للتو قرأت عن ضياع المرأة المسنة بالحرم ونحن جميعا نعلم بالكم الهائل من المعتمرين والمحتسبين والمصلين والمحبين والمشتاقين للحرم وخاصة في هذا الشهر الكريم والاجازة الصيفية وكل القلوب تتجه قلبا وقالبا للحرم
من علي الله بعمرة في هذا الشهر الكريم ونسيت جوالي بالفندق في مدينة جدهـ ولم اخبر زوجي لأنشغالي بالدعاء والتلبية طوال الطريق بعدما وصلنا مكة سألني:arb: ان كنت احمل شنطة فقلت لا لم اخذ شي خوفا من الضياع او السرقه فقال والجوال اين ستضعينه قلت نسيته بالفندق فغضب واتعصب وقال لي واذا ضعتي كيف اوصل لك قلت له هذا الكلام تقوله لطفل مش ليا :mad: فقال الله يستر وماتضعي واذا ضعتي اسعد الاوقات :( قال لنا سواق التاكسي ممكن ما نوصل قبل الاذان زحمة قمت دعيت ربي (يارب انا ضيوفك يارب نفطر ببيتك الحرام وعلى زمزم يارب انا ضيوفك يارب ) وتسهلت الامور ووصلنا النفق وطلعنا السلالم الكهربائيه وطلعنا التوسعه
قبل ما ندخل للحرم ونبداء بالعمرة وكان قبل آذان المغرب بكم دقيقه قال زوجي ليا لو ضعتي ارجعي قابليني هنا عند باب الملك فهد قلتلوا طيب ومشينا قمنا دخلنا من الباب وكبرنا وهللنا ولبين وحنا نمشي لحد ما وصلنا لمكان يفصل النساء عن الرجال وكان فيه واحد من المحتسبين الله يجزاه الجنه ومن معه من المحتسبين المفطرين للصائمين وزع علينا التمر وزوجي اخذ 6 تمرات اداني تلاته واخد لوه تلاته وقالي ادخلي تفطري مع الحريم وانا هنا لمن تصلي وتخلصي قابليني هنا تحت الساعه المعلقه هادي شوفي مافي غيرها دخلت لمحرم النساء صبيت لي كاس زمزم الله يجعله لما نويته له وجلست قدام ستات مصريات الله يتقبل منا ومنهم و صليت ركعتين تحية المسجد وسجدت سجدة شكر لربي ان بلغني العمره بهالشهر الفضيل ومرغت جبهتي بارض الحرم ولمن جلست آذن اذان المغرب وبدات بالافطار سمعت امرآة لهجتها يمنيه تقول تبغين قهوه ؟ ناظرت لها هل تعنيني فوجدتها تحدث الاخت المصريه واخذت منها كاسه وانا رديت اناظر قدامي واكلت تمري وشربت الماء وحمدت الله وشكرته وشممت رائحة القهوة فحدثت نفسي انه حرام علي ان احرم نفسي من امر ارجوه ويمكنني طلبه فقلت للمرأه الله يجزاها جنات النعيم ممكن قهوه يا اختي (شوي بس ) قالت :قلتلك وما رديتي علي وكانت نظرتها لي نظره ادخلت الآلم بنفسي فقلت عفوا منك لم انتبه صبت لي نصف الكاس من قهوتها الله يسقيها من الكوثر شربت القهوة واقامت الصلاة وقمنا للصلاة وكان هناك من المحتسبات القائمات على التنظيف وحملن بقايا الكاسات وبقايا التمر والسفر ونظفن المكان قبل الاقامه صليت وخرجت لزوجي فوجدته تحت الساعه المعلقة توجهنا للطواف وتم بيسر ولله الحمد ثم توجهنا للسعي في الدور الاعلى وكان الامر ميسر رغم الزحااام الشديد نزلنا وحضرنا صلاة العشاء وطلبت من زوجي ان نبقى حتى اكمال التراويح والوتر والدعاء فقال لي بيكون زحمه بعدينا قلت هذه فرصة ما تتفوت فوافق وكنا نازلين من بوابة المسعى قال لي صلي هنا وانا بصلي باقرب مكان للرجال قلت طيب :icon28: وكنت سعيده جدا جدا باني بصلي بالحرم واقوم أكبر مع الامام الا وهذي اللي تدفني وتقول لا ياحبيبتي مو هنا تصلي ابعدي وانا كنت داخله بالصلاة وااشر لها تخليني اصلي ومارضت قطعت صلاتي قلت لها هذا الحريم يصلون هنا قالت لا لا ممنوع وكانت تدفشني للخلف وانا اقلها لا تدفيني قامت تصارخ باعلى صوتها _حسبي الله ونعم الوكيل _ لا ياحبيبتي مو كل وحده اقول لها ممنوع تطنشني وتصلي هذا شغلنا وما اعرف ايش تاني انا كنت بصراحه بداك الوقت ابكي من القهر ابغى الحق اصلي ناظرت ورايا لقيت حريم كثير يصلو والطريق مفتوح للنازلين قامت حرمه مصريه قالت تعالي يابتي صلي مكاني انا خلاص حروح قلت الله يجزاك خير جيت اصلي مكانها كبرت الا حرمه كبيره بالسن جات وجلست قدامي وماقدرت اركع واسجد وجلست واقفه والله قعدت ابكي مو عارفه ايش اسوي سلمت وجيت ارجع للصفوف الخلفيه وكل مارحت مكان لقيت من تمنعني وتقول ممنوع ممنوع والله ردوني لحد ما رجعت للمسعى قمت وقفت جنب العمود الا اسمع وحده تقول وين اروح امي تصلي هنا والاخت المحتسبه (ما اعرف ام الشريطه ) تقول لها :مايخصني مايخصني قلت لك قومي من هنا ممنوع ممنوع قالت امي هنا وين اروح وقامت تسحب فيها لين طلعتها من المكان اللي كانت فيه صارت واقفه هي واختها اللي اصغر منها بالممر بين المصلين تناظر بكل مكان ومو عارفه وين تروح انا كل مالقيت مكان رحت فيه برضه يردوني ويقولوا ممنوع :angry: قمت رجعت وقفت عن العمود الا واحد من الرجال المحتسبين ايضا والله ما اعرف هما محتسبين ولا شغلهم المهم يقول ياحجه ممنوع الوقوف قلت له وين اروح ممنوع ممنوع ضيعتوني من زوجي ما اعرف في هوه الحين قامت وحده ناظرت فيني قالت ظيعتي رجلس قلت ايه قالت وانا مضيعه اولادي سعيت وخلصت وقلت ابنتظرهم طلعوني من مكاني وماعاد ادري فين هم قلت الله المستعان قمت قلت بنفسي ابكبر واصلي لكن انا واقفه على الدرج كيف اسوي ؟ سمعت حرمه جداويه تصارخ على الحرمه ام الشريطه وتقلها حسبي الله عليكم ضيعتوني من الرجال وين الاقيه دحينه ؟ قالت لها قومي من هنا قالت ماني قايمه وهذي تصارخ وهذي تصارخ وشوي على يساري رجال مصري شيبه ومعاه بنتين صغار يتكلمون عربي مكسر وحده منهم تبكي وتقول :ابغى اصلي بابا وابوها يقول للمحتسب الله يجعلها بذمتك ليوم الدين والله ما اسامحك ولا تنهى عبدا اذا صلى ولا تنهى عبدا اذا صلى ويبكي و وبناته ويمشون يدورون مكان مسموح الصلاة فيه الا الحرمه الحضريه تكلم زوجها تقول له ما اعرف انا فين انا هنا جنب عمود قمت نزلت لها وقلت هذه بوابة المسعى قفلت الجوال وقلت لها ممكن جوالك اكلم زوجي انا مضيعته قالت خدي كلمي ياحبيبتي ليش ضيعتيه قلت ما اعرف جلسوا يردوني ويدفشون فيني الين وصلت هنا قالت متلي الله المستعان دقيت على زوجي ما شبك الشبكة مشغوله
راحت تدور لها على موية زمزم سألت واحد من الكشافه قالت وين القى زمزم قالها من هنا ياخاله وقام بيمشي معاها الا ورئيسه يسحب ببدلته ويرفع صوته ويقول ماتتحرك من مكانك ابدا ابدا قال الولد ابوريها زمزم قال مالك دعوه ما تتحرك من مكانك قمت انا خفت قلت لرجال واقف لو سمحت وين بوابة الملك عبدالعزيز
قال من هناك ودلني الله يدله جنات النعيم قامت قالت لي حرمه مصريه تعالي ادلك انا رايحه لبوابة العمره وقامت شبكت يدها بيدي انا مشيت معاها شوي ولقيت مكان جنب حرمه يمكن اصلي فيه كانت بنتها تصلي وجلست قمت فكيت ايدي من العجوز وقلت خلاص ابصلي هنا (قالت مش انتي عوزه تروحي للبوابه )قلت لها ايه بس ابصلي ركعتين لدام اني لقيت مكان ناظرت لي بحزن :(وراحت انا حزنت بعدين لانها حست اني خايفه منها وانا ماجاء على بالي الا الصلاة ابي اصلي
والحمدلله كبرت ولحقت على تسليمتين والدعاء والوتر مع الشيخ السديس الله يجزاه عني وعن المسلمين كل خير وباقي أأمة المسلمين خلصت الصلاة ووقفت بمكاني ادور مكان زوجي وارجع امشي للمكان والف الف ماعرفت له طريق قمت رجعت اسال عن بوابة الملك عبدالعزيز وامشي لمها الين وصلت لها وطول الطريق اوقف اشرب زمزم لقيت البوابه ولقيت الساعه المعلقه قلت بنفسي الحمدلله نفس المكان طلعت من البوابه لا اله الا الله الا البشريه كلها برى ..
وقفت اناظر ما لقيت وجه رجالي قمت اطلب جوال من الحريم وكل حرمه اطلبها تقول لي الشحن منتهي الا وهذيك العجيز وبنتها طلبت منهم الجوال عطوني ياه الله يفرج عليهم كرب الدنيا والاخره كلمت رجالي وقلت له انا عند بوابة الملك عبدالعزيز قال خليك عندك لا تتحركين و10 دقائق الا وهو جايني تعبااااااااان هلكان من الدواره ساعه كامله
مشى قدامي وهو ساكت وانا وراه قلت له لمن مالقيتك قلت اروح للبوابه اللي تواعدنا نتلاقى عندها لو ضعنا قال :لو ضعتي :09: انا قايلك بوابة الملك فهد مو الملك عبدالعزيز قلت يالله كلهم ملوك مارد علي وماعطاني وجه ابد عرفت انه خاف علي قلت خفت علي قلت زعلان لأني ضعت:32: قال :لا زعلان لأني لقيتك :mad:
وبعد هالسالفه الطويله
ليش يضيعون (يتوهون )الناس
وش الحلول
وش العلامات
وش السواة للي تضيع مين تكلم ومين تطلب
الشبكة مشغولة
تعثر الاتصال
منتهي الشحن
مضيعه ولا ناسيه الجوال
ممنوع الصلاة هنا ؟
تدفيش ودفدفة العاملات بالحرم (الله يسامحهم ويهديهم ليعلمون ما معنى خدمة ضيوف الرحمن )
وش الحلول
نسيت اقلكم زوجي لقى رقم الحرمة الحضريه اتصل عليها قال انتِ متصله علي قالت ايه لقيت حرمه ضايعه قال وين
قالت هناكا عند العمود اللي قدام الكعبه :p
لجين الفضه @lgyn_alfdh
محررة فضية
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️