استحي على نفسك ياللي تتمني تتزوجي يا منحرفة

كلام سليم وانا من يوم في المراهقة اتمنى الزواج

..
صح عليـــكـ
كلام سليم
مو شرط لما انتم مايكون لكم رغبه يعني غيركم حرام عليه

..

الله يرزق جميع بنات المسلمين ازواج صالحين ..

اتفق معاكي 100% .,. وانا من الناس الي اشجع الزواج بدري يعني من الـ 18 ..

الزواج سنه الله في خلقه وفطره من اول ما يبلغ الانسان رجل كان او امرأه يجعله الله في نفسه بالعكس كل بنت تبغى تتزوج اليوم قبل بكره لكن انا اللي هالني البنات لا حياء ولا شي ما اصدق انه فيه بنت بعمر العشرين او اقل بشوي او اكثر انها تصرح بأنها تبغى الزواج كذا علنا المرأه من طبعها الحياء وبالذات الغير متزوجه الحياء شعبه من الايمان حتى لو كان الوحده قلبها بيتقطع على الزواج ترفع بنفسها عن انها تتكلم بها الشي يعني للاسف قريت لوحده تقول انها زعلت على عمتها لانها ما دلت عليها لوحده تبحث عن عروس لولدها يابنات ما توصل بها الشكل وامس اقرأ عن وحده زعلانه على خالها لانه جاب لبنت خالتها عريس وهي لا وهو يراضيها والله اخوي وهو شاب ابوي اللي فاتحه بموضوع الزواج وهو وجهه يتلون بميه لون من الخجل هذا وهو رجال
مو معقول يابنات التصريح بها الشكل الحياء مطلوب لا تقولين انتي متزوجه ومو حاسه فينا لا بالعكس انا عندي بنات خالات وعمات وصديقات يتقطع قلبي عليهم ابيهم يتزوجون اليوم قبل بكره وادعيلهم والله وانا اصلي
لكن يضل الحياء شعبه من الايمان
اللهم ارزق بنات المسلمين بالازواج الصالحين المحبين عاجلا غير اجل يارب العالمين

أنا ماني قادرة اصدق انه في ناس كذا تفكر؟ معقول وفي الزمن هذا ومع الانفتاح هذا احد يقول كذا؟
شوفي انا متزوجة نعم لكن بقولك شي انا من زماااااااااااااااان من عمري يمكن 14 وانا ابغى اتزوج يمكن ماكانت رغبة جسدية وحاجة لوجود رجل
بقدر ماهي نظرتنا القاصرة زمان إنه عشان تخرجين وتطلعين وتسافرين وتتمشين مالك الا تتزوجين؟ وهذا للإسف الي وصلوه لنا أهالينا كل ماقلنا نبغى شي وعجزانين يسوه قالو لاتزوجتي؟! طيب وضع طبيعي افكر بالزواج من صغري سواء كنت مدركة للزواج ومعناه أو لا؟

ثانيا الي تقول استحي على وجهك بهذا العمر وتفكرين بالزواج؟!!!
أنا اقولها....تستحي على دمها وخليها تفتكر نفسها زمان كيف كانت وهي صغيرة ؟!!!
ودها تتزوج اذا مو لرغبة عشان تعيش حياتها وتتطلع وتتمشى زي ماكنا كلنا نعتقد وعلى بالنا انه الزواج حياة رومانسية وعيشة هنية وتمشيات وطلعات وسفريات؟ وحب واخلاص وباقي كلام المسلسلات والافلام الي ماهي واقعية أبدا؟!

وكمان الي تبغى تتزوج لاطلبت حرام ولا طلبت عيب؟ طلبت حلال

بالنسبة لصديقتك انا انصحها وكل وحدة تجد نفسها تمارس هذا الشي لازم تقنع نفسها بداخلها انه هذا الي تسويه غلط وراح يأثر عليها بعدين بعد الزواج
ثانيا لازم تحاول تبعد نفسها عن المهيجات والكلام هذا مو بس لها حتى للمتزوجات الي عندهم مشاكل مع ازواجهم ومايصير لقاء بينهم او للمطلقات او الارامل .........حاولو تبعدون نفسكم عن المهيجات يعني مسلسلات رومانسية تركية افلام مادري ايش اغاني والشغلات هذه تراها مهيجات غير مباشرة تهيج النفس و التفكير وتخليه يكثر من الخيالات و و و الخ وكمان اي مقطع ماله داعي لاتشوفونه ..حتى لو الشيطان وحب الاستطلاع يخليك الا تبغين تسوين الشي قولي لا ربي بيشوفني خل استحي على دمي ابغى ربي يساعدني ويحل مشاكلي ويوفقني و يزوجني و و و واقوم اعصيه بنعمة اعطاني هي وحرم غيري منها؟ وهي نعمة البصر؟ يعني يابنات كلمو نفسكم بنفسكم وحاولو تنقعونها بالعقل عشان يخف الشي الين ماتبطلون
واركز على الصيام مهم سبحان الله الصيام مثل ماقال الرسول الكريم يا معشر الشباب من استطاع منكم الباءة فليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء ......يابنات الشيطان يجري من ابن ادم مجرى الدم والصيام يضعف الشيطان لانه ضخ الدم اثناء الصيام يكون أضعف ...اتمنى اني قدرت اوصل الفكرة من ناحية الصيام والي عندها فكرة اوضح ياليت تقولها عشان الجميع يستفيد

وتقبلي مروري بصدر رحب عزيزتي