لكن علينا حركات مابقى إلا نقلب الدفايه منزل متكامل
وإليكن مايثبت ذلك
فعلى سبيل المثال لو نبي نسمي الدفايه مطبخ اليك بعض سوايانا بالدفايه
ندفي عليها الشاهي والحليب اذا كان بإبريق
وبعد ندفي الخبز والصامولي
ايضا ندفي الأكل اذا كان بقدر
لا ونسيح الشكولاته اذا كانت جامده
مابقى الا نشوي دجاج ولحم
ونطبخ ذبايحولو نبي نسمي الدفايه نشاف نقدر ليش لا
اذا كنا نحط الشرابات وهي مبتله وأيضا ملابس البزارين على الطاير
لا واذا جينا بندفي الشرابات بنلبسهن وخصوصا الفجر
ونقدر نسميها مبخره
اذا دخلتي البيت وشميتي ريحة بخور ومعمول تلقائيا اعرفي ان مصدرها دفايتكم الموقره المتواجده بمكانن ماء بالبيت
ونقدر نسميها غرفة نوم وخصوصا اذا جاء واحد مصحينه اهله للمدرسه ومتلوي وصاير تقل كوره بجنب الدفايه
وكله بكوم واذا جاكي واحد وفتح رجوله 180 % ووقف فوق الدفايه علشان يدفا ولو جاه اتصال ونسا نفسه وشم ريحة حرق ودخان يتصاعد بين عيونه اعرفي انه بيصير كذا
نقدر نسمي الدفايه منزل متكامل
على فكره لابد أن نحمد ربنا على النعم ومن ضمنها الدفايه
عموما هذا الموضوع ترويحي وتقبلون موضوعي بصدر رحب
لكن التعليق ششي .. ( بصراحه الدفايه عامله عماييل ) ... ^--^