*كيف وافقتي على زوجك لما خطبك؟كيف كنتي تفكرين و وافقتي عليه؟
اختي واخوي قعدو يقنعون فيني ولا انا شايف الزواج مسوليه وحوسه
*كيف كان شعورك لما عرفتي انو فﻻن خطبك؟
احساس غريب بطني اوجعني
*كيف كان شعورك لما وافقتي و قابلتي اهلو؟
عادي بس هو لماشفته الشوفه الشرعيه ماشفت الا رجوله
*كنتي مقتنعه فيه ومالي عينك وﻻ ﻻ؟
لا
*كيف كانت فتره الخطوبه؟
جامده لا كلمني ولا كلمته
*شعورك يوم زواجك و يوم دخلتك عليه؟
كدت ان افقد عقلي جاني خوف مش طبيعي
*ايش الأيجابيات او الصفات اللي كانت فيه و وافقتي عليه؟
كان حنون وتغير
*ايش السلبيات اللي فيه و بلعتيها ؟
طماع يسمع كلام الناس كثير ماله رايي ثابت
*هل هذا كان هو فارس احﻻمك و هذا الشخص اللي انتي كنتي تحلمين فيه يكون زوجك؟
والله ماكان في بالي فارس كان في بالي اعيش في بيت هلي
*ندمتي على احد خطبك و رفضتيه قبل ما يخطبك زوجك ؟
ايه
*احسن حياتك قبل الزواج او بعد الزواج..وليش؟
اكيد قبل الزواج بس هذي الحياه لازم تحربيها لانها راح تكبر عقلش كثير تتعرفي على الجنس الاخر وتعرفين كيف الدنيا ماشيه
انا من جهتي كنت بريئه مره يعني الحياه عندي يا ابيض يا اسود مافيه رمادي وبديت افهم الدنيا والي حولي
الصفحة الأخيرة
خطبوني قبله ناس بس ماوافقت ماكنت افكر بالزواج وكنت اول سنه جامعه فأجلت الموضوع وثاني سنه ف الجامعه خطبني زوجي وفكرت انه ملتزم ومكمل دراسته ومايدخن واخلاقه زينه استخرت وحسيت براحه
*كيف كان شعورك لما عرفتي انو فﻻن خطبك؟
ممم مافي شعور معين فرحه وخجل وتوتر وتردد خخخ كلهم مع بعض
*كيف كان شعورك لما وافقتي و قابلتي اهلو؟
اهله وايد طيبين وارتحت لهم
*كنتي مقتنعه فيه ومالي عينك وﻻ ﻻ؟
اي مقتنعه ف مواصفاته وايد ومالي عيني
*كيف كانت فتره الخطوبه؟
فيها مشاكل من طرف اهلي شوي بس عادي تعاملت مع هالمشاكل وعدت وانتهت بعد العرس
*شعورك يوم زواجك و يوم دخلتك عليه؟
مش مصدقه كأنه مسلسل او فلم ويوم عرسي احس انه كل شي يمر بسررعه وخواتي فرحانين ويكشخون وانا كل شوي اشوف شكلي واسألهم حلوو ؟ عدل ؟ اكيد حلوو ولا تقصون علي 😆
*ايش الأيجابيات او الصفات اللي كانت فيه و وافقتي عليه؟
عاقل وحنون ومثقف
*ايش السلبيات اللي فيه و بلعتيها ؟
مممم وايد شخصيته قويه يعني لازم اشاوره بكل شي واذا قال لا خلاص لا ولما اناقشه مافي فايده ممم وف الويك اند انا اروح لاهلي يقولي انا يمكن انام برع اقوله يعني اكيد ولا يمكن ؟ يقولي مادري يمكن احتمال يعني ماعندي مجال اعمل حسابي اذا بنام عندهم او لا
*هل هذا كان هو فارس احﻻمك و هذا الشخص اللي انتي كنتي تحلمين فيه يكون زوجك؟
٩٠ ف الميه الي كنت احلم فيه
*ندمتي على احد خطبك و رفضتيه قبل ما يخطبك زوجك ؟
لا لا بالعكس
*احسن حياتك قبل الزواج او بعد الزواج..وليش؟
بعد الزواج .. لان احس فيه شخص مهتم فيني ولو زعلت بيحاتيني وبيحاول يفرحني وبيصير ابو عيالي ان شاء الله