♥♥tuta♥♥ :

اول مرة اسمع بالدريم اكت, بس بتعرفي انا ما قصدت مثل حالتك جيتوا البلد و عشتوا فيها و خطيتوا تعبكم و عرقكم فيها و بالاخير لا حمدا و لا شكورا, لكن قصدت اللي ذكرهم لي اخوي من المكسيكان اللي شافهم بكليفورنيا على ما بيعملوا, هدول لا بيدفعوا ضريبة و لا يحزنون, بيقبضوا من تحت الطاولة مثل ما بيحكوا, و اجرهم بيطلعوه خارج البلد. هدول اللي بيرجع عليهم العتب. و بيرجع للي بيتجنس و بيطلع يعيش خارج امريكا و بيجي يقول حقي و حقي... بتعرفي هجرتنا كانت لسبب انه وضع الجامعات بالبلاد كان مش غاد غاد و ما في دراسات عليا مثل الطب مسموحة لينا, فبدأ والدي مرحلة الهجرة في سنة 77 اتجنس و بلش بدفع التاكس (ايوه دفع التاكس بدون ما يعمل بامريكا كانت وظيفته بالبلاد) بس دفع التاكس ليفرجيهم انه انا مواطن مثالي و بدي اجيب اهلي و عيلتي نعيش ببلادكم و ها التاكس خذوه على صحن ذهب, صدقيني والدي عمره ما عمل بامريكا و لا فتح محلات و لا شي, لكن من سنة 77 لوصل سن التقاعد و هو بيدفع التاكس ليهم..

اول مرة اسمع بالدريم اكت, بس بتعرفي انا ما قصدت مثل حالتك جيتوا البلد و عشتوا فيها و خطيتوا تعبكم...

♥♥tuta♥♥ :

دودي <<<< يا عمري بالنسبة لسؤالك عن الجنسية, ما عندي فكرة ايا الولايات منعت اعطاه للمولود الغير مقيم فمن كلام الاخت بوادي يمكن ولايتين اللي بيطبقوه مش كل الولايات و الله اعلم. هلأ بالنسبة لسؤالك عن الشق سواء لبكريه او لأ, الشق ما بيشقوه الا اذا كان في حاجة ضرورية مثل انه رأس المولود كبير و ما في مرونه كافية بالمنطقة عند الام يطلع رأسه او ما حصل تمزق طبيعي عند الام ساعتها بيشقوا الوالده و الخياطة اكيد بيخيطوها سواء كان الشق حصل طبيعي او بمقص. هلأ ليه بيحبوا انه الوحدة تنشق طبيعي؟ لسبب انه ملاحظاتهم و متابعتهم للنساء و البحثوات اللي عملوها وجدوا انه الشق الطبيعي بيلتئم اسرع و افضل من شق المقص, لهيك بيفضلوا الطبيعي على المقص. هالكلام للي والدة طبعا و البكرية <<< اختي من سنة حضرت ولادتها و كانت اول ولادة اشوفها بحياتي (ولاداتي كانت قيصرية) المهم انه ما شقوها انما حصل طبيعي و الدكتور خيطها بعد ما خلصت الولادة و شالوا المشيمة منها و الحمد لله عدت على خير و شفت بسرعة. اذا بس حابة تتأكدوا اكثر من الافضل تسألوا الطبيب اللي راح يولدكم عن طريقته بالشق لانه من دكتور لدكتور بتختلف الطرق, و برضه ما بيضر تسألوا اذا حصل الشق طبيعي اذا كان راح يعمل خياطه او شو بالضبط. الله يتمم لك و لصديقتك حملكم على خير و يرزق كل من تتمنى.

دودي <<<< يا عمري بالنسبة لسؤالك عن الجنسية, ما عندي فكرة ايا الولايات منعت اعطاه...