<<-- تغيب مليوون سنة عن المنتدى وترد ترجع بموضوع خووزعبلي :D
بنات انا مابقول اكتشفت الدره
ولا بقوول بتنزلين مليوون كيلو باسبوع
كل اللي ابيه منكم بنطلون واحد بس
قيسيه عليك .. وياريت يكون جينز يعني مو من النوع اللي يمط
الحين تعالي افهمي السووولافه معي
قبل اسبوعين كنت رايحة للسوق
وشفت برمودا ابيض جينز مررررة مرررررررة اعجبني
ومانتبهت للمقاس من كثر ماعجبني
اخذته
هو مقاسه يلبس ميديم
واختكم بلله تلبس لارج
انا وزني حلوووو ماعليه بالنسبة لطوولي
طولي 163 و وزني 66
بس عيبي بطني منتفخ شوي
الموووهيم رجعت للبيت وجيت اقيس البرمودا
والطامة انه خش ومارضى يقفل اهئ اهئ
قلت والله ماارجعه <<-- اصلا لانك شلتي عنه ورقته وماتقدري ترجعينه خخخخخخخخخ
المووهيم <<-- كم مرة تب تقولينها هالمووهيم حقتك :hahaha:
قلت لازم اسوي شي واخليه يخش غصــــــــــــــــــــــــــب طيــــــــــــــب
تذكرت قبل سنتين اخذت من وحده من المنتدى كريم تنحيف
ماتذكر اسمها اتوقع نوف
وهذي صورته
وما استخدمته ابد ابد لان ريحته ماعجبتني
طلعته وجبت معي نايلون اللف اكيد الكل يعرفه وهذي صورته مع الكريم
وكنت اسوي معه جري 40 دقيقه بالهواء الطلق
اكرر بنات ترى الاجهزة اللي بالبيت ماتشجع انك تتمرنين عليها متى ما تعبتي بتهوني
بس برى الشارع على قد ما تروحي مسافة بتضطري انك ترجعينها عشان توصلي البيت
اول 3 ايام بتتعبي لان جسمك مو متعود ع المشي مسافات طويله
بس بعد الـ 3 ايام صدقيني من يجي وقت طلعتك للمشي تحسين انك نشيطه
طبعا انا اطلع مع اختي الصبح بعد مايروح ولدها المدرسه
ناخذها مشي من الساعه 7 الا ربع الين الساعه 7 ونصف طبعا رايح جاي
احسن مافي مشينا ان بيتنا ع الكورنيش .. يعني نتشجع مع الهوا الحلوو والبحر
يعني الحين عرفنا المقادير
كريم تنحيف ( اللي ماعندها او ماتقدر تحصل الكريم لانه صعب يتحصل على قولة البنات .. تاخذي زنجبيل طبيعي وتبشرينه وتضيفي له جوليسيد و ملعقه خل ) هذي الوصفه تشد وتنحف المنطقه اللي تبين تشديها وتنحفيها
و نايلون لف الاكل
وووووبس .. غير المتر طبعا اللي راح تقيسي فيه كل اسبوع مرة بس عشان تحصلين نتيجه مرضيه لما تشوفي مقاسك نزل
قبل لاطلع امشي هذا الاسبوع كان مقاس بطني ( بالمتر العادي )
بطني من فوق تحت صدري مقاسه 30
وبطني تحت نهاية ظهري مقاسه 35
احطه الكريم على بطني وادلك 10 دقايق الين يتشربه جسمي واذا نشف حطيت عليه النايلون ( بس بدووون شد ) لان مع الشد وانتي تمشين ينزل النايلون وما تستفيدين منه
اما بدون شد يظل مكانه ويتعرق جسمك مع الكريم وتحسين بحرارة .. وترى يا بنات اللي جربوه وشافو حرارته بدون مشي .. ترى مع المشي ماتبان حرارته ابد ابد .. يا دووب شي خفيف
بعد اسبوع واحد بس
بطني من فوق صار مقاسه 28 <<-- يعني نقص انشين
وبطني من تحت 34 <<-- انش واحد بالنسبه لي نتجيه حلوووة لان البرمودا رضا يتقفل ههههههههههههههه
طبعا بدون ريجيم .. بس انا اصلا مااكل واجد و دايم اكل زبادي لان الزبادي يذووب الدهوون تذووويب
وهونت عن الغازيات الببسي والسفن اب لان هذي اللي تنفخ الكرش
النتيجه اللي ابي اوصل لها يكون مقاس بطني من تحت 28 <<--- يعني يبيلي 3 اسابيع قدام تقريبا مع المشي
وكل اسبوع بحط النتيجه هنا عشان انتو تستفيدون وتتشجعون وتتركو عنكم الكسل
وعلى فكرة بنات .. ترى وصفه الزنجبيل اللي قلت لكم عليها حلووووة وتنحف
ناويه أجربها بس ياليت تقوليلي الكمية بالزبط
الزنجبيل والجوليسيد والخل قد ايش .. ؟.. والخل خل ابيض ولا خل التفاح .. ؟
والله يعطيك العافية .. ومشكوره على ذكر تجربتك