اسامح زوجي بس اعجز انسى

لي 11 سنه متزوجه
كثير مواقف تقهرني تحصل من زوجي اسامحه ولا اناقشه
بس تضل بذاكرتي اتذكرها وابكي
وشلون انسى
من المواقف انه مره كان ولدي تعبان شوي ورحت انا وزوجة اخوه للملاهي ولعب وليدي بالالعاب ومبسوط
لما رجعنا للبيت زاد الكحه والاستفراغ وانكتم احطله بخار ماينفع
وكان زوجي بالاستراحه ادق عليه ويرفض يوديه يقول خل تنفعك فلانه ليش تروحين معها وابنك تعبان
طنشته ودعيت ربي يفرجها وكانو اهلي مسافرين ومافي احد من اخواني يودي ولدي وكان يزود التعب عليه وبدا يخذرف ويضحك وانا ماعندي غير الدعاء الحمدلله
والله ارسل لي اخوي جا من السفر دقيت عليه وهو جاي بالطريق قلت اذا وصلت تعال لي بسرعه الولد تعبان
وابوه مازال في استراحته
وفرجت وداه اخوي وانهبل الدكتور قال لو ماجبتوه احتمال يعني لاسمح الله ياثر على مخه وهاوش اخوي الدكتور وقال عنده كتمه من الدرجه الثالثه وعطوه مغذي وابر
الحمدلله جا ولدي مصحصح عقب ماكان بس نايم ويهذري
وجا زوجي من بكرا الظهر يبي يتغدا وكان نايم باستراحته
علمه ولدي انه خالو وداني للمستشفى
قعد يهاوش علي زوجي وارسل لاخوي رساله يهدده مايجي لبيتي هذا جزاه
قال انا ابوه ليش ماقلتيلي ان اخوك بيوديه قلت اكيد بترفض
اللي يقهرني اني صرت ارضي فيه بدال ماخذ حقي منه
مليت من شخصيتي مدري متى اتعدل واخذ حقي
وشرايكم؟؟؟؟؟؟؟