لما كنا صغار...ونروح لديرتنا..كانت جدتي الله يرحمها..تخوفنا بكائن متوحش اسمه( المغبط )يتسلل ليلا والناس نيام..ويلمس بطن الطفل اللي مايتعشا..وياخذه وياكله..وكنا نتعشا وناكل غصب..خوفا من هالمغبط
الحين بخوف اولادي بالمغبط..يضحكون..ويقولون بنادي هزيم الرعد ينقذنا

قصه اخرى

كان البدوي اذا انقلع ضروسه بام الطفوله..يقف وينظر الى الشمس..ويرمي بسنه المخلوع...ويقول..ياشمس خذي سن الحمار..وعطيني سن الغزال...ههه..وبالاخير يحتاج تقويم يضبط هالسنون الجديده

جدتي عندها قصة عن أصل البومة هي أكيد خرافة لكن ما أمل أنا من سماعها منها الله يشفيها ويطول بعمرها


مجموعة من البدو الرحل مشوا وتركوا ونسبوا حرمة وابنها رضيع
الحرمة حاولت تمشي ورآهم وتلحقهم لكن ضاعت في الصحراء
جا عليها الليل وهي تعاني من الجوع والبرد
نزل ملك من السما ومعاه رغيف وغطا
لفت الحرمة نفسها وولدها بالغطا وأكلوا لين شبعوا من الخبز ما نقص ولا برد
بعدين الولد وانتوا بكرامة وسخ
التفتت الحرمة تدور شي تسمح لولدها الوسخ ما لقت حواليها الا الغطا ورغيف الخبز
قالت لنفسها الغطا أنا بحاجته وان مسحت فيه النجاسة صعب ارجع استخدمه
ورغيف الخبز أنا أكلت وشبعت وما عاد لي حاجة فيه
مسكت رغيف الخبز ومسحت فيه النجاسة
في نفس اللحظة
سمعت صيحة عالية من حولها ولقت نفسها انسخطت لبومة
ومن يومها البومة ما تطلع الا في الليل في الوقت اللي سوت فيه ذنبها تدور رغيف الخبز أليي نجسته عشان تأكله وتكفر عن ذنبها

رفع

حلووو الموضوع الله يعطيكم العافية 
اذا مسموح لي احمي قصص من تراثنا قولولي 
بروح اسال امي وارجع احكيلكم هههه

حلووو الموضوع الله يعطيكم العافية 
اذا مسموح لي احكي قصص من تراثنا قولولي 
بروح اسال امي وارجع احكيلكم هههه