السلام عليكم ورحمة الله وبركاتة
نظراً لعدم قدرتي على تجميع قدر كافي من المعلومات من الانترنت عن تجارب حول عملية استئصال اللوز راح اكتب تجربة بنتي واللي مرت فيه ممكن يفيد اللي يواجه هذي المشكلة.
بنتي عمرها 5 سنين ،لها اكثر من ٣ شهور تشتكي من التهاب اللوز و رحنى لدكتور وليد الحازمي في مستشفى الحبيب-بريدة بعد الكشف لقى عندها التهاب سيء باللوزتين و جرب معها علاج اعشاب ولكن ما فيه اي فايدة وبسبب الالتهاب المتكرر صار تضخم فيها وحلها عملية و قرر انه يسوي لها عملية استئصال اللوز ( وقت العملية الاجراءات كانت صايمه ٩ ساعات وقعنا على ورقة الموافقة اللي فيها مكتوب يخوف لكن كان هذا الحل الوحيد و طمنا الدكتور انها بسيطة مو مستاهله خوف و على طول دخلوها غرفت العملية و انتظرنا بالخارج مدة العملية كانت من ٨-٩ الصبح ما طولت يعني ممكن نص ساعه و بعدها من الافاقة الى الغرفة ) مدة الجلوس في المستشفى يوم او ممكن بنفس اليوم يطلع المريض حنى طلعنا بنفس اليوم .
ما بعد العملية :
اول يومين متعب مره كان و الاكل مافيه اكل غير soft يعني فقط اكل ناعم ( موز مهروس ، جلي ، مهلبيه ، كريمه ، اسكريم ، وعصيرات ، ماء ) لكن بنتي انا عذبتني اكلها قليل بسبب صعوبة البلع قعدت ٧ ايام و بعدها كانت مراجعتها و قال عادي تقدر تاكل طبيعي و الحمدالله بدت تاكل طبيعي مع اعطائها مسكن تخفيف الالم لكن عشان تلاحظ التحسن النهائي يكون بعد اسبوعين تماما من العملية يرجع الطفل لحياته الطبيعيه .
و الحمدالله على سلامتها
و لكل من يعاني طفله قدامه العافيه 💕

Njood808 @njood808
عضوة جديدة
يلزم عليك تسجيل الدخول أولًا لكتابة تعليق.

أنا ولدي عمره كمان ٥ سنوات
مرة قالوا لوز لازم نشيلها ومرة قالوا لحمية
وسألت دكتورة قالت ولدك تعبان منها أو لا قلت لها لا والله نادر ما تلتهب عليه ويكون بسبب انفلونزا قالت نصيحة لا تشيلينها إذا مو متضايق منها
بس بعض الأحيان يشخر في النوم ومرات كأنه ينقطع نفسه
وقالت خالتي أم زوجي كل عيالي كذا إذا ناموا يمكن وراثة
مرة قالوا لوز لازم نشيلها ومرة قالوا لحمية
وسألت دكتورة قالت ولدك تعبان منها أو لا قلت لها لا والله نادر ما تلتهب عليه ويكون بسبب انفلونزا قالت نصيحة لا تشيلينها إذا مو متضايق منها
بس بعض الأحيان يشخر في النوم ومرات كأنه ينقطع نفسه
وقالت خالتي أم زوجي كل عيالي كذا إذا ناموا يمكن وراثة
الصفحة الأخيرة
لما كنت صغيرة كنت كذا دائم متضخمة الدكتور اقترح اسوي عملية واشيلهم لان وصف لي مضاد أكثر من مرة ومانفع ولكن امي خافت لأنها قرت قصة من النت أن وحدة شالتهم وصارت تشم ريحة كريهة
وهذا انا صار عندي مضاعفات بسبب كثرة التهاب اللوز صار عندي جيوب انفية
بنات عماتي يقولوا احنا شلنا اللوز وتلتهب مافهمت هم يكذبوا والا كيف مشيولة وتلتهب
شيء امنيح انك شلتيها بدري 👍
للحين انا افكر اشيلهم لان مقروشيني حتى وانا كبيرة لكن بعد خايفة بس القصة تبعك تبعث ع الامل ماشاء الله🌝
اتذكر الكل حولي كان يأكل اسكريم إلا انا لان عندي اللوز 🥲💔