اسال مجرب ولا تسال طبيب

:39:
السلام عليكم ورحمة الله وبركاته
حبيت اهمس في اذن كل عروس
وقبل الهمس اقول لها الله يتمم لك ع خير
------
سابدي موضوعي بنصيحه وخذيها من اخت مجربه
اختكم في الله جهزت الكثير من العرايس
وافادت بخبرتها الكثير من العروسات
.....
استغرب من البنات اللي يجيهم مهركثير ليه تصرفه كله في جهازها
اقصد البنات اللي مهورهم كثيره80و60الف
المهر ملك لك اوك مختلفنا بس ليه تصرفيه كله في الجهاز والتحضير للزواج
صح اصرفي منه للاشيا المهمه واي وحده تجهز راح بعد الزواج تعرف ان فيه اشيا كثيره جدا
ماكانت تحتاجها وبعدين تندم
......
نجي للجهاز
تحتاجي ذهب. اكسسوارات جزم .شنط.عبايات .ملابس بيت .ملابس طلعات .
فستان الزواج .كوافيره .مصوره .عطورات وادوات نظافه وعنايه .مكياج الخ
.....
فستان الزواج نصيحه ومجربه في فساتين جاهزه وفساتين عند مصممين
ماتتعدا الفين ريال وثلاث الاف ريال اقصي حد ممكن تدفعيه وروعه وموجهه واحسن
الاماكن اللي تعاملت معاها العماره الزرقا وسوق اليمامه في جده
يعني لاتحطي سعر عشر الاف في فستان الزفه لانه بيصير خساره عليك ولا راح يفرق عن ابو ثلاث الاف ومنها راح تبعدي عن البذخ اللي نهانا الله عنه ولاتكسبي ذنب ويمكن مايوفقك الله نتيجة البطره
.....
نجي للعبايات
فيه عرايس تاخذ عشر وتسع عبايات ما ادري ليه كانها راح تنقطع عن العالم
لو فكرت شوي ماراح تاخذ الكم هذا كله لسبب انها بتمل من عباياتها والعبايات
كل سنه موديلات جديده وبكذا خسرت نفسها ع عبايات ماراح تلبسها وتطيح في كبدها
وارهقت ميزانية جهازها
خذي عباية راس وحده بدون اي زركشه
خذي عباية كتف بموديل بسيط جدا وخليها للطلعات في اماكن عامه اذا كنتي ماتلبسي عباية راس
وخليها واسعه وساتره
خذي عباه فيها شغل وموديل بس بذوق تكون خاصه للزيارات يعتي من السياره للبيت اللي بتزوريه يعني مهي حقة طلعه في اماكن عامه
يعني بالكثير اربع ثلاث عبايات بطرحاتهم
......
نجي لملابس البت ملابس البيت كثري شوي فيها
لانها اللي راح تستعمليها كثير روحي للماركات الرخيصه
لان فيه ماركات رخيصه وانيقه وذات جوده وتحري اوقات التخفيضات
خذي سبع بجايم طويله وسبعه قصيره
وقمصان بيت قصيره سبعه وشورتات
وقمصان نوم سبعه يعني لانجري
ليه قلت سبعه علشان ع ايام الاسبوع
ولاتنسي قمصان طويله وساتره خذي ثنين او ثلاثه لانك بتضطرين تلبسيها عند كبار السن او الناس اللي تستحي منهم
وثلاث جلابيات استقبال تكون كشخه برضه بتحتاجيها
اذا حبيتي تزودي ملابس البيت ماعندكم مشكله. لانها اكثر شي بتستعمليه
....
نجي للملابس حقة الطلعات
خذي عشر فساتين او تيورات يعني انتي وطريقة لبسك قصيره او طويله اللي انتي متعوده عليه
عشره كافيه
بناطيل النوعيه اللي تفضليها تي شرتات بس لاتكثري لاتزيدي ع عشره
......
نروح للذهب برضه تحتاجي طقم ناعم جدا الذهب اللي تفضليه لازوردي والا ابيض والا ذهب صافي
تحتاجي تعليقه حلوه
وحلق واسواره ناعمه
وخواتم ثنين ثلاثه بس لان اكثر الهدايا راح تجيك خواتم وتعليقات
حتي لو ماجاك اشوف ان كذا كافي
احذري تشتري ساعات كثيره وبمبالغ كبيره
خذي ساعه كشخه للمناسبات ماتتعدي ثلاث الاف اقصي حد او الفين
خذي ساعه اي ماركه في ماركات انيقه وناعمه بثمان ميه وست ميه
بس لاتكثري ساعتين كافيه
وساعه للبيت والاستعمال اليومي خذي من سواتش فيه ساعات حلوه وناعمه
.....
نجي للشنط خذي شنطتين شنطه للزيارات وشنطه للطلعات
وحاولي ماتتعدا الف او 900اكثر من كذا لاتدفعي لانك كل فتره بتغيري
....
العطورات وكريمات العنايه والنظافه عاد هاذي راح تجيك كثير هدايا
بس خذي الاساسيات
عطر ليلة الزواج خذي فاخر واحد راح يكون سعره غالي يمكن يوصل الف
وخذي مجموعات من بودي شوب ونكتار الخ الاماكن الرخيصه اللي تبيع مجموعات الحمام
للعروس روايحهم حلوه ورخيصه
وبخور حلو وعود خشب وعود سايل ومسك
هاذي الاشيا في عبد الصمد القرشي وجنيد والعربيه
.....
نجي للمكياج لاتاخذي المكياج اللي يجي شنطه كامله زي اللي عند مكياجي
خذي مفرق ارواج وبلاشر وشدو وكحل وكريم اساس الاشيا اللي متعوده عليها
بس ارشح الماركات الموثوق فيها فور ايفر لانكوم الخ
ولاتنسي. البي بي كريم هذا للاستعمال اليومي بدال المكياج
.....
قبل الزواج لاتبالغي في العنايه احيانا تجيب نتايج عكسيه
واغلب الاشيا مو مضمونه يعني لاتخلي نفسك فار تجارب
خليك ع العنايه بالاشيا الطبيعيه
وتكون في الاسبوع مره او مرتين مو ترهقي بشرتك
......
بالاخير اتمني استفدتوا من نصايحي وتجاربي
ونصيحه من قلب كل مااخذتي جانب الحشمه في لبسك وعدم التبذير راح تتوفقي
عن تجارب سبحان الله
يعني راعي الله في كل شي
ولاتنسوني من الدعوات الحلوه
وان الله يفرج همي ويحل مشاكلي
.....
ودعواتي بحياه سعيده ان شا الله