انا اختي عمرها 10 سنوات .. وماما مخليه هم تركيب لبس العيد حقها عليا
لانو ذوقي مررره ناااعم وبنوووتي .. واختي الصغنونه تنجن على ذوقي
شوفو انا ايش اخدلها دايما .. تنانير قصيره اللي تجيكي قصتها ناااعمه ومره بنووووته.. (بس بصراحه ما اخدلها شي فوق الركبه لانو حرام بعدين تتعود على كدا!)
وهدي التنانير نازله دحين .. والسوق مليان .. عندكم عزيز مول في جده .. الدور التاني اغلبو محلات اطفال وبضاعتهم مررره كيوووت ... انا احب ماركة ادمز .. اشيائه بالمره ناااعمه وكيوووت
بالنسبه للتوب (البلوزه) احب القطنيات .. واخدلها كت بس مو مره قصير يعني ينزل من عند الكتف خلينا نقول اصباعين ولا 3 اصابع .. مررره يطلع عالبنات الصغار حلو ونعووووم ,,,
احاول دايما اركبلها جاكيت مع الطقم عشان لو بردت .. واحب اخد جنز لانو يمشي مع كل شي .. واركبلها عليه بروش من كليرز اللي يجيكم شكلو دائري ومكتوب عليه كلام بالانجليزي .. اخد كميه والوان مختلفه وامسك الجاكيت من واحد من الاركان واركبو فيها على حسب لبسها(خاصه ازا لبستها بنطلون وبلايز رايحه على سبووور اكتر)
غير كدا الاكسسوارات ما اخدلها الا من محلات الاطفال .. تجيكي مررره ناااعمه وكيووووت وتناسب اعمارهم
وبالنسبه للجزم احب الجزم الصغنووونه اللي تجيكي لاصقه عالارض (شكلها زي اللي بيلبسوها راقصات الباليه) عرفتوها؟ هي موضتها قدييييمه ودحين رجعت .. مرره حلوه عالصغار
وبس هوا هدا .. احب شكل البنت الصغيره بلوك نااااعم يبين انوثتها ورقتها .. والالوان دااايما اخد الوان الباستيل خاصة الوردي والاصفر الفاااتح والتركواز الفاتح وهدي الدرجات
وصدقوني التنانير القصيره مره مره راااااقيه وتحسيها دللللللع .. واللي ماتحب تلبس بنتها قصير (تحت الركبه) ممكن تلبسها تحتو هيلاهوب بلون مناسب .. احنا بنعمل كدا لما يكون قصير مره عليها .. احسو استر كدا
هدا اللي عندي وانشالله اكون ساعدتكم .. ومن جد ترا التسوق للصغار وخاصه البنات متتتتتعه
ادعولي ربي يسهل عليا دراستي ويفرج كربتي ويزيل همي يارب ... والله ينولي وينولكم كل اللي ببالنا امين
^_^
انا اختي عمرها 10 سنوات .. وماما مخليه هم تركيب لبس العيد حقها عليا
لانو ذوقي مررره ناااعم...
ونكست محلي المفضل وعندكم تاب وادمز للاولاد احسن من البنات
ومدركير ومحلات السواني
وزارا لقينا فيه تنوره زيتي وجكيت زيتي وداخليه اصفر رائعه
وللمعلومه ان مو متزوجه بس مع اخواتي لما يروحون اروح معهم
وافضل اسواق جده عزيز مول