الاسم الوحده يخوف🤨

السعلي كائن هجين من الجن والبشر يعني غول في مناطق يسموه السعلو عاد مدري حقيقي ولاخرافه بس من وعيت ع الدنيا وانا اسمع قصص عنه ..

هذي بعد قصه للعضه والعبره بسدحها دامني فاضيه 👇🏻
هذول ناس عايشين في ديره عيشه هنيه الاكل والخضار والمواشي ولاعليهم قاصر ويجاهرون بمعاصي يفعلون الحرام ولايعرفون شي اسمه صلاه المهم يجيهم ذاك اليوم رجال غريب يبغى يبات عندهم والله يضيفوه ويستغرب قالهم يلا نصلي المغرب شافهم يضحكون ويطقطقون عليه قالو له احنا عايشين كذا لاصلاه ولاشي مرتاحين تبغى تقعد عندنا الليله حياك ماتبغى الله معاك قالهم بس بعرف شالسبب اللي مخلي عندكم هالخضره والحياه بديرتكم وديرتي كلها صحرا قالو له في حيه كبيره من خلقنا وهي تبكي ولابكت هزت الجبال ونزلت مويه الجبال علينا وارتوت ارضنا وزرعنا وشربنا وانبسطنا الرجال استاذنهم وطلع من ديرتهم لجل يروح يشوف سالفه الحيه ليش تبكي والله بعد ايام يوصل عندها حيه كبيره بين جبال تبكي راح سالها ليش تبكين قالت له انا خايفه من عقاب الله ونار جهنم قالها ان الله (غفور رحيم ) وبهتت الحيه من سمعت الكلمه ولاعاد بكت وراح الرجال من عندها وتمر سنه ويرجع لاهل الديره شاف اهلها نحاف نصهم مات من الجوع والعطش ومرضى جاهم قال وش صارلكم قالو له من سكتت الحيه الجبال ماتهز ولايطلع مويه الاوديه جفت والزرع ذبل مات قال لهم اوعدوني توحدون بالله وتصلون وانا ارجع لكم ارضكم نفس اول ماحد صدقه وعدوه ان شافو مويه في الاوديه ان يوحدون بالله ويعرفون الحلال والحرام ويؤدون الصلاه المهم الرجال راح للحيه الكبيره شافها بين الجبال مبسوطه خلاص حست بالطمانينه انه مافيه عذاب قالها ان الله (شديد العقاب) وقامت تبكي وتولول وتهز الجبال وترجع المياه لمجاريها ورجع للديره الا يهللون ويكبرون اهلها وفراحه ديرتهم رجعلها المويه وبدو يصلون ويصومون وامنو بالله وبوجوده 🙏🏻