اساعدها او لا؟

ساعديها حبيبتي مافيها شي

مافي وحده عندها جوال ونت ومحتاجه،،
اقلها تبيع جوالها وتشتري الضروري..
انتبهي لاتتورطي وتحوليلها فلوس او توصفي لها بيتك..
تبغي تساعدي عندك الجمعيات.

انا تعلمت درس نتيجة تجارب ناس كثير

ان الانترنت مكان مجهول ابعدي عن تقديم المساعدات الماديه من خلاله

لانه اصبح مكان آمن للنصابين والمحتالين والكذابين

يحلفون لك بالله العظيم انهم محتاجين حاجات بسيطه مواد غذائيه او اثاث او اجهزه كهربائيه مستعمله

وفي الحقيقه هم مجرد نصابين يجمعون الحاجات العينيه والغذائيه ويبيعونها

واللي يخليني احذر الناس منهم ان الدوله اولاً حذرت من التعاون معهم وتحويل الاموال لهم لانهم ربما يكونون جهات مشبوهه يورطونك بقضيه وانتي على نياتك

وغير كذا لو انهم فعلاً محتاجين لدرجة الجوع ماكان لقيتي معهم جوال واشتراك انترنت ويومياً يعيدون نفس الكلام ومستمرين (بالشحاذه) بتويتر بكل هشتاق لهم شهور طويله او سنه وقد شفنا بحسابهم ناس تفاعلو معهم وطلبو يتواصلون معاهم يساعدونهم الموضوع كله مايثير فيك الشك ؟!
انتي انسانه عاقله وناضجه ومسؤله عن قراراتك اذا قررتي تساعدين ساعدي اللي فعلاً حواليك بمنطقتك تكونين شايفتهم وعارفه حالتهم واذا قلبك حن على الناس اللي بالنت هذا قرارك بس لا تلومين نفسك ولا تلومين الناس

خاصة اننا في بلد فيه الخير لو المحتاج يطلب جاره او اهله وجماعته بيفزعون له اذا هو فعلاً محتاج لكن لو عارفينه لعاب ومتبطح في بيته لا يسعى ولا يجتهد ويصرف الفلوس على فشخره وترفيه بيسحبون عليه

الله اعلم بنيتها
بس اذا عندك القدره الماديه اشتري واحد
وارسليه لها
اذا صادقه الله يفرج كربتها
🙇‍♀️

جزاكم الله خير جميعا..
اخذتني العاطفه بلا تردد اول ماقريت موضوعها ويعلم الله اني قررت اساعدها..
لكن يوم طلعت من النت على اساس باشوف كيف اساعدها وقع في قلبي الخوف..
وفعلا هالزمن يخوف..
وللاسف الشر ما خلى مكان للخير..
الواحد صار يخاف ومن حقه يخاف.. من كثر القصص اللي نسمعها ونشوفها..
والصراحه الخير في كل مكان والجمعيات منتشره والأهل والجيران على قولة عواطف موجودين الحمدلله..