كوبونات الراقية تسجيل الدخول

بحوو الشووق وور

اسالكم بالله ساعدوني مالي احد بعد الله غيركم خواتي

الأسرة والمجتمع •

بسم الله الرحمن الرحيم

اول شي ابيكم تعذروني لاني احترت وين اطلب مساعدتكم ومدري ليش اخترت هالقسم

ثاني شي اسالكم بالله ساعدوني لو بكلمه وحده


انا بنت عمري 25 سنه تزوجت وعندي 17 سنه من ولد عمتي ,, شفت الويل بحياتي معاه وبعد 7 سنوات

راحت من عمري الحمدلله خلعته وافتكيت منه .. الحمدلله ماجبت منه اولاد,,

طبعا طلعت من التجربه وانا مقرره اني مستحيل اكررها مره ثانيه ,, تقدم لي ناس كثير وانا ارفض

المره هذي تقدم لي شيخ باواخر الثلاثينات مناسب لعمري

الكل مدحه .. الكل شكر فيه .. هو متزوج وعنده 6 اولاد ,,

كان يبي زوجه رومانسيه وجميله ,, وانا ولله الحمد جميله بشهادة الجميع .. طويله وبيضاء ,,

بس يعيبني السمنه <<~~ عقدتي من كنت صغيره

بصراحه فقدت الثقه بنفسي بسبها علشان كذا شرطت على اهلي انهم يخبرونه اني سمينه

خبروه ووافق ..

المهم اني وافقت عليه وملكناااا وهو متجنن ومو مصدق اني وافقت ,,

طلب يشوفني .. جاني اكتئاب

هلوست من كثر التفكير انه مكن يكرهني علشان سمنتي ونسيت كل باقي المواصفات اللي ممكن تحببه فيني

سوينا حفله ولمن شافني انجن علي .. ماصدق

ومن كثر مامدح

انا نفسي ماصدقت ... المهم عدت هالليله وانا عشتها بحياتي كلها ماحلمت بمثلهااا

بعد ماراح من عندي بدت تجيني الافكار السوداء ,, انه ممكن كان يجاملني ,, انه ممكن يبي يأدب زوجته فيني

وبيرجع لها ويتركني ومن هالكلام ,,

طبعا على الهبال اللي شفته توقعت انه بيلزق فيني وعلى اصراره على اخذ رقم جوالي توقعت انه بيقلب حياتي

ماراح يخليني ارتاح من كثر المكالمات

مر اليوم الاول ومارسل الا رسالتين ,, بعدها اتصل ثواني كان بيبدل لي الدبله ,,

لانها كبيره

انا تضايقت من الاسلوب

انتظرته يابنات يتصل والله العظم للساعه 5.30 الفجر

رحت لدوامي مكتئبه وحزينه ,, طبعا كل من سالني عنه اخترعت له انواع الاكاذيب انه اتصل ومن هالكلام

ابي ارفع من معنوياتي قدامهم ,, انا ماقدرت اتحمل

قلت يمكن مو عارف ويمكن مركزه وعمره مايسمح له يقول كلام ويسولف كثير

ارسلت له رساله امسي عليه فيهاااا

بعد حوالي ساعه رد ببيت شعر انه يحبني موت وواضح انه من تاليفه

بعدها اتصل علي يمكن كلمني دقيقتين بس ,, سال عن اخباري وقفل ..

انا اشوف الوضع مو مريحيني ,, والله يابنات اني خايفه اكرر التجربه الاولى ,,

متحطمه من تصرفاته ,, وعلى فكره شبكه ماجاب ,, والمهر اذا جاب 10000 احمد ربي

اخاف بكرا يعايرني بسمنتي ,, حاليا انا مسويه رجيم قاسي

وخلطات ,, ورياضات ..

وكل ابو شي ابي انحف ,, <~~ وزني 124وطولي 171
وهو مستعجل على الزواج بشكل جنوني ,,

طبعا يبي يزورني بالاربعاء ,,

ودي اصارحه ,, ودي اقوله احسك ماتبي تتخسر علي لانك مقرر انك تتركني ..

ودي اقوله احسك بخيل ,, ابي احسسه اني احس بنقص مو طبيعي ..

ودي اقوله ان مكالماته قليله ,, واني ابي اشوفه مثل خطيب اي صديقه من صديقاتي

اللي مايخلص سواليف وغزل فيها ,,

والله يبنات اني اكتب وانا ابكي ,, خايفه من كل شي ومتحطمه من حظي ,,

ادر طولت عليكم بس والله العظيم ماعندي احد اشكي له ,,

وانا سجلت هنا مخصوص ابي استفيد منكم ,, ابي ارتاح بينكم

امااااااااااااااااااااااااااانه ريحوووووووووووووني

بالله لاتنسون اختكم بالله محتاجه لحرف منكم

بحوو الشووق وور
13
1K

يلزم عليك تسجيل الدخول أولًا لكتابة تعليق.

تسجيل دخول

مجسم سكر
مجسم سكر •
الله يكتبلك الي فيه خير
مأقول لكي الأ أنك تستخيري وأكثري من الأستغفار
دكتووره
دكتووره •
ياعمري الله يوفقك ان شاء الله اخواتي هنا يفيدونك
عن نفسي كل خطوباتي بحححححححححححححححححححححححححححححححححححححححححححححححححححححححح
إنسانه طفشانه
إنسانه طفشانه •
استخيييري كثثثثييير..

ويمكن لانه متزوج وعنده 6 اولاد مشغول معهم..

يعني مو مثل العازب..

اتمنى لك التوفيييييييق ياااارب..
ياعين امها
ياعين امها •
إنسانه طفشانه إنسانه طفشانه :
استخيييري كثثثثييير.. ويمكن لانه متزوج وعنده 6 اولاد مشغول معهم.. يعني مو مثل العازب.. اتمنى لك التوفيييييييق ياااارب..
استخيييري كثثثثييير.. ويمكن لانه متزوج وعنده 6 اولاد مشغول معهم.. يعني مو مثل العازب.. ...
اهلين اختي فيه رجال كثير صعب يبينون مشاعرهم بالتلفون وبالعكس المفروض تنبسطين دامه شافك ومدحك.موشرط السعاده تجي من الرومنسيه فيه اشياء كثيره مثل يكون كريم و مطوع ومحترم ويحب الخير هذي اشياء المهمه.اذا انتي مصليه الاستخاره اتكلي على ربك واهم شي ماتقولين له سلبياته قبل الزواج راح ياخذ منك موقف وانتي لازم تكونين واثقه من نفسك وتكونين انسانه صبوره.انا والله كنت كذا بس الحمدالله تغير طبعي.واكثري من الدعاء والاستغفار.وياما حريم رجالهم مايعرفون الرومنسيه قبل الزواج بس بعد الزواج اكتشفن اشياء احسن من الرومنسيه.هي طيبة قلوبهم واتمنى لك اختي السعاده والتوفيق
بحوو الشووق وور
بحوو الشووق وور •
الله يبارك لي فيكم ويجزاكم خير خواتي

والله انكم ريحتوني بردودكم

ويارب انه يفرجها عليكم مثل مافرجتوا همي ويحقق لكم اللي ببالكم يارب العالمين


الف مليووووووووووووووووون شكر

على الكلام اللي يريح