اسبغتي الأيطاليه

السلام عليكم ورحمه الله وبركاته
شلونكم بنات انشالله بخير..اليوم جايبتلكم طريقه اسبغتي لذيذه وعلى طول يطلبونها مني أهلي وصديقاتي..وحتى شكلها بالتقديم بعد حلو ويفتح النفس ودي احطلكم الصور بس :( (اختكم عليميه بالكمبيوتر)لا تعلمون احد:unsure:
المقادير:
كيس اسبغتي
لحم مفروم
2بصل متوسط مفروم
3طماطم متوسطه مفروم
3فص ثوم مهروس
مكعب ماجي
زبده-صلصه الطماطم
جبن (موزريلا-بارميزان)
اورجانو(زعتر بري مجفف)
بهار (كاري-فلفل اسود-ملح-انجي موتو)
الطريقه:
تجيبين البصل وتحطينه على النار مع شوي من الزيت وتحمسينه شوي بعدين تحطين فوقه اللحم المفروم وتحطين عليه البهار مع نص كميه الثوم المهروس والماجي المكعب تحمسينه عدل لحد مايشرب كل الماءالنازل منه وبعدين تضيفين الطماطم المفرومه والصلصه وترشين عليه شوي من الاورجانو وتصبين عليه شوي من الماء لحد ماتصير مسبكه و شوي ثقيله يعني مو تخلينها ناشفه بالمره اوكي..الحين ناخذ الاسبغتي ونسلقها بالماء والملح واذا خلصت من السلق نخليها على جنب..تاخذين الزبده والثوم الباقي وتحطينه بالقدر(ويفضل يكون تيفال)وتحمسينه شوي بس علشان ماتحترق الزبده مع الثوم تحطين فوقه الاسبغتي وتضيفين فوقها جبن الموزريلا مع الاورجانو وتخلطينها عدل حتى يتجانس الخليط كله مع بعض..وقت التقديم تحطين الاسبغتي بالطبق المناسب لها..وترشين فوقها جبن البارميزان وعلى جنب صلصه اللحم .
وتعالي اكلي بالعافيه ما تشبعين منها ابد..
انشالله تكون اعجبتكم..صحه وهنا على قلوبكم:27: