"اسباب تساقط شعر مقدمة الراس"

مرحبا بنوتات ومتزوجات
فية موضوع شاغل بالي الا وهو ان اغلب البنات والمتزوجات صاروا يعانون من تساقط شعرًمقدمة الراس وجود فراغات كبيرة بمقدمة الراس وانا منهم ابي اعرف وش الاسباب خصوصا انه من سنتين الناس بدت تعاني من هالمشكله ووضحت مررة عند الحريم بشكل عام وليش اول ماكان عندهم هالشي هل هو راجع لقلة العناية خصوصا اننا بنات هالوقت صبغات وشامبوات مع قلة عناية ولا وش السالفة ولا هذا من تاثير عوامل خارجية غبرمعروفة لان الاغلبية تقول سوينا تحاليل للغدة والهرمون وكشفنا على التكيس وكله تمام ونسبة الدم كويسه فالسبب الوحيد مجهول للان هل تتوقعون كثرة التفكير لها دور الله يعين بس خصوصا هالتساقط مبين الصلعة خصوصا اذا متزوجه وعند الحمولة مصيبة الصراحه يارب يارب تشافينا من الصلع يااارب وبنات المسلمين يارحم الراحمين

ارجوا كل وحدة تدلي بدلوة بهالموضوع بس نسيت اقول احنا ياهل الرياض ترا الموية اللي نتروش منها تغيرت ماعاد زي اول حلو مرة لا زادوا الاملاح فية لان لو تلاحظون من متى بزابيز الموية حقت الرياض تملح اول ماشاء الله كلها لمعة ولها من سنتين الى ثلاث والبزابيز تملح وشعور هالحريم تتساقط فهل يكون هذا الشي له دخل يابنات
حتى تشوقون اللي عندهم خدم شعور الخادمات اول مايجون تتساقط من الموية بس توقف حنا صلعنا الله المستعان