انا استخدمتها من شهرين أنصحك فيها ممتازه جداً 

استخيري واطلبيها صدقيني راح تكون ولاده ميسره باذن الله وبدون تعب

امين يارب

الله يكتب اللي فيه خيرر

خوذيها والله نعمة من رب العالمين ..
خصوصا خصوصا اذا كان ماجاك طلق 
يعني لو ركبوا صناعي بتروحين فيها ..
بس لازم تستفسرين من الدكتورة او الدكتور 
الي بيعطيك اياها عشان ترتاحين اكثر 
قبل يركبها اسأليه عن المضاعفات و اي شي 
يخطر ببالك ..
و ترا اذا فتح الرحم اكثر من اربعه او خمسة 
سانتي خلاص مايمديك تاخذينها ..
فخبريهم بدري انك تبين تاخذينها 
و اتركي كل الكلام ورا ظهرك وخرافات شلل
و صداع و ظهري  و ساقي ومدري ايش ..
سبحان الله كل حريم العالم ياخذونها 
ومايولدون الا فيها الا حنا لازم 
نطلع مية عيب و مية كذبة وكذبة ..
هي مضاعفاتهاا شغلتين هبوط ضغط 
او صداع بسيط يستمر يومين ثلاث ..
انا اخذتها بولادتي الثانية لان ولادتي شفت 
الموت طلق صناعي عشرين ساعة 
وماكنت اعرفها وماحملت الا بعد ماقريت
عنها لان تعقدت جلست شهور احلم 
بالولادة وتجيني كوابيس منها واذا صحيت
اتذكر ولادتي واجلس ابكي 
مدري ليه ابكي عاد خخخخ 
المهم استخيري انتي وتوكلي على ربك 
و ان شاءالله ماتحتاجينها وتكون ولادتك 
ميسرة و سهلة .. الله يقومك بالسلامة يارب 

انا خايفه اخذها ويجيني آلام أو صداع فقررت ما آخذها خصوصا ان الصداع وراثي في عيلتي
أخاف يجيني ومايبطل خخخخخخ استغفرالله بس
عموما استخيري اول