اسئله محيرتني بنفاس

انا طبيعي بس مااقعد الا 10 ايام بالكثير بعدها عادي اقوم واشتغل واشيل فراشي الحمد لله

الله يهون عليك وعلي يارب
بالنسبة للحركة الطبيعي تتحرك من ثاني يوم على شوي شوي بس مو تجهد نفسها بالحركه لا .. الاشياء البسيطة جدا جدا الى ان تكملين 10 ايام كذا او اسبوعين تبدأين تستعيدين نشاطك على شوي شوي بس اذا حسيتي بتعب على طول ريحي .. اما القيصري الدكتورة تخليها تمشي من ثاني يوم وترفع ظهرها عشان الخياطة ماتلتئم وهي مثنيه

الطبيعي لازم الواحده تريح نفسها عشان ظهرها والخياطه
انا ف بنتى اتحركت عشان كنت بعيده عن اهلى والله ظهري صار يوجعني لبعد ولادتى ب6شهور
والحين باقيلي شهرين واولد وادا ربي اراد احاول اريح نفسي قدر المستطاع عالرغم انى لوحدى وعندى عيال بس يارب تيسرها ليا
دعواتكم

كل جسم وله قوة تحمل

اذا حسيتي نفسك طيبه وتقدري تقومي قومي

انا اذا تعبانه وهزلانه ريحي

يعني يعتمد على طبيعة جسم الوحده وقوة تحملها ياعسوله

بس الافضل اسبوعين لا تشيلي اشياء ثقيله ولا ترهقي نفسك واكلي فيتاميناتك كالسيوم وحديد واكلي سلطات وفواكه واشربي مويه كثير ومشروبات حاره وبعدها عاملي نفسك طبيعي

ربي يهون عليك 🌷❤


في كثير حكي وكلام فاضي يتناقلونها الحريم بس شوفي حبيبتي زي اي جرح لازم له اهتمام ولازم له اكلات معينة و اشياء تتجنبينها


بالاول الحركه عادي تتحركين تروحين الحمام ع مهلك مثلا أو تشيلين البيبي واذا قدرتي تغيرين له بشويش اهم شي لا تجهدين نفسك و رجولك خليك ضامتها ع بعض دايم وامشي بشويش عشان اي جهد بيأثر عالغرز لكن سالفة انك تقعدين منسدحه طول الوقت ! هذي غلط لازم تتحركين ع مهلك

وطبعا لاتتعرضين لتيار بارد ولا تشربين مشروبات باردة 
الشور تقدرين تتروشين من ثاني يوم بس كمان انتبهي وجففي نفسك وتدفي

الحوامض ابتعدي عنها لانها توقف نزول الدم وطبعا انتي تبين الدم ينزل ف بلاش منها
الاكلات الدسمه خففي منها وغير كذا عادي تقدرين تاكلين اي شي بس يفضل انك تبتعدين عن اكل المطاعم عشان مناعتك ضعيفة واي شي ممكن يضرك ف لازم اكل صحي عشان ترجع عظامك مثل قبل وترجع عافيتك مثل قبل

انا لي اسبوع مخلصه نفاس عشان كذا بحاول اتذكر التفاصيل ()

لازم لازم لازم تتغدين كويس عشانك وعشان النونو ورضاعته
لازم فطور وغدا وعشا وسناك بينهم وكثري مويات ومشروبات دافيه وابتعدي عن المنبهات لانها توصل لحليب البيبي 

خالتي حبيبتي الله يجزاها خير سوت لي شغلات النفاس و بكتبها لك و لازم تاخذينها من محلات نظيفه ومعروفه 

المكونات:
كراويه + يانسون + شمر وتغسل وتنشف وبعدها يؤخذ كوب من كل هذه الاشياء وكوب زنجبيل + ربع كوب فلفل اسود + ربع حبه سودا وتطحن مع بعض توضع في قاروره
طريقة تناولها :
ملعقه من الخلطة وتضاف على كوب حليب ساخن  فائدتها :تخفف المغص بعد الولاده وتدر الحليب وممكن تضاف مع القشر بمقدار

مقادير القشر : 
4 ملاعق اكل قشر
ملعقتين صغيره من الخلطه
ملعقة كبيرة يانسون مغسول 
8 حبات تمر او 10 تغلى مع المقادير الباقية ثم تصفى
مفيدة لادرار الحليب وللمغص والغازات 

المر : يغسل  ويوضع في قاروره ويوضع عليه ماء وينقع مع الماء ويشرب على الريق 3 الاولى من الولاده .

الحلبة :
الافضل والاحسن واللي بدون ريحة هي الحلبة الحب ، يوميا تطبخ ملعقه حلبه مع كوب ونص ماء و10 حبات تمر يشرب دافي عالافطار  لمده 20 يوم ، ينظف الرحم و يقوي العظام ومدر رائع للحليب

وبعد العشرين يوم الاولى : ملعقه صغيره رشاد وتفتح التمره ويوضع الرشاد داخل التمره  وتوكل ويشرب بعده حليب دافى ، مفيدة للعظام ولادار الحليب

من مدرات الحليب الحلاوة الطحينية و اليانسون
وطبعا اكيد المويه والحليب

وابتعدي عن اي شي يسبب الغازات او المغص لان اي شي تاكلينه او تحسين فيه راح يأثر عالطفل 

وكل ما رضعتي البيبي كل ماكان احسن لك وله طبعا و حاولي بعد الولاده ع طول رضعيه واذا ماقدرتي عادي رضعيه بعد ماترتاحين بكم ساعه 

وكمان لاتنسين تتنقعين بمويه دافيه وغسول البيتادين اذا وصفته لك دكتورتك او مويه وملح خشن ، انا تنقعت بمويه و مُرّه اول اسبوعين تقريبا 

وكمان لازم ترطبين حلماتك بزيت زيتون مفروض من نص حملك لكن حطي الحين وبعد كل رضعه غسلي حلمتك بمويه وقطن وبعدها دهني بزيت زيتون

حاولت اتذكر لك وان شاء الله تستفيدين ()