استحلفكم بالله تدعو لاختي المغتربة

السلام عليكم اول اشي حاب اعطيكو نبذة عن حياة اختي متزوجة من 5 سنوات ام لطفلين 5 وا3 سنوات مغتربة بكندا والله يا بنات اختي تعيش بهم ما يعلمة الا الله بسب السحر اول ما تزوجت تعطل عنها زوجها وما صار اشي الا بعد شهر وراح على مشايخ قرؤا علية وكلهم اكدو انة في سحر الها ولزوجها وسحرها قديم وبعدين صار زوجها يضربها ضرب مبرح وهي والله جميلة ولا يعيبها اشي وبعد ما يضربها يقول انا ما اعرف ليش اعمل معاكي هيك يقول اشوفك سودا وهي صارت تشوف متل خيالات وناس مو كويسين يمشو بالدار واليوم اللي تشوفهم ينقلب عليها زوجها وبعد الزواج بسنة طلعت مع زوجها على كندا وهناك بدا الهم والغم على راسها وراس اولادها يضربها ضرب الله اعلم فية والله والله انها كلمتني قبل يومين وكانت تتكلم وتبكي تقول رجع زوجها عالدار ومرتب الدار ومنظفها ولابس احلى الملابس ومرتب اولادي وصار يقول البيت مو نظيف وصار يحكي انها وسخة ويسب اهلي وابوي واخواني ونزل فيها ضرب والله تحلفلي انة رجلها مش قادرة تحركها من كتر الضرب واولادها يبكو لا رحمها ولا رحم اولادة تقول واطلع برا الدار على حديقة واقعد من الصبح للساعة 3 العصر واضل تستغفر وتتحسب رب العالمين والله يا بنات تقول عواصف رعد كانت مو متل العواصف اللي تجينا اشي يخوف والله تقول ان الرعد يضرب من قدام وجهي تقول اطلع والله ما الي حدا الا رب العالمين وين اروح وترجع عالدار وانة بكل برود قاعد وصار اقول انا ما اعرف ليش اعمل معاكي هيك اشوف البيت مونظيف ولما اضربك ارتاح والله يا بنات بالشتوية ويمكن في نا س يعرف برد كندا القاسي والحرارة تحت الصفر نفس الاشي يضربها بعصاة والله اسبوع كامل وهي مش قادرة تحرك ايدها وطلعها برا الدار وكانت الحرارة 10 تحت الصفر والله قالت لو طولت الااموت من الجليد والبرد والله قبل ما تسافر كانت مليانة وزنها 67 والحين خيال متل الفزاعة والمشكلة انة مو راضي يخليها تنزل عالبلاد تشوف الناس تتعالج بالرقية عند مشايخ وزوجها ولد خالتي والله انة طييب لكن ما نعرف ليش اسوي فيها هيك واحنا عشنا طفولة مريرة مع ابوي كان قاسي علينا وعلى امي تقول كل ما يضربني يمر شريط الحياة لامي الله يطول عمرها والمرار اللي شافتة مع ابوي وما بدي بنتي تمر بنفس تجربتي القاسية والله خلت دموعي ينزلن تقول انا ابكي وبنتي قاعدة عندي تمسح بدموعي وتقول خلص يا ما ما والله هذا الكلام كنا نقوله لامي لما ابوي يضربها كنا نمسح دموعها يا بنات استحلفكم بالله تدعو ان الله يفرج همها ويسخر الها زوجها رافة بحالها وحال اولادها يمكن وحدة منكم تكون دعوتها مستجابة وخصوصا البنات اللي قريبات من الحرم