اسباجيتي بالجبن على الطريقة الايطالية ( سهلة وماتاخذ وقت)

السلام عليكم ورحمة الله وبركاتة 

انا مو من رواد القسم ذا ، لاني كنت 
معتقدة اني فاشلة بالطبخ حتى لو اطبخ 
، اثاري الطبخ يبيلة مزاج ونفس ومقادير 
مظبوطة ، وبما اني قبل يومين قررت 
اصير سنعة واطبخ وبديت الحمدالله 
لقيت نفسي ماشاءالله مبدعة ، المهم 
وانا احوس ببرامج الطبخ لقيت ذي 
الطبخة وجربتها( يااي طعمها يجنن
وكمان سهلة وماتاخذ وقت ومقاديرها 
متوفرة )
وهي ( اسباجيتي بالجبن على الطريقة
الايطالية )

المقادير:
علبة اسباجيتي 
علبة جبن كرافت سائلة صغيرة 
بصلة صغيرة ، فصين ثوم 
طماطم مطحونة ، صلصة طماطم
جزر مبشور ، ملعقتين بقدونس مفروم 
مكعب ماجي ، بهارات ، ملح 

الطريقة : 
تسلقين المكرونة لوحدها دون اضافات الى 
ان تستوي .
تجهزين الصاج وتفرمين البصل والثوم 
وتحمرينها بالزيت وتضيفين الطماطم المطحونة 
والجزر ومكعب الماجي والصلصة والملح والبهارات وقليل من الماء الى ان تثقل .
وبعدين تحطين الكرافت للمكرونة المسلوقة 
وتقلبينها وهي حارة .
وبعدها تضيفين الصلصة للمكرونة وتقلبيها 
مع بعض وتضيفين البقدونس وتقلبيها كمان 

واذا حابة تزينيها عادي اضيفي اي شي 
ليمون مقطع او بقدونس او فلفل ...

وبالعافية على قلوبكم 
واذا جربتوها واعجبتكم ادعولي ..
واذا قديمة عليكم الطبخة بعد ادعولي ،
ولاتلومني لاني توي اتعرف على 
المطبخ والطبخ هههههه