اساله استفسر منه عن الشي اللي محصلته والا اسكت

السلام عليكم بنات انا لي فتره احصل حبوب علاجيه بملابس زوجي بسيارته المهم اني ماساله واحطها ولاعمري سالته وانا متزوجه لي 11 سنه وبالظبط ماني متذكره متى بديت احصلها لكن ببدايه الامر ماهتميت ولاعطيت الموضوع بال لكن الفتره الاخيره صرت القاها دايم بثيابه وباماكن خاصه بالسياره المهم سويت بحث عنها صارت تعالج الرهاب الاجتماعي وامراض نفسيه وبنفس الوقت علاج لسرعه القذف وهي الحبوب اسمها ( سيروكسيات ) اتوقع فيه ناس تعرفها من ناحيه سرعه القذف ماني محصله بزوجي مشكله تستدعي انه ياكل مثل هالحبوب فاتوقع انه جانبها نفسي وصراحه قلقت من الموضوع كثير وافكر لين راسي تعب من التفكير بنفس الوقت مابي اساله لانها خصوصيته وثاني شي ماراح يعطيني الحقيقه حتى لو سالته غير كذا زوجي بيتوتي جداً جداً ونادر له اصحاب ونادر مايطلع بس انه عصبي جداً جداً ومتوتر احيان وفيه شي من التكبر وشوفه النفس على الناس لو اجتمع معاهم ...... سوالي يعني ايش اسوي اساله اسكت وانا مابي اسكت ودي اعرف الشي هاذا ايش ولايش استخدامه ويكون واضح معاي لكن ابي رايكم صح او لا اللي بسويه