استبدلت حاجة مكان حاجة باكلك والنتيجة احسن هنا بديل الفانيليا

انا دايما بحب اعمل حلويات بالبيت والكيك منهم واول ما جيت السعودية كل ما اروح المول ادور على نوع فانيليا كويس وجربت الانواع الموجودة كلها سيئة مجرد محتوى كميائى لو ما حطيتهوش احسن

فى نوع فى مصر اسمة كوكس صراحة احسن من الانواع الموجودة هنا

المهم دورت على النوع اللى بنشوفة على التليفزيون الاصلى االاعواد دى او السائل المهم لقيتة قريب فى مول اسمة لولو بالخبر صاحبة هندى تقريبا ولقيتة غالى وعلى اية انا كنت خلاص بطلت اعتمد على الفانيليا
وبدات الحكاية لما صاحب زوجى جاب لنا من مصر حاجة اسمها صوبيا وعليها مكسرات وهى عاملة زى النشا هى مشروب وريحتها حلوة فقلت بدال ما تتركن اعمل عليها تجارب نخلت شوية منها علشان المكسرات واخدتهم وحطيتهم على الكيكة بدل الفانليا والتجربة نجحت عملت ريحة حلوة للكيكة وخلصت الكمية وجربت حاجة تانية ليها ريحة حلوة الكسترد واخر حاجة بعمل بيها كسترد العلالى حطى معلقة كبيرة مع الدقيق او اتنين وشوفى النتيحة مع العلم انى بحط كمان بشر ناعم ليمون او برتقال مع البيض ويستحيل تلاقى زفار بكيكتى ما شاء الله

وممكن تجربوا اى حاجة تانية ليها ريحة حلوة موجودة عندك بالبيت

يعنى احنا لازم نتصرف ونلاقى البديل مفيش حاجة تعجزنا

وللامانة انا دايما بعمل كدة ببيتى واكيد انتوا كمان ياريت تقولولنا استبدلتوا حاحة مكان حاجة

ومن ضمن الحاجات اللى استبدلتها كانوا عيالى عايزين بشاميل وانا معنديش لحمة مفرومة ساعتها
كان عندى باقى شاورما بيتى فرمتها شوية انتى ممكن ماتفرميهاش وحطيتها مكان العصاج كانت جميلة بشكل تحفة وعلى فكرة من اهم الجاجات الموجودة بالفريزر عندى صدور ساديا المخلية اللى بتبقى ب32ريال 2ك ونص ارخص من فرختين ولازيادة شوية تعملى منها حاجات كتير ابقى اقولكم بعمل بيها اية
المشكلة لية فترة مش لاقياها

اما افتكر بديل تانى اقولكم علشان انا بطبخ دلوقتى وبروق سلام