بسم الله الرحمن الرحيم
كيفكم يا أحلى حوائيااات بالدنياا كلهاا ,,.
ندخل بالموضوع على طووول ,, طبعا" من العنوان واضح كل شي ,, الوالد فديت قلبه والله يحفظه
اذا كان فاضي وماعنده شغل يسويلنا اسباغيتي رهييييب بالتونه والله رهيييب واتمنى تجربونهاا
لاني ضااامنه انهاا بتـعجبكم ,, وبالعااافيه على قلوبكم مقدما" ,,.
على فكره بنااات هالمره انا مسويتها بعد ماشفته طبقت طريقته وطلعت مثلهااا بالضبـط
لاني كنت واقفه بجنبه وأغــش :) ــهههههههههــ ,,.
اهم شي لاتضيفين الماااي الاااا للاسباغيتي بسسسسسس
يلااا بسم الله نبدأ
المقادير :
بصله مقطعه مربعات صغيره
فلفل بارد صغير مقطع مربعات
ثوم مفروم
6 حبات هيل - قرفه اعواد نكسرها صغير تقريبا" عودين كباار - 6 حبات مسمااار
طماطه مقطعه مربعات انا اقشرها وانتـــ،ِ بكيفك
بيضه مخفوقه
ملعقه كبيره صلصه
علبة تونه
قرن فلفل صحيح مقطع حلقااات
والبهارات اللي راح نستخدمهاا ملعقة بابريكاا وشوية فلفل اسود وملح
اسباغيتي مكسر
الطريقه :
اول شي نحمس البصل بالزيت ونضيف له القرفه والهيل والمسمار ونحرك
واول مايبدا البصل يصير ذهبي نضيف الثوم ونقلب الين يتشقرووون على خفيف اضيفي الفلفل الحار
الحلقااات وحركي الحين اضيفي الطماطم وقلبي بس انتبهي تضيفين ماي
خليهم يتسبكووون صح على نار هاديه بتاخذ وقت عشان تذبل بس
هنا حلااااتهاا اضيفي الفلفل البارد وقلبي الحين حطي البيضه المخفوقه ولاتحركينها خليها الين اطرافها
تبدأ تستوي وقلبي
شوفـــــي الصــــــوره
بعدين اضيفي الصلصه وقلبي بعدهـاا التووونه وقلبي واضيفي البهارات
اللي سبق وذكرتهاااا
في هذي الاثناااء تكونين تسلقين الاسباغيني بالماااي والملح بسسس لازيــت ولاماااجي عشان تصفينهاا و تضيفيهاا للخلطه وهي حاااره
حبيبااتي لاحد يرد الين يكتمل الموضووع
وتغطين عليهاا بدون ماااي انتــــــبهي ,, على نااار هاااااديه جدا" لمدة 10 دقاااايق انا احب الحكاكه
خليته اكثر من 10 دقايق تقريبا" 15 دقيقه وانتــِ، بكيفك ,,.
تطفين النار بعد مرور الوقت وتخلينها 5 الى 7 دقايق والنار مطفيه والقدر مغطى
وتقدمينهاا بالعااافيه ,,.
وهناا صوووره اقرب عشان الحكاااكه تبان اكثر
طعمهاا لذييييذ مع الشطه
مشالله تباااركــ الله
وبالعااافـيه على قلوووبـكم
دعوااااتكم بنــااااااااااات الله يحفظكم ,,.