atwar2010 :

حلو موضوعكم صراحه وشيق للغايه عندي قصص كثيره اذا استمر الموضوع بحول الله بنزل لكم بين فتره وفتره قصه هذي قصة الاصدقاء: على زمن اجدادنا كان فيه اصدقاء من يوم كانو صغار المهم صارو شباب وكان عندنا هينا زمن جوع وكثير من الرجال يروحون للعراق يترزقون الله وكثير اغتنو بعد ماراحو للعراق المهم مالكم بالطويله قال واحد منهم وش رايك نروح للعراق وندور لنا شغل ونعيش اهلنا قال صديقه لاوالله صعبه ماقدر اخلي شيباني لوحدهم اعذرني قال اجل انا بروح وراح للعراق واشتغل وراحت الايام واغناه الله وقال بجيب امي وابوي عندي بالعراق وراح وجابهم وكان بزمانهم اللي يرجع لاهله يمشي شهرين وهو راجع شهرين المهم جاب امه وابوه عنده وسكنهم وراحت الايام وقالت له امه ياولدي حنا كبرنا وماعندنا احدن يخدمنا لازم نزوجك قال اجل فيه بنيه حاطن عيني عليها ابيكم تخطبونها لي قالو امه وابوه ابد انت بس اشر وحنا نخطبها لك المهم راحو وخطبو البنت ووافقت وقال عاد الولد مايتم زواجي لين يجي صديقي بالسعوديه اللي قال بقعد عند شيباني وكلم اهل البنت وقال اذا جاء صديقي من الديره خلاص اعلنو الزواج قالو اهل البنت خلاص وارسل ناس لصديقه قال قولو له خويك فلان مهو متمم زواجه لين تجي وراحت الشهور لين وصلو له وقالو له مثل ماقالهم وجاء صديقه من السعوديه للعراق يوم جاء ويكرمه ويستقبله ويمشيه على بغداد واسواقها وجلس عنده كم يوم وقال اللي جاي من السعوديه انا شفت لي بنيه واعجبتني وابيك تخطبها لي واخلي زواجي مع زواجك قال ابشر بس وينهي من هي بنته وصار يبي خطيبة خويه وهم صداقتهم قويه قال ابشر بكلمهم لك وراح لاهل خطيبته قال صديقي يبي بنتكم ومعجبته وتراه احسن مني عشر مرات قالو اهل البنت بنشوف البنت وقالو لبنتهم وحاولو بها ووافقت وعطاء صديقه خطيبته ودفع له المهر وكمل كل اللي يحتاجه للزواج المهم تزوج صديقه واغتنى بعد الزواج وقال خلاص باخذ زوجتي برجع للسعوديه قال موفق ان شاء الله عاد مع الوقت اللي جالس بالعراق توفت امه وبعد فتره توفى ابوه وتدهورت حالته الماديه وقال مالي الا ربعي بالسعوديه يفزعون لي ورجع للسعوديه ويمشي بين العرب ويسأل عن صديقه ويدور عليه لين وصل له يوم وصله ويستقبله خويه ويعلمه بقصته قال انا ابوي وامي ماتو وانسرق حلالي وخسرت قال صديقه كل هذا صار لك اكيد انك تخربط وعندك لف ودوران كانك كذا تستاهل انصددددم صديقه قال اللحين انا جايك من العراق خص لك انت قلت انك بتوقف معي ولا يبي يقوله انا عطيتك خطيبتي وسويت وسويت سكت ومشى وكان بالليل والجو مططرررر وبرد واستغرب قال هذا صديق عمري يخليني اروح بالليل وبرد ومطر ومشى بالليل يدور مكان يتغطى فيه عن المطر والبرد ولقى طرف بيت طين قديم منهدم نصه يخوووف بس قال بدخل فيه عن المطر والبرد وجلس بالبيت الطين بيت موووحش مظلم والمطر ينقط عليه ويفكر بحركة صديقه كيف سوا فيه كذا ويتذكر انه عطاه حبيبته وخطيبته كان يتمناها وعطاه من الذهب والحلال لين اغتنى وبالاخير يقول انت دروبك مهي زينه وتستاهل المهم وهو يفكر دخلو رياجيل ثنين كل واحد معه صندوق مادرو عنه ويسمعهم يقولون وين نودي هالذهب وشلون مانخلي احد يكشفنا وهم يتكلمون شافو الرجال جالس قالو انت انس والا جن قال لا انا انس قالو شف حنا سرقنا صندوقين ذولي وبنروح نجيب الثالث احرسهن لين نجي وترى لك منهن نسبه واذا طلعت الشمس وحنا ماجينا خلاص تراهن لك الصندوقين وطلعو وجلس يفكر وغط بالنوم وصحى على صوت المطر ينقط عليه والتفت يمين ويسار وتذكر الرجال اللي قالو له احرسهن وانتظرهم وكان بامس الحاجه لهن وبحالة صدمه من صديقه المهم شال الصندوقين ومشى وراح وشرا له بيت شعر وشرا حلال وجلس لحاله بالبيت يستقبل الضيوف وجاب له صبيان يعني خدم ودايم على باله صديقه ليه سوا كذا المهم صار بيته ايواء للضيف من جاء للديره راح له وصار شيخ المهم مرت الايام وجته عجوز ومعها بنت قالت ياشيخ انت رجال فيك خير وانا وبنتي ماعندنا والي نبيك تسكنا عندك لين الله يفرجها وهذي بنتي لو تبيها حلالك قال خلاص وسكنهم عنده ويراقب البنت بيختبر اخلاقها وبس يمشي وراها اذا طلعت والبنت اذا شافت زول رجال وراها رجعت وهي ماتدري منه المهم البنت صارت ماتطلع وجت العجوز قالت ياشيخ بنتي اذا طلعت تجيب لنا ما يمشي وراها رجال ماندري منه واذا شافته بنتي رجعت وقالت خلاص مابي اروح خايفه قال بنفسه هذا البنت اللي ابي وخطبها من امها واعلن زواجه بين القبيله وقال بنفسه ابعزم صديقي لزواجي واذا جاء والله لافضحه بين العرب واعلمهم وش سوابي يوم جيته من العراق واذا ماحضر الزواج بسكت عنه المهم جو القبيله كلهم للزواج وجاء صديقه للزواج يوم جلسو وصبو القهوه للمعازيم قام العريس بيفضح صديقه قال ياجماعه بقولكم سالفة واحد انكر معروف صديقه وعلمهم بالسالفه من اولها لاخرها انه جاه بالعراق واستقبله ورحب به وعطاه خطيبته مايبي يرد طلبه واغناه وعطاه من الذهب والاموال تغنيه سنين ويوم انه خسر ودار عليه الزمن وجاء لصديقه قال تستاهل وانت ماتمشي مضبوط قالو ياشيخ هذا نذبحه ياشيخ وقال البعض ياشيخ نطرده برا الديره واللي قال ياشيخ هذا مايجلس بمجالسنا قال هذا هو جالس بينكم صديقي فلان وانصدمو جماعته منه قال المتهم اصبرو علي وهو يوقف قال انت ماجاك ثنين معهم صندوق وقالو لاطلعت الشمس تراها لك قال الا قال انا مرسلهم لك مابي امد لك واذلك قلت ابيك تاخذها وانت مقتنع وانصدم صديقه قال وماجتك عجوز معها بنت قال الا قال هذي امي واختي قلت اللي فدا بنفسه علشاني وعطاني خطيبته اعطيه اختي هديه وصار كل واحد راد الجميل للثاني بدون مايدري عنه انتهت اتمنى انكم فهمتوها واااسفه على الاطاله

حلو موضوعكم صراحه وشيق للغايه عندي قصص كثيره اذا استمر الموضوع بحول الله بنزل لكم بين فتره...

كلي نظر22 :

سبحان الله هذي القصة جات بمسلسل سوري مع تغيير ببعض الأحداث

سبحان الله هذي القصة جات بمسلسل سوري مع تغيير ببعض الأحداث

ملامح خجوله 1111 :

هذي قصه كان يقوله قريب لنا منتشره ايام البدو وهي ان الزين جاء دق الباب علي العتبيه وقال له ويش تبين مني وقالت ابك تمسح علي جسمي وومسح عليه فا صارو مشهورات بجسمهن الحلو وراح للمطيريه وقال له ويش تبين مني وقالت امسح علي شعري ومسح علي شعرها وصارو مشهورات بشعورهن الحلوه وجاء للحربيه وقال له ويش تبين مني قالت ان مشغوله مع زوجي وعيالي فا راح عنه ههههه وبس ولاتزعلون بنات ترا ني حربيه القصه هذي للضحك فقط

هذي قصه كان يقوله قريب لنا منتشره ايام البدو وهي ان الزين جاء دق الباب علي العتبيه وقال له ويش...

ملامح خجوله 1111 :

هذي القصه يقولون انه ولد ماتو كل اهله ومابقي له غير بنت عمه كبيره واخذته وربته وعيت عن الزواج عشانه وكبر وصار رجال وقالت له بزوجك قال والله ما اتزوج غير انتي وتزوجها وجاب من عيال ويوم كبرت قالت له ان بزوجك والله تاخذ وحده شباب وزوجتها بنت بنوت وسكن عنده وطبعا هي العزيزه والغاليه

هذي القصه يقولون انه ولد ماتو كل اهله ومابقي له غير بنت عمه كبيره واخذته وربته وعيت عن الزواج...

مانجو @ :

يا مرحبا باللي لفونا وردوا على الموضوع  خالة فراس ايه هاتي الدلة خليني اتقهوى  سنتن من السنين صارت لي قصة  ^بدينا بالكذب يا جيل الايباد هههههههه  اتوقع بنكون في ازمة عند احفادنا  ما نلقى شيء نقوله لهم عن انجازاتنا  لا ذلحنا ذيابه ولا رحنا ولا جينا  ماغير نخطط كيف نلم من فلوس حافز و نطامر نجيب  الايفون الذهبي >اكبر انجاز هههههه من القصص الشعبية قصة ابو الحصين  وهي ان ابو الحصين و الضبعه والاسد و الارنب والعنز  اجتمعوا و سرقوا شعير من راعي الخيمة  و اتفقوا انهم يتقاسمونه بينهم بالعدل  لكن الضبعه تغافلتهم واكلته  و في الليل وين العشاء يا الارنب ؟! الارنب تصايح :العشاء انوكل يا قدعان> بدوي مصري ما تجي  المهم قال ابو الحصين   نشب النار و كل واحد ينقزها  قالوا وش الحكمة  قال انتوا بس انقزوا وتعرفون وش يبي يصير  كلهم نقزوا والضبعه اخر شيء يوم نقزت  طاحت في النار  قال ابو الحصين هي اللي اكلت عشانا  >جسمها ثقل وما قدرت تنقز من الكرشششش😂😂 وطبعا تعشوا عليها مشوية مع الهالابينو 

يا مرحبا باللي لفونا وردوا على الموضوع  خالة فراس ايه هاتي الدلة خليني...