدهن المنطقه بالمرهم وتوضيتي بالملح ولا تطلعين درج الا لضروره واكلتي زين ما عليك شر لكن نصيحه بعد ما يسهل ربك امرك ويطلعونك لغرفتك اجلسي على الكرسي تقريبا عشر دقايق عشان المنطقه كلها مرتخيه ونازله بعد الوضع واذا جلستي عليها تحسين انها ترجع لوضعها الطبيعي عكس اذا كنتي نايمه على السرير طول الوقت نامي شوي وجلسي شوي الله يسهل امرك وكل مسلمه يارب

معليش نسيت الولاده تختلف انا اخذ من التاسع اسبوع لعشر ايام الا مره اول يوم بالتاسع زوجي يقول ولاده وانا اقول لالا باقي عشر ايام

الله يجزاكم خير وفي انتظار البقيه