سمرمر ياقمر انا برضه في مرحلة التشطيب

بالنسبة للحديد المشغول ماقد سبق وشفته
بس مدري كيف حاسة مو حلو
يمكن مافهمت ويمكن لو اشوف صور اغير رائي

أما بالنسبة للأرضيات
فأنا شريت للدور العلوي الخاص بغرف النوم سيراميك نص لمعة
بس والله بعد محطيته ماعجبني كثير

فاشتريت لدور الضيافة والمعيشة بورسلان بلمعة عالية
فكان رائع للغاية ومثل الرخام شي حلو بصراحة

اما الارضيات اللي شكلها خشب
مدري اشلون ما احبها احس كأني ساكنة في طوكيو
ماحبيتها



وبما انك من جدة
خليني احط همي على همك
وأسألك
تعرفين عناوين محلات تبيع مغاسل غير شكل؟؟؟
وشكرا لك سلفا اختي

مناهل حبيبتي الللللللللف شكر عالرد.. والله نطيت من الفرحة لما لقيت ان في احد عبر اهلي اخيرا :23:

شوفي بصراحة انا الحديد ماشفته نظرا يعني بس سماعي احد حكالي عنه وعشان كذا بستفسر ودي اشوف شكله بس مالقيت صور .. وسبحان الله يمكن خيره من ربنا :(

وبالنسبة للأرضيات من جد مرة ساعدتيني اهه احط في بالي الاشياء هذي لما نبدا تبليط ان شاءالله.. شكل البورسلان طلع حلو ماشاءالله .. ربنا يهنيكم فيه .. بس قوليلي البورسلان هل زي السيراميك فيه فراغات بين القطع حقته او لا.. وهو من فترة البورسلان بيحطوه.. يعني الايام هذي دارج كمان والا لا؟ مو حكاية ابغى امشي عالموضة .. لا بس يعني بيدور الواحد عالاشكال الجديدة لانه ساعات بيحط شي وبعدين يطلع احسن منه ويقول ياريت حطيت التاني..
بس اتوقع البورسلان روعة وماتروح موضته..

بس فين احسن محلات يبيع البورسلان؟؟؟

سؤال تاني.. (التيراكوتا) دارج كثير في مجلات الديكور بس فين افضل الاماكن داخل البيت ينحط فيها؟؟؟

ونجي للمغاسل..

امممممم إذا كنتي تدوري عالشكل بغض النظر عن الاسعار فعندك..

نجم أبا حسين في التحلية... اشياء روعة بس اسعار اغلى من السوق..

ممكن تاخذي للدور الارضي بس بعد ما تتأكدي ان الشكل الموجود عندهم مو موجود في السوق لان القطع تلاقيها في محلات تانية وبسعر ارخص بكثير بس هما طريقة عرضهم خطيرة يعني تقدري تاخذي افكار بس..

عندك الأيوبي .. تصادفي اشياء حلوة ورخيصة
فيه الاباء.. شرق الخط اشياء حلوة وبأسعار معقولة جداً

فيه محلات في الشارع المقابل لـ نجم ابا حسين بس كمان غالية...


تحياتي لكي.. وردي عليييييييييييييا بليييييييييز..
سمورة:27:

سمرمر ياعمري تسلمين على كلامك الحلو

بالنسبة للبورسلان اللي شريته لما حطيته بالارض كان لاصق في بعضه بشكل لاجعلنا نحتاج للترويبة اطلاقا
فطلع شكله جنان كأنها قطعه واحدة

لأن الترويب اللي بين البلاط يجمع وسخ وشكله مو مرة يعجبني

طبعا اجود بورسلان هو الايطالي والاماراتي راس الخيمة والاسباني
بصراحة الميرو متخصص بالاماراتي راس الخيمة وروعة جدا

اما الكوثر فمتخصص ببورسلان ايطالي يطير العقل

وكله راجع لك


نجم اباحسين رحته
حختار منهع المغسلة اللي كأنها مدخل اللي بالخشب للمغسلة اللي جهة الرجال
بس المغسلة اللي جهة الحريم لسا مالقيت شي يدخل راسي

والله محتارة



ايه نسيت
التيراكوتا
اظن هذا ان ماخاب ظني
خاص بالاحواش لأنه قوي للسيارات والشمس والمطر وخلافه
هذا الكلام قاله لي واحدة مرة صاحب ارضيات لما دخلت محله اتفرج



تحياتي لك ياقمر وخلينا على تواصل

مناهل مشكورة حبيبتي عالرد:41: .. كلك ذوق ياعسل
وان شاءالله راح نكون على تواصل.. وأي جديد عندك في مراحل التشطيب ياريت تفيديني فيه
وأنا كمان نفس الشي لو عندي أفكار أو صور جديدة راح انزلها لخاطر عيونك...


تحياتي :27: